Maa Angku Bandario Pahlawan,
Tarimo kasih untuak mambari inspirasi untuak mancaliak Daerah Solok Selatan
jo Pasisia Selatan. Memang ingin bana ambo pai ka sinan. Ambo alah sampai
ka Alahan Panjang jo Danau Dibaruah jo Diatehnyo. Lai mukasuik ka taruih ka
Surian, Muaro Labuah ka Abai Sangir jo Bidar Alamnyo, tapi alun disampaikan
Tuhan lai.
Kalaulah ambo sampai nanti ka Abai Sangir, rasonyo lah tacapai
tampek-tampek penting dalam sejarah daerah, dari Huta Tinggi di puncak
sekitar kawsah Gunung Sorik Marapi di Mandahiling, Koto Tinggi di
penghujung Limopuluah, Sumpur Kudus di apik buki-bukik rimbo gadang
Sijunjuang dan niak ka Abai Sangir jo Bidar Alam di Solok Selatan.
Sadangkan di Daerah Pasisia baru hinggo Painan sakadar maengak-engak
mancaliak Pulau Cingkuak dari jauah. Alun sampai ka Indopuro lai walaupun
ingin tahu baa caronyo Cindua Mato sampai ka Sinan. Namun ingin ambo
mandanga dari Kaba dari Indopuro sandiri. Namun niaik lai ado mudahan
disampaikan Tuhan juo nanti.
Kalau Solok Utara lah dibegai jalan kaki dari Sulik Aia, Tanjuang Balik,
Batu Bajanjang, Pakan Satu, Katialo, Sibarambang, Labuah Panjang,
Paninjauan, Kajai, Lumindai, Pianggu, Taratak Bancah, Sawah Liek,
Sigumantan, Supayang, Sirukam, Kubang nan Duo, Aia Angek nandingin udaronyo
dilereng Gunuang Talang, Batu Kuali, Talang, Cupak, Sungai Sirah, Gantuang
Ciri, Saniang Baka, Singkarak, Aripan, lapeh baliak malingka ka Sulik Aia.
Itu sakadar sabingkah kenangan lamo pajalanan panjang kampuang-kampuang
nan dijelajah dalam bulan September 1958 dalam acara "minal jibal ilal
jibal" sararo "minal rimbo ilal rimbo" nan jaleh tabayang sampai kini. Duo
pantun nan indak lupo dari pajalanan tu, ditunjuakkan dek Urang Rundo
satampek.
Dari X Koto di Ateh:
Ka Ilia ka Pakan Satu,
Ka Mudiak ka Katialo.
Lah dapek nan Nomor Satu,
Lah tingga nan Nomor Duo.
Dari X Koto di Bawah:
Singkarak jo Saniang Baka,
Katigo jo Tanjuang Bingkuang.
Lah sarak mangko manyasa,
Bini cadiak disangko Binguang.
Baliak ka carito-carito tambo daerah. Kok ado sumber-sumber oral tradition
dari Daerah Selatan tu, barangkali rancak dikatangahkan sairih-sairih di
Lapau ko nak kito nikmati basamo saketek surang dan mungkin manjadi
inspirasi nan dapek dikambangkan dengan hati jo mato nan samo kito
nyalangkan. MIsanyo kalaua memang ado lo Pagarunyuang di Indopuro tu
langkok jo Kuburan Cindua Mato, mangko salam diskusi kito dalam topik ko
lah kito tamui tigo Pagaruyuang:
(1) "Pagaruyuang Tuo" di Kumani, (2) "Pagaruyuang Baru" di dakek Saruaso
nan kito kenal kini, dan (3) "Pagaruyuang Cindua Mato di Indopuro" di
Indopuro, Pasisia Selatan.
Salam,
--MakNgah
44167
From: "Asmardi Arbi" <[EMAIL PROTECTED]>
Date: Wed Nov 9, 2005 3:56pm
Subject: Re: [EMAIL PROTECTED] Luhak dan Rantau, ranah-minang.info
[EMAIL PROTECTED]
Sekedar info buek mak Ngah jo urang lapau.
Ambo kabatulan barasa dari Pasisie Salatan, Dalam monografi nagari-nagari
didaerah kami,sabagian besar nenek moyang kami barasa dari Sungai Pagu
(Solok Selatan) dan sebagian dari Alahan Panjang dan Surian,sarato sabagian
dari daerah Pasisie Barat Sumatera. Monografi sebagian besar bacampue jo
legenda sahinggo tidak bisa dijamin kabanarannyo. Apo lai indak ado
batanggal,bulan atau tahun bagai. Kerajaan Sungai Pagu dikenal sabagai
sabuah kerajaan Minangkabau nan diakui dijaman Balando dan sampai kini ado
bukti istana nan banamo Astano Balun. Diistana itu bisa dibaco tambo dalam
tulisan Arab Gundul jo barang-barang peninggalan sejarahnyo.
Daerah Solok Selatan jo Pasisie Salatan tamasuak daerah rantau dalam tambo
nan banyak bacampue jo legenda tu.tapi jarang disabuik atau ditulih.
Didaerah Pasisie Selatan ado pulo sebuah kerajaan Minangkabau nan terkenal
jo namo kerajaan Inderopuro nan punyo hubungan dagang lansuang jo Balando .
Di Lunang Silauik ado istana nan dulu caritonyo bapaga
ruyuang nan sampai kini masih dihuni dek keturunan Mande Rubiah nan disabuik
sabagai katurunan Bundo Kanduang.. Didakek istana ado kuburan katurunan
rajo-rajo Indropuro, disampiang itu ado pulo kuburan Cindua Mato.Dima
Pagaruyuang ko nan sabananyo.
Jadi nampaknyo sejarah Minangkabau ko jo wilayahnyo sampai kini alun jaleh
bana, baa nan sabananyo..
Kalau buliah ambo sarankan mak Ngah sakali-sakali pai pulo manjalajah
kadaerah Solok Selatan jo Pasisie Salatan manggali sajarah Minangkabau
tarutamo pusek kerajaan Sungai Pagu jo kerajaan Inderopuro, supayo langkok
tulisan geografi wilayah Minangkabau awakko.
Wassalam,
Bandaro Pahlawan (64)
----- Original Message -----
From: "Sjamsir Sjarif" <[EMAIL PROTECTED]>
To: "Lapau" <[EMAIL PROTECTED]>
Cc: "Biaro" <[EMAIL PROTECTED]>; <[EMAIL PROTECTED]>
Sent: Friday, November 04, 2005 9:05 PM
Subject: [EMAIL PROTECTED] Luhak dan Rantau, ranah-minang.info
> Maa Rang Lapau nan Basamo,
>
> Banyak katarangan Tambo nan kito dapek dari postiang nan diporowaikan
Angku
> Mudahar Batuduang Ameh dan mungkin juo ado data-data nan paralu kito
taliti
> untuak akurasi dalam panulihan.
>
> Pado umumnyo, katarangan-katarangan manganai geografi, baiak dalam Tambo
> maupun dalam Kaba agak kabua, tagantuang dari maa sumber Tambo dan Kaba tu
> bapusek dan baasamulo.
Internal Virus Database is out-of-date.
Checked by AVG Anti-Virus.
Version: 7.1.361 / Virus Database: 267.12.6/151 - Release Date: 10/28/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
