Kalau pangkabala di Aia Mancua Anai, mangko alternatif jalan malucuih
rancak dipikiakan mambukak jalan untuak maso datang. Agak babelok tapi
mungkin manjadi scenic road nan alternatif:
1. SICINCIN -> MALALAK -> Balingka -> Kototuo. Dari Kototuo buliah piliah
ingi nka Padang Lua -> BUKITTINGGI atau MANYIMPANG ka Kotogadang -> Sianok
-> masuak ngarai mancocok di Banto Laweh (Bantalawas Cara Alasnya?). Atau
dari Matua dapek lo dibuek jalan scenic ka Sipisang > Lambah > Banto Laweh.
Dengan baitu, Sicincin dapek manjadi kota penting, pasimpangan jalan dari
Katapiang ka Pariaman ka Padang Panjang atau ka Malalak taruih ka
Bukittinggi atau Maninjau. Baitu juo MALALAK kampuang nan rancak dianggap
jauh tasuruak dapek pulo mandapek barakat masuak dalam peta dan paratian
urang banyak. Mudah-mudahan ado juo pitih turih taicia di sinan singgah ka
Kadai Kopi untuak maota-ota saketek. Bak kecek-kecak pantun Rang Saruaso ka
MakNgah sari:
Padang Gantiang Tanjuang Barulak
katigo jo Saruaso
Bakato aia dalam luak
kok ndak ka mambali singgah sajo.
2. Dari KAYU TANAM malereng ka Timur mamutuih ka Tambangan ka
PADANGPANJANG. Dengan baitu Kayutanam manjadi Kota penting pulo pasimpangan
jalan ka PARIAMAN ka kida dan ka Padang Panjang kasuok taruik ka Pariangan
ka BATUSANGKA atau taruih ka Pitalah (buliah bacabang ka Sumawang jo Sulik
Aia) ka SINGKARAK.
Kalau nan ka Pariaman dari Kayutanam tu dapek pulo manyimpang jo Jalang
Sicincin-Malalak Cako.
3. Untuak scenic road alternatif Baypass Bukittinggi rancak pulo di palaweh
jalan CINGKARIANG > Sariak > BukikBatabuah Lasi > Canduang > BASO.
Mudah-mudahan impian ko dapek dipikiakan para insinyur angkatan kamudian...
Salam,
--MakNgah
44326
From: "Dedi N" <[EMAIL PROTECTED]>
Date: Sun Nov 20, 2005 4:41am
Subject: [EMAIL PROTECTED] Bukittinggi - Padang, 7 Jam [EMAIL PROTECTED]
Assalamu'alaikum wr.wb.
Tiok rayo dikampuang iyo sero, bajalan kama-kama se macet, sahinggo target
basilaturrahmi indak tacapai salain dek sarik mancari hotel jo tampek parkir
bia di Padang, Bukiktinggi, Payakumbuah juo hand phone indak baguno, sinyal
ado tapi indak bisa kalua masuak. Baitulah seronyo barayo di kampuang. Jadi
dari pado paho sakik, tapasolah barayo dirumah sajo.
Aa baa gak ati tu Mamak jo dunsanak sadonyo, ado koh garan jalan Bikik
tinggi kadi pa laweh supayo bisa malucuih. Ambo caliak pangka bala macet ado
di saputaran aia mancua lambah anai, karano banyak urang bagaduru kasinan
dan tampek parkirnyo sampik. Mudah2an taun bisuak bisa labiah baiak.
Salam,
dn
No virus found in this outgoing message.
Checked by AVG Anti-Virus.
Version: 7.1.362 / Virus Database: 267.13.4/175 - Release Date: 11/18/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
