Assalamualaikumwarahmatulllahiwabarakaatuhu.
Mak Ngah dan dunsanak netter kasadonyo. Bara hari nan
lampau ambo ado mambao partanyaan mak Ngah satantangan
jo pertanyaan Siti 'Aisyah kapado Rasulullah
Shallallaahu'Alaihi wasallam, tantang " mato liau nan
lalok, tapi hatinyo indak ".
Ambo lupa persisnyo nan Mak Ngah tanyoan.Tapi mungkin
bisa ambo jalehkan bahwa Imam AnNawawi dalam
penjelasannya terhadap hadits tersebut menyatakan
bahwa memang ini merupakan kekhususan paduka
rasulullah nan maa, mato beliau nan laluok, tapi
hatinyo indak pernah lalok.(Hanya untuk Rasulullah
sajo, karano kekhususan).
Dan dalam panjalehan itu juo disabuikkan, bahwa indak
mambatalkan wudhuk, kalau awak talalok sambia duduak.
Mukasuiknyo, kalau awak duduak disurau, atau dimaa
sajo, di oto, kamudian awak talalok, indak mambatakan
wudhuk, nan bambatakan wudhuk kalau lalok sambia
babariang.
Kabatulan hadits ini adolah hadits nan tarakhir nan
ambo teliti, dari Imam As Syuyuthi, dari 450 hadits
nan ambo cari, makanyo ambo ingek, namun lupo
langsuang manjaweknyo ka Mak Ngah.
Dan ciek lai, ambo indak tahu, mak Ngah maambiak
hadits Muslim tu dari download atau cd di komputer
atau dari buku(cetak)? Soalnyo ambo suko binguang
kalau urang manyabuikkan no dan halaman buku atau
hadits, indak samo jo buku nan ambo miliki(buku
cetaknya), mungkin dari internet atau cd ambo pikia.
Wassalam. Rahima.
__________________________________
Start your day with Yahoo! - Make it your home page!
http://www.yahoo.com/r/hs
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
