Wow...perempuan punya suami banyak? Polyandri? mana
bisa lagi. HARAM hukumnya. Siapa pulo apaknyo beko, Si
Anu, atau si Ane, atau si Ono?(hehehe..)
Kalau ingat begini, ingat lagi diskusi saya dan apak
paja. A..kecek apa paja ka ambo : " Ima ko iyo memang
sangaik pintar dan cerdas urangnyo? " Baa baitu da
ambo tanyoan .
Aaa jawab apak paja : " Kalau uda banyak dakek ka
padusi (talampau dakek mukasuiknyo, bukan indak buliah
dakek, buliah sajo tapi talampau dakek), ima
"cemburu". Lantas kalau ima dakek, atau talampau dakek
ka lalaki lain, uda "cemburu" ado sajo alasan ima
mematahkan argumen uda.
Aaa alasan ambo : " Uda sayang...kalau ima dakek ka
lalaki lain, baa banapun ima indak ka mungkin manikah
jo lalaki tu, ima tahu HARAM hukumnyo padusi mampunyai
suami duo, babedo jo lalaki, inyo bisa kawin duo,tigo
sampai ampat bagai, makanyo, sikap kehati-hatian ima
tantu labiah tinggi dibandiangkan jo uda ".
Aaa jawek suami ambo : " Jadi mukasuik ima, uda indak
boleh dakek ka padusli lain, ima buliah? ".
Jawek ambo " Bukan baitu doh uda,.buliah sajo, indak
rancak bagai doh seorang istri talampau manakan
pergaulan suaminyo jo perempuan lain, rancak juo suami
banyak bergaul kapadusi lain, juo indak elok padusi
talampau menekan suaminyo agar indak bermasyarakaik,
dek karano awak diciptakan Alah bukan untuak kehidupan
awak surang doh, atau kehidupan awak jo laki bini,
anak sajo, indak doh,.manusia diciptakan untuak sasamo
urang banyak, badakwah tugas sado muslim, dakwah
untuak lelaki jo padusi, hanya sajo silahkan banyak
dakek ka padusi lain, tapi tolong tenggang perasaan
ima sebagai istri uda, pandai-pandailah bersikap, baa
caranyo agar istri indak tasingguang, jaan pulo
dipuji-puji padusi lain didepan istri samantaro istri
surang dijatuahkan( maaf iko bukan tajadi diambo dan
suami doh, suami ambo salalu mamuji ambo, tetapi
kejadian iko banyak ambo caliak di keluarga lain, iko
nan sabananyo manyakikkan hati seorang istri.
Taruaih tarang sajo patamo menikah sikap suami ambo
indak jauh saroman sikap lalaki Minang lainnyo atau
lalaki diluar Minang lainnyo, stek egois, inyo buliah
iko..iko, samantaro istri indak buliah...etc..cerewet
jo makanan ..etc..banyak sajo kasalahan istri tu.
Tapi itu dulu patamo manikah salamo satahun pertama
menikah ambo marasoan aa nan dirasoan padusi lainnyo.
( maaf bukan mukasuik mambuka aib suami, indak doh,
nan indak buliah dalam ugamo awak adolah mambuka
kejadian atau cacat suami/istri baik cacat apo sajo,
tarutamo cacat dalam sexualitas, kecuali untuak
maminta saran/nasehat dokter, buliah sajo), tapi iko
realita kebanyakan nan dialami para istri dari
suaminyo.
Ambo mangamukakan iko, dek itu alah tajadi 11 tahun
nan lampau, semoga manjadi pelajaran atau i'tibar bagi
nan lain, bahwa ke"mesraan nan ambo alami kiniko",
bukan langsuang dapek baitu sajo, tetapi perlu usaho
nan kareh, bukan kabanyakan sebahagian urang tahun
patamo sampai katahun limo manikah nampak elok-elok
sajo, mesra sadonyo, tapi alah labiah satahun apolai
alah ado banyak anak, baru nampaik kesusahan hiduik
tu, baru suko barantam sasamo suami istri nampak
belangnyo masiang-masiang,balaianan jo ambo dari maso
pacaran sampai satahun duo tahun manikah sikap asli
indak barubah, baitulah adanyo, indak bamanis muko doh
sikap asli nan diperlihatkan.
Partamo ambo manikah iyo taraso sakik jo pedih dek
awak suami istri balainan sikap dan watak, balaianan
lingkungan hiduik salamoko, ambo hiduik dinagari nan
taruih tarang apo nan ado dihati itulah nan ado dilua,
indak pandai basikap munafik doh. Balain jo suami nan
hiduik dinagari nan banyak baso-basinyo, harimaupun
masih dinampakkan kambiang. Ambo salalu mangceke
kabaliau, : "Indak munafik namanyo awak tuh da, dimuko
urangnyo awak baelok-elok eh..samantaro dibalakangnyo
awak caci makinyo".
Pokonya banyaklah perselisihan pendapat dan sikap
antara ambo dan suami katiko tu. Ambo kareh inyo juo
kareh, Tapi nada suaro ambo kareh, inyo sangaik
lambuiknyo, sehingga suko indak kadangaran suaronyo
doh, lambuik haluih, dan taratur bilo baliau mangecek.
Aa nan dirasoan kebanyakan suami jo istri ambopun juo
marasoannyo dulu. Hanya sajo itu alah balalu,
maso-maso sakik, saliang mengenal pribadi
masing-masing tuh sampai satahun duo tahun, satalah
tu, saliang mangarati apo nan diinginkan
masiang-masiang pihak.Ambo suko taruih tarang ka apak
paja, apo nan ambo indak suko langsuang mangecek,
baitupun ambo indak namuah egois, ambo tanyoan juo apo
dari ambo nan indak liau suko, agar bisa ambo hindari.
Tiok sabanta, sampai kinipun ambo taruih minta maaf
"maaf yah da, kalau ima ado salah, tolong ridhai ima,
takuik mati tibo-tibo suami indak rela".
Dan pergaulan suami ambo lapehkan sajo, inyo alah
dewasa, tahu nan baiak dan elok kadirinyo dan
keluarganyo, indak rancak juo menakan pergaulan suami,
sangaik indak elok doh, suami bukan milik awak dan
anak-anak awak sajo doh. Ambo sangaik picayo, kalau
suami indak lari kama-kama, walau pergaulannya jo
padusi seabrek, kalau awak pandai bersikap ka inyo.
Ambo pernah satahun indak basuo jo suami, ambo di INA
beliau di Kairo, apo kecek urang ka ambo, tamasuak
kecek apak Quraish Shihab beserta istri liau satalah
ambo baliak ke Kairo : "Ondeh..Rahima iyo sabana elok
dan alim suami buk rahima ko, baruntuang bana dapek
suami saroman suami Rahima, ditinggalkan satahun,
bukan tambah liar matonyo doh, malah tambah manjago
matanyo, tambah menenggang perasaan istri, takuik
fitnah dllnya".
Dalam hati ambo tantu iyo, dek do'a kapada Allah
taruih ambo munajatkan agar manjago suami ambo, walau
ambo jauh mato darinyo tapi tetap dakek dihati, hanya
Allah sajo nan bisa mamalihara urang nan awak cintai,
sekaligus usaha memperhatikan dan melayani serta
mengerti pasangan taruih dilakukan, itu sajo indak
labiah dari itu doh, serahkan sadonyo ka Allah nan
maha kuaso, jaan awak menekan pasangan awak dari
pergaulannyo,indak elok, takuik mamutuihkan hubungan
silaturrahmi jadinyo awak beko. Urang nan mamutuihkan
hubungan silaturrahmi ganjarannyo adolah narako.
Apopun nan tajadi diawak tantu ado hikmah dibaliak
itu, asal awak lai maingek Allah sajo dan hari akhirat
nan jauah labiah utamo, andaikan bacaraipun suami
kawin duo tigo ampekpun bararti itu alah takdior dan
qadrat dari Allah, nan pantiang awak taruih barusaha.
Itu sajo.
Ado sabahagian urang mangecek : " Alaah buat apo cari
padusi nan bajilbab, buat apo awak manyuruah istri
awak bajilbab, nan bajilbab sajo antah baa tingkahnyo?
".
Iko pamahaman nan salah, nan jaleh, perintah Allah
bajilbab sajo alah dilaksanakannyo, samantaro nan
indak bajilbab baa, tantu ciek parintah Allah indak
talaksana doh, baa pulo nan lain. Iko parintah nan
gampang sabananyo dan rancak buek padusi tu juo
hikmahnya, kulit putiah mulus, dek tahinda dari
matoari, pahalo didapek dek malaksanakan parintah
Allah bajilbab tu, samantaro nan indak bajilbab, atau
bakaruduang nan manutuik dado, ciek dosa alah
didapeknyo, alun lai, badannyo tantu alah dicaliak
urang nan lalu, indak karugi suami tu, badan istri
awak dicaliak sia sajo nan lalu. Baruntuanglah suami
nan istrinyo bajilbab dan bapakaian muslimah, dek
hanyo inyo sajo nan marasokan kenikmatan tubuh
istrinyo itu. Ondeh..alah panjang pulo carito.
Mudah-mudahan dapek diambil manfaatnyo nan elok dari
carito realita hiduik awak kiniko.
Wassalamu'alaikum. Rahima
--- [EMAIL PROTECTED] wrote:
> Assalamualaikum warahmatullahi wabarakaatuh,
>
> He he rangkayo ado pangalaman yang samo ruponyo.
> Kami kaum lanang ingin maagiah rahasio ka kaum ibu2,
> sabananyo laki2 itu
> labiah manyukoi perempuan yang bisa mambuek laki2
> panasaran, yang
__________________________________
Yahoo! FareChase: Search multiple travel sites in one click.
http://farechase.yahoo.com
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
