He,,,he,, MakNgah itu mungkin salah satu keterbatasan e-mail perai kami ko. Sabalunnyo ambo alah mintak tolong jo Admin Staff ambo untuak mancarikan tando panah macam nan biaso ado dipalanta ko. Tapi sampai kini alun batamu lai do. System kami hanyo macam nan ambo buek ko untuak marespon e-mail terdahulu.
1. Nan tarandam baru sakuliliang Candi tu MakNgah, sekitar 103 m dari permukaan laut. Kalau tarandam kasado alahnyo jo candi tu listirik nan dapek memang labiah gadang, tapi banyak protes dari berbagai pihak untuak manjago kelestarian candi tu. 2. Dari Pasia Pangiraian itu MakNgah bisa pulo taruih ka Bagan Batu (salah satu bateh Riau-Sumut via Pujud-Mahato dengan Kebun sawit Torgamba yang kontroversil itu) yang merupakan jalan utama Medan-Jakarta. 3. Soal Dharmasraya ko, agak kabua juo tampaknyo. Walau dari ado dari bukti sejarah nan manyatokan talatak di Propinsi Jambi kini. Tapi Daerah Sungai Dareh di Sw Lunto/Sijunjuang nan cukuik terkenal maso bagolak saisuak. Kini manjadi ibukota Kabupaten Dharmasraya. Kabatulan Bupati partamonyo anak mudo ( anak pensiunan Caletek). Di daerah ko ado juo peninggalan kerajaan Abai Siat. Samo jo Kabupaten Baru : Solok Selatan nan ibukotanyo Muaro Labuah ado juo siso kerajaan Daulat Sungai Pagu nan istananyo talatak ditapi jalan Letter W manuju Kerinci. Di Kinali Pasaman pun ado juo siso kerajaan nan masih ado keturunannyo sampai kini. Baitu juo di Gunuang Sahilan Kampar Kiri ado kerajaan nan masih menganut Matriakhat. Sedang kerajaan Pelalawan samo jo Siak nan Malayu. 4. Kalau untuak nan ka Utara mungkin penetrasi Minang saimbang jo masuaknyo urang Mandahiling ka Pasaman. Sabab sekitar Rao-Tapuih lah bacampua bahaso/budaya Minang jo Mandahiling tu.Rang Mandahiling ko taruih masuak ka Pasir Pangiraian. Samo jo status Tuangku Rao jaman Pidari saisuak nan dikatokan urang Minang tapi inyo acok babahaso Tapanuli,dan ado akses ka Kerajaan Sisingamangaraja 5. Untuak masuaknyo Islam ka ranah Minang ko selain "Urang Siak" tu mungkin ado juo peran urang Aceh nan manggaleh ka Pariaman. Sajalan jo Syekh Burhanuddin di Ulakan nan katonyo baguru ka Aceh juo. Mungkin ado Pakar nan bisa mampajaleh kondisi ko Sakali lai maaf MakNgah, ambo masih mancari paste-quotation fitur tu. Salam -----Original Message----- From: [EMAIL PROTECTED] [mailto:[EMAIL PROTECTED] On Behalf Of Sjamsir Sjarif Sent: Thursday, November 10, 2005 3:27 AM To: Lapau Cc: Biaro Subject: [EMAIL PROTECTED] Luhak dan Rantau, ranah-minang.info; 2 ( dipeloki) Maa Angku Taufiq Rasyid sarato Rang Lapau nan Basamo, Ado saran MakNgah ciek nan dapek kito laksanakan dengan mudah. Kalau awak mangutip (dalam hal iko man-copy-and-paste) suatu postiang dan mangomentarinyo sarancaknyo kito bedakan nan maa tulisan atau paragraf awak dan nan maa nan tulisan urang nan kito kutip). Jadi dalam hal iko kok kito man-copy-and-past sarancaknyo di pakai fitur nan "paste as quotation" sahinggo jaleh mambedakan nan maa nan tulisan awak dan nan maa tulisan nan kito kutip dan komentari. 1 7. Salain Sungai-sungai Indragiri, Kampar dan Rokan nan disabuik dalam psotiang manganai tambo nan dikomentari sabalun ko, Batang Hari adolah "jalan raya aia" nan pantiang sekali di Selatan. Sadangkan di Utara sampai-sampai ka Sungai Barumun jo Bila, sungai-sungai nan mailia ka arah Timur tu marupokan bagian daerah lingkungan hiduik Urang Awak nan indak dapek dipisahkan dalam hiduik kaminankgkabauan dari maso ka maso. Sakitu lah dahulu, panjang amek beko. Salam, --MakNgah Website http://www.rantaunet.org _____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ____________________________________________________
