Assalaamu'alaikum wa rahmatullaahi wa barakaatuhu, Pakan Akaik jo Padang Lua Urang apa mambuek pangkua Api baro barono sirah Lah jadi sipaik dek manusia Suko bamasyarakaik jo bagaua Kadang bagurau jo bagarah
Di dalam tungku bamain api Basi diapa sampai sirah Sadang sirah mako ditokok Di dalam pagaulan saari-ari Sampai batangka sanggah manyanggah Kadang tasabuik nan tak elok Diaduak baro kalua api Bunyi api balasia-lasia Malanglah basi manangguangkan Dek duduak barami-rami Tajadi juo gisia manggisia Basuo juo bakasingguangan Basungguah karajo tukang apa Basi jo basi nan balantak Disinan pangkua mangko jadi Sungguahpun baitu bana Namono awak badunsanak Capek andakno manyudahi Pa aleh tungku batu jo kasiak Ambiak kasiak bungkuih jo daun Baro jo batu pasisiahkan Kok nyampang tasingguang katu kanaiak Kok talantak wakatu turun Maoh jo rida kito mintakan Api naiak asok naiak Asok naiak manggajuju Lah galok candono paran-paran Di ari baiak bulan baiak Kito abihi nan alah lalu Nan elok samo kito niaikkan Wassalaamu'alaikum, Lembang Alam ----- Original Message ----- From: "Elthaf (elthaf)" <[EMAIL PROTECTED]> To: <[email protected]> Sent: Saturday, November 05, 2005 11:05 AM Subject: Re: [EMAIL PROTECTED] Ketupat Lebaran 1426H > Assalaamualaikum wr.wb. Mak lembang Alam > > Ka Kototuo manjapuik pinggan > Singgah sabanta di Balaigurah > Tangan diuluakan minta basalaman > Mohon mauf dek salamoko banyak bagarah > > > Wassalam, > Elthaf Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
