Nyiak Sungut yth.
Assalamu'alaikum warahmatullahi wabarakaatuh. Innaa lillahi wa innaa ilaihi raaji'uun Lah daulu pulo salah surang konco awak saisuak, Cap, suami Syofyani Bustamam, kapatang, Jumat 30-9 patang hari di Banduang, dan rencananyo pagi ko dibao pulang ka Padang. Ambo alun dapek kaba, apokoh ka dimakamkan di Padang atau di kampuang baliau. Ambo dapek berita dari anak Anas Syafei nan juo maaja di Sastra Inggris, UBH, nan pagi tadi samo-samo jadi pengujia ujian skripsi mahasiswa kami. Marilah kito maafkan baliau walaupun rasonyo indak ado nan paralu kito maafkan, dek baliau ko urang seni nan sangaik elok. Mari pulo kito iriangi jo doa semoga arwah almarhum dibari tampek nan salayaknyo di sisi Allah swt sasuai jo amal ibadah baliau samaso hayaiknyo. Amin. Ambo parowaikan di lapau, sia tahu, mungkin ado adidunsanak jo anak kamanakan di salapan pinjuru angin nan bakatauan jo baliau. mak Sati (68->69) Tabiang, Padang Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
