Assalamualaikum warahmatullahi wabarakaatuh,
Tarimo kasih banyak Angku Syahrir manayokan kasehatan MakNgah jo talipon
dari jauah. Sanang MakNgah mandanganyo. Iyo MakNgah baru salasai sumbayang
Isa sudah tu maload Google Earth Plus. Wakatu awak babeda 15 jam kini
karano winter. Jadi Jadi wakatu manarimo talipon tu MakNgah di California
wakatunyo 7:53PM (masih hari Sinayan malam) sadangkan di Jakarta lah pk
10:53AM (hari Silasa pagi).
Iyo sadang muloi mangecek awak jo talipon lah taputuih. Kadang-kadang baitu
ka Indonesia apolai kalau jo HP. Sudah awak mangecek, sabanta ko ambo
mangecek jo Urang Rumah Sakik Port Medical Center mantarjumahkan duo doktor
ciek dari Jakarta ciek dari Seattle manganai pasiennyo anak kapa nan sadang
sakik dirawat di RS tu. Sadangkan ambo di California. Tapi sayang dotor
Jakarta putuih harapan bakomunikasi karano suaronyo pun taputuih-putuih
sahinggo komunikasi jadinyo taputuih pulo.
Manganai ambo insyaAllah lai indak luko-luko doh, cuma yo whiplash kecek
urang, sahiggo rangkik-rangkik pinggang, pungguang jo lihia. Mungkiin dek
takadiak karano awak dilantaknyo dari bulakang. Ado oto malinteh mamotong
awak dari muko, jadi MakNgah rem, baranti habih di simpang jalan sadang
awak jo lampu ahijau. Tapi, oto nan mairiangi awak tibo-tibo manabrak kareh
dari bulakang.Trunk oto awak hancua. Sudah tu inyo bantiang ka suok
ditabraknyo pulo oto urang ciek lai nan sadang baranti ka masuak jalan awak
manunggu lampau merahnyo salasai.
MakNgaha agak panek-panek badan saketek, labiah banyak mangalai dari pado
sport. Salamo ko awak aktif sport, baranang, aerobik, jalan-jalan tempat
(tread mill), angkek-angkek nan rigan di Gym. Atau lari-lari anjiang
pagi-pagi. Patang dicubo baranang sabanta, lah sakik urek pungguang,
baranti sajo sudah 5 minik. Padohal biasonyo kalau indak sajam atau satu
mil alun ka kalua lai dri kolam ranang.
MakNgah ai dalam parawatan dotor jo physical therapist. Cuma makan wakatu
saba saketek. Kalau oto lah dideclared "total" aratinyo labiah maha
mampelokinyo. Jadi digantinyo sajo jo saharago pasaran dek pihak asuransi
nan manabrak awak. Kalau soal parawatan doktor lai pulo ka digantinyo. Cuma
untuak samantaro awak baia sandiri, sabab asuransi pribadi awak (nan
manjamin soal-soal kasehatan pribadi) indak bawewenang manangai soal-soal
kacelakaan oto.
Sakitu lah dahulu, mudah-mudahan MakNgah lakeh baiak baliak hinggo dapek lo
mamancak-mancak saroman biaso di Gym. Samantaro tu iyo manuruik se awak jo
dotor sambia badoa kapado Ilahi Rabbi.
44359
From: <[EMAIL PROTECTED]>
Date: Tue Nov 22, 2005 4:10am
Subject:
<http://groups.yahoo.com/group/RantauNet/message/44359>[EMAIL PROTECTED]
Taputuih MakNgah [EMAIL PROTECTED]
Assalamualaikum warahmatullahi wabarakaatuh,
Makngah antah baa taputuh surang talipun du, bialah awak sambuang sae
malalue surek go, ambo ingin mandanga baa sampai bisa kajadian tu mak,
alhamdulillah lai indak ado korban, sakalipun oto hancua juo turuk itu.
Sakian, wassalam, syb.
No virus found in this outgoing message.
Checked by AVG Anti-Virus.
Version: 7.1.362 / Virus Database: 267.13.4/175 - Release Date: 11/18/2005
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
____________________________________________________
