Assalamu'alaikum WW Mak Ban, Bunda Ben sarato adidunsanak sadonyo....
Nan pertamo : soal pangalaman Bunda dalam masalah harago nan babedo antaro urang awak dan urang bule ... lah kakobeh awak sadonyo tu..... ambo blak-blakan sajo nyo.... kok soal harago untuak urang awak bisa labiah murah.......namun soal pelayanan... kok ka urang awak biasonyo labiah ndak dapek...., pangalaman iko ndak sajo di Maninjau.... di Bali, Lombok, Parapat, Banduang ampia samo sajo bantuaknyo... Nan kaduo : Pariwisata di Sumbar umumnyo dan di Maninjau khususnyo itu kiniko sadang ado masalah nan dilematis.....antara pariwisata itu sandiri dan 'adat' ...( adat dalam tanda kutip) ..... Dalam kondisi tapuruaknyo pariwisata Indonesia sasudah bom bali (I) ... memang sacaro ndak lansuang pariwisata ka sumbar persentase-nyo jadi naiak .... tetapi dari kue nan saketek itu kwantitasnyo turun jauah.....sahinggo banyak industri pariwisata nan ndak dapek maiduik-i karyawannyo sacaro wajar.... kok nan lai kuaik iman... mereka bertahan atau manutuik usao itu samantaro.... tetapi ado juo beberapa dunsanak awak nan manurunkan kualitas dan selektifitas... sahinggo ado nan kalua jalur.... dari sisi nan lain , dengan adonyo 'fatwa' dari beberapa KAN di babarapo nagari baraso pariwisata itu mambuek kemunduran moral.... mambuek industri pariwisata juo kanai tekanan dek urang-urang nan maatehnamokan 'adat' ... misalnyo razia-razia nan diadokan oleh 'paga nagari' ....nan kadang 'keterlaluan'..... dari sisi nan lain lai : bimbingan dari urang rumah bagonjong kini tu lah bakurang.... antah itu paratian atau pelatihan dll, soal paratian.... samo-samo dari pemda nan ciek suku dinas pariwisata....nan ciek suku dinas ketertiban.... harusnyo satpol pp bisa koordinasi jo dinas pariwisata untuak malakukan baa caro razia nan rancak dan baaturan...... ingek razia satpol PP bukiktinggi ka hotel berbintang tahun yang lalu ? ciek lai.... polda juo baitu ... apo gunonyo ado Polisi Pariwisata kalau untuak malakukan razia gabungan samo juo caronyo jo pareman.... Bukannyo ambo ndak satuju jo razia-razia tsb... tetapi ado aturan nan jaleh dan standar etika nan harus diikuti..... razia iko harusnyo tidak mengganggu untuak nan tidak malakukan kesalahan....soalnyo dalam pandangan ambo ...posisi razia itu kini adolah : sadonyo urang nan bawisata itu babuek nan salah sahinggo harus di razia..... sahinggo sanang bana ati dari 'paga-nagari'-satpol PP-Polda untuak maadokan razia pariwisata.... Nan katigo : Untuak Bunda Ben khususnyo sarato adidunsanak umumnyo..... Apokoh pengalaman Bunda itu di Wisma Keluarga Family . Aia Angek - Maninjau ? kalau iyo akan ambo sampaikan ka nan maurusnyo disinan.... Sakalian promosi ... untuak adidunsanak nan berencana manginap di Maninjau... ado pilihan tampek di Wisma Keluarga Family . Panurunan Aia Angek Gasang Maninjau , ado limo kamar , biasonyo dipakai keluarga...sahinggo tapakai kalimo-limonyo..... Lokasi di Tapi Danau Maninjau,...dakek ka Pamandian Aia Angek - Gasang Maninjau, untuak informasi labiah lanjuik bisa di hubungi Uni Nar 0752-61037 atau ka si Z sajo..... Wassalam Z Chaniago - Palai Rinuak - http://www.maninjau.com ====================================================================== Alam Takambang Jadi Guru ====================================================================== >From: "A Bandaro" <[EMAIL PROTECTED]> > > >Ben. >Carito cotage di maninjau du, io malu wak dino. >Mudah2an pak rt maninjau Z Chaniago bisa "maatur" >anak buahno. > >mak Ban (55) > >0812 8672172 >Bogor >~~~~~~~~~~~~ Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
