Assalaamu'alaikum W W.
Mak Darul,
Batua pamikiran Mak, "PEMBUDAYAAN". Kato nan mudah di kito manyabuik kan no,
tapi masyaAllah sarik no di kito manunaikan no. Alah 6 (anam) dekade tugeh
"pemerintah" sbg agen perubahan (social engineering) jo kalangan "pemimpin
informal" bakarajo, tapi bantuak iko min jadi no, --- tabangkalai (kalau ndak
ingin disabuik tambah parah), sahinggo energi jo hasil-2 pembangunan fisik nan
lah dicurahkan/dicapai jadi sio-2 ( manuruik data Human Development Index,
kualitas manusia Indonesia taburuak di antaro negara-2 di ASEAN. Awak di urutan
ka-111 diantaro 175 negara di dunia. Samantaro Malaysia nan dulu banyak baraja
dari awak, kini di urutan ka-76). Disampiang tu, manuruik data BPS, thn 2004,
.... kini panduduak miskin alah 36,1 juta urang pulo. Ampia samo jo kondisi 15
thn nan lalu,........ iyo malang wak Mak.
Samantaro kalau ditanyokan ka ateh, jawaban satiok mantari yang kate nye "first
class" dari segi managerial tu, sangaik sajuak tadanga ditalingo. Kiro-2
jawek no : "Saatnya kita berpikir ulang secara komprehensif dan strategis
untuk memperbaiki kesalahan kita di masa lalu". Ckh...ckh...??!!, rancak na
bahaso no,.. tapi alah anam dekade...itu ka itu juo jawek no.
Awak bukan no ndak mampu, bukti no bangsoko pernah sukses mausia panjajah &
maredam pembontakan, mampu manyatukan nagari nan salaweh ko manjadi NKRI.
Awak punyo Bung Karno, sosok nan bergelora jo mimpi-mimpi dan gagasan-gagasan
gadang. Tapi, mungkin kah baliau lupo marumuskan atau mambuek fondasi, --- baa
tahapan malaui/manjadi bangso nan gadang tu ??. (wallahuallambissawab).
Pangganti baliau, -- Soeharto --, manggerek pembangunan jo "doktrin dan
kekuatan tentara". Politik relatif 'stabil', ... sabab ampia sado no dibingkai
dalam kontrol negara. Akibaik no, kekuasaan manjadi sangaik 'elitis', --
tatutuik. Sampai-2 urusan negara jo keluarga ndak jaleh lai bateh no, --
tumpang-tindiah. Perkoncoan dan Kronisme nan jadi "blue print" no.
Objektivitas panilaian untuak manantukan keunggulan -- "primus inter pares" --
pun tasingkia. Urang nan batua/luruih, baprestasi, tapi ndak masuak dalam
lingkaran perkoncoan, jan bamimpi ka di bao sato.
Jadi, kaduo no mangabaikan aspek pembangunan manusia, mengorbankan kualitas
manusia Indonesia. Nan partamo manjadikan politik sbg panglima, nan kaduo
stabilitas sbg panglima, bukan pembangunan SDM..
Lantas ?
Di tangah caruik maruik politik nan indak dewasa ko, pemerintah kan
saharusnyo capek marumuskan arah pembangunan manusia Indonesia ko. Undang
seluruh cendekiawan dan urang-urang terbaik dinagari ko, .... duduak basamo
membicarakan persoalan nan sangaik serius dan mendasar ko. Jiko paralu sato
Mak ciek.
Memang awak lah agak talambek, ... tapi nagari kan alun kiamaik lih yo ndak.
Paliang tidak, awak masih punyo rakyat nan luar biasa sabano, -- ndak tapikia
revolusi -- sakalipun negara alah baulang kali gagal mensejahterakan mereka.
Wallahualambissawab.
Wass,
AR (75)
darul <[EMAIL PROTECTED]> wrote:
Assalaamu'alaikum W W.
Rashasiono iyo jo budaya, atau dubudayakan. Contoh budaya, jikok awak bajalan
atau berintegrasi jo masyarakat Japang, terutama di desa atau kota ketak, iyo
taraso bana beda jo nan diawak. Harkat manusia disinan iyo bana diharagoi. Bara
bana sibukno urang kalau awak minta tolong, jo kato sumimasen sajo inyo alah
bereaksi, dan kadang manolong bakalabiahan. Pernah ambo mananyo jalan dimalam
hari, malah diantaanno kami jo oto no.
Dikampuang awak, dunia Melayu dulu, kekeluargaanko iyo bana dakek. Jikok basuo
dijalan saliang tegur manegur. Kini??? ondeh alah jauah bana. Ambo kiro saliang
tegurko ado diawak sajo. Rupono indak, pernah suatu dikampuang di Labuhan Bilik
di daerah Asahan? ambo jalan kaki dikampuang, urang nan indak kenal juo saliang
tegur sapa jikok basuo dijalan.
Contoh nan dibudayakan. Di ABRI atau nan pernah malalui pendidikan dasar
kemiliteran, disitu nampak bana raso kebersamaan dalam satu group. Saling
pengertian dan saling tolong manalong iyo bana taraso jauah babeda jo nan
biasano sabalun marasokan basis kemiliteranko. Ambo raso di Nguyen Son ko
adolah nan tabudayakan bantuak iko. Dek baliauko gadang dilingkungan militer
dan baliauko menghayati lingkungan nantun jo adat ketimuran.
Baa pandapek mak Caih.
Wassalaamu'alaikum W W.
Darul Makmur
---------------------------------
Yahoo! FareChase - Search multiple travel sites in one click.
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
