Quoting "A.E. Riyadi" <[EMAIL PROTECTED]>: > Kaba-kabanyo Transparency International lah disogok, Indonesia > sabananyo > nomor 1. Saking hebatnyo Indonesia, Transparency International sajo > > disogoknyo
Assalamualaikum wR wB, Kenyataan yang pahit ini memang menyedihkan. Kondisi keseharian dari masyarakat kita memang tidak terlepas dari hal-hal yang berbau sogok menyogok ini. Antah dari ma mulai nyo. Tapi sejujurnyo kalau kita memang mengaku Muslim, hal seperti ini tidak akan terjadi .... Tapi apa daya .... Agama disisi lain, parangai disisi lain pulo .... Selayaknya agama jadi tuntunan kita..... Ambo masih ingek dulu waktu masih bujang-bujang tangguang di Padang. Ado surang Bapak-Bapak nan kalau bicara agamo indak tangguang-tangguang sampai pencong-pencong muluik nyo. Indak buliah saketek juo disolang ... sakali disolang, namo Bapak awak, namo mamak awak disabuiknyo ... Anak si Anu, kamanakan si Anu iyo sabana indak tau di ampek ...., kurang aja ka urang gaek ....! Nah ... kalau Jumat malam sampai ... mulai lah kawan itu manulis-nulis angko mamasang buntuik ... (kini mungkin togel namonyo). Nan kaji sajak senin sampai kamis lupo dek inyo ... eh 'kan indak baa-baa saketek-saketek 'ko eh ... he he. Baitu juo halnyo dengan korupsi 'ko ... Jan disatu sisi sampai tagang urek mariah bicaro agamo ... sampai lusuah kitab hadist Bukhari dan Muslim di bolak-balik nyo, tapi kalau disodorkan amplop ... he he, indak baa-baa doh ... saketek .... ambo 'kan indak maminta ... ma ado doa panulak rasaki .... Padohal harusnyo inyo tau, amplop tadi iko ado tendensi lain ndak? Ambo satuju jo sanak Yoneldi, untuak mengurangi korupsi iko mulailah dari diri awak masiang-masiang .... Jan suko manunjuak hiduang urang, samantaro awak lupo jo muko awak sorang. Kalau filosofis yang sederhana iko dituruti, samo sarupo sanak Yoneldi tadi, ambo yakin, kondisi korupsi nan parah iko pasti bisa ditekan. Wassalam, --fred Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
