Assalamualaikum,wr,wb.
Ado duo parasaan nan ambo tarimo setelah mambaco email Mak Ngah ko. Partamo
ambo ikuik sadiah mandanga Mak Ngah alah tajatuah pulo dari kuretangin, kalau
ndak salah sabalun iko Mak Ngah dapek musibah pulo. Tapi syukur lah Mak Ngah
lai selamat.
Nan kaduo haru bacampua gumbira mandanga Mak Ngah alah basobok baliak walau
melalui talipon jo konco lamo satangah abaik nan lalu. Itu berkat kito kongkow2
di dunia maya nan kito sabuik palanta, yaitu palanta Rantau Net.
Semoga tali kasih nan alah lamo taputuih itu terjalin lai.
Jauah dimato dakek dijari.
Wassalam,
HM Dt.Marah Bangso (48,8 th)
Pusri Palembang
----- Original Message -----
From: Sjamsir Sjarif
To: jun aidi
Cc: Sjamsir Sjarif ; [EMAIL PROTECTED]
Sent: Tuesday, December 13, 2005 11:18 AM
Subject: Rusli Dt. Tumanggung, Tanjuang Balik
Assalamualaiakum warahmatullahi wabarakatuh,
Alhamdulillah, alah dapek kontak ambo jo Angku Gazali. Nan dicari memang namo
ketek baliau nan salah kana di ambo, nan sabananyo Rusli Dt. Tumanggung. Kini
baliau lah pansiun di Jakarta. Lah dapek nomor talipon, tapi sabalun ambo
talipon alah ambo mintak Angku Gazali manganakan labiah dahulu ka maso
September 1958 tu supayo baliau jan tacangang sajo nanti dalam talipon.
Sudah tu ambo talipon, lai basuo jo suraro baliau kaduonyo suami istri.
Untuanglah Angku Gazali lah manalipon maingekkan ka maso lalu, sahinggo baliau
lai indak takajuik tasirok darah tibo-tibo mandanga suaro hantu dari masa
silam. Panjang carito kami walaupun komunikasi relatif sabanta. Pokoknyo tujuan
ambo mahubuangi kawan lamo lah basuo salangkah, walaupun wakatu lah babeda
hampia satangah abad. Memang Maha Kuasa. Suabhanallah...
Sakitulah dahulu, mudah-mudahan awakpun basuo nanti.
Salam,
--MakNgah
At 04:47 PM 12/12/2005 -0800, jun aidi wrote:
Wa'alaikum salam warahmatullahi wabarakatuhu
Mak Ngah nan jauah di mato dakek di jari, semoga mak ngah capek cegak. jaan
ngebut2 bana naiak kureta angin tu.
Sayangno ambo indak punyo email bpk Gozali tu doh.
wassalam
Junaidi
Sjamsir Sjarif <[EMAIL PROTECTED]> wrote:
Assalamu alaikum warahmtullahi wabarakatuh,
Tarimo kasih baayak Angku Junaidi Malin Basa
Ambo cubo mahubuangi baliau nanti. Kini HP sadang hilang pulo untuak
mangirim SMS. Hari Kamih patang jatuah lo badan ko sadang naiak speda,
badarah-darah lo kaniang tu tarambau kapalo ka jalan kareh. Ado-ado se lah
garah rang gaek nan ka dialami... :)
Kalau nanti dapek ganti HP baru ambo sms baliau. Tapi kok ado email
baliau tantu rancak, lasuah jo email.
Sakitu lah dahulu.
Salam,
-- MakNgah
At 05:44 PM 12/11/2005 -0800, jun aidi wrote:
Wa'alaikum salam warahmatullahi wabarakatuhu
Mak Ngah nan dimuliakan Allah, hari jumaaik kapatang ambo sempat
talipon mintuo dan baliau agakno tahu Dt. Tumangguang nantun. Mungkin mamak
bisa hubungi adiak Dt. Tumangguang tu nan banamo Bpk Gozali kini batugeh di
department pariwisata. Ambo alah agiah tahu tantang mamak ka baliau. Iko no
baliau
Rumah: 62-21-7755565
HP:62-812-8406554
wassalam
Junaidi
Sjamsir Sjarif <[EMAIL PROTECTED]> wrote:
Assalamualaikum warahmatullahi wabarakatuh HM Dt.Marah Bangso jo Angku
Junaidi Malin Basa,
Dek ambo indak dapek distribusi email dari Lapau, jadi ambo indak tahu
alamat-alamat email urang nan mangirim postiang. Ambo indak punyo alamat Angku
Junaidi. Tapi wakatu ambo manyuruak-nyuru! ak di bulakang Loket Silk Air di
Lapau, ambo kijok baliau sadang sibuak. Alhamdulillah, dapeklah ambo alamat
baliau, sahinggo kito dapek baganjua. Tarimo kasih banyak Angku Junaidi Malin
Basa.
Sabalunnyo ambo jo Angku Dt. Marah Banso lah baganjua kutiko ambo
takana jo X Koto Diateh jo Katialonyo, tabayang jalajah jalan kaki dari Lintau
ka Padanggantiang taruih ka Pasilihan, Bukik Palano, Rawang, Sulik Aia,
Tanjuang Balik, lapeh ka Pakan Satu jo Kaltialo, lapeh ka Sibarambang jo Labuah
Panjang. Pamandangan sakaitar Sibarambang jo Labuah Panjang masih mangasan
dalam di banak ambo sampai kini tanpa ado budaya kamera wakatu itu. Wakatu tu
ambo sadang dapek special assignment dari "Pak Imam" (M.Natsir) maninjau daerah
kuliliang Solok. Satu malam baru datang ambo sempat mambari katarangan suasana
wakatu itu di Musajik Suliak Aia. Malam tu panuah audiensnyo.
Tarimo kasih banyak ateh email Angku Dt. Marah Bangso jo attchmentnyo.
File ! MS Word! lai dapek dibukak,sanang ambo mambaconyo sarato jo gambar
kaluarga. Nan file xls sayangnyo indak dapek dibukak karano dalam komputer ko
ambo indak punyo Excell. Dari Lapau ambo tahu, Angku Datuak Marah Bangso punyo
gambar-gamber sakitar nagari-nagari nan kito bicarokan tu. Kok dapek ambo akses
mancaliaknyo, iyo ka batambah sajuak kenangan visual ambo ka daerah tu. Tarimo
kasih.
Angku Malin Basa, Ambo kahilangang kontak jo kawan lamo, tapatan ambo
di Tanjuang Balik wakatu itu. Namo jo gala baliau lah ambo sabuikkan dalam
korespondensi ambo jo Angku Dt. Marah Bangso di bawah ko. Dari baliau ambo tahu
Angku Malin Basa adolah Rang Sumando di Tanjuang Balik. Mudah-mudahan Angku
Malin Basa lai bakatahuan jo kawan lamo ambo ko. Kok ado kaba baritonyo dima
baliau kini ingin ambo mandapek kontak. Ambo recall, rumah anak baliau ado di
lereng bukik sabalah kasuok jalan kalau kito dari arah Sulik Aia, di ateh Pasa
Tanjuang Balik. Tarimo kasih banyak.
Salam,
--MakNgah
Date: Wed, 7 Dec 2005 22:09:20 -0800 (PST)
From: jun aidi <[EMAIL PROTECTED]>
To: [EMAIL PROTECTED]
Subject: [SPAM] Inyiak Sungut
Iyo Mak Ngah alah baganjua ambo ka suduik, aa golah nan ka ditarimo
tapi bukan baban barek singguluan batu kan mak
wassalam
Junaidi
At 09:23 PM 12/4/2005 +0700, [EMAIL PROTECTED] wrote:
Waalaikumsalam warahmatulahi wabarakahtuh,
Mak Ngah di nagari Paman Sam nan ambo hormati, banyak bana pangalaman
hiduik Mak Ngah nampak di ambo, sampai2 nagari Tanjuang Balik dan
nagari
kami Sulik Ayie alah Mak Ngah jelajahi.
Setantangan Dt.Tumangguang nan Mak Ngah tanyokan, nampaknyo antaro
Sulik
Ayie jo Tanjuang Balik dalam penamoan Pemangku adatnyo ado beberapo
namo!
atau gala nan samo. Memang kalau Dt.Tumangguang nan di Sulik Ayie
ambo!
tahu persis, nan kini atau nan sabalunnyo. Nan kini banamo Azmi Anwar
pensiunan Kolonel Udara, dan pado hari rayo kapatang beliau diangkek
manjadi Ketua KAN Sulik Ayie, demikian pulo Dt.Tumangguang nan
sabalunnyo
adolah dari AURI juo dengan pangkek Letnan Kolonel nan banamo
Syahrudin
maningga 4 tahun nan lalu.
Kalau Dt.Tumangguang nan dari Tanjuang Balik iyo indak jaleh amek dek
ambo
doh, ambo lahia dan gadang dirantau, lahia 49 tahun nan lalu di
Bangkahulu. Pulang ka kampuang sakali2, memang Tanjuang Balik ko
indak
asiang lai dek ambo karano nagari kami batetanggo berjarak 5 KM dari
Sulik
Ayie dan datuak kami dahulu mampunyoi ladang di Gantiang Guk Balang,
sampai kini masih ado.
Gantiang Guk Balang ko masuak kanagarian Tanjuang Balik. Kalau ambo
indak
salah Junaidi di kandan! g singo Singapore adolah urang sumando
Tanjuang
Balik. Cubo pulo Mak Ngah tanyo ka urang rumah beliau apo lai tahu jo
Dt.Tumangguang tu ?
Sebagai tamb! ahan pengetahuan untuak Mak Ngah tentang Pemangku Adat
dari
Nagari Sulik Ayie, terlampir ambo sampaikan daftar dan rekapitulasi
pemangku adat nan ado di Sulik Ayie.
Wassalam,
HM Dt.Marah Bangso (48,8 th)
> Assalamaualaikum warahmatulahi wabarakahtuh
> Angku H.Mulyadi Dt.Marah Bangso,
>
> Sasudah mangana-ngana Katialo jo X Koto Diateh, takana dek ambo
kawan ambo
> maso dahulu, tepatan ambo di Tanjuang Balik. Baliau sabalun bagolak
> bakarajo di Kantua gubernur di Bukittinggi. Rasonyo tamatan SMA
> Bukittinggi
> tahun 1954. Kampuang baliau di Tanjuang Balik. Namo baliau kalau
indak
> salah Hasrul Manan (tapi ambo khawatir kalau namo ko salah atau
saireh j! o
> nan lain, tapai gala baliau adolah Dt. Tumanggung.
>
> Dek Panghulu di X Koto Diateh, apolai antaro Sulik Aia jo Tanjuang
Balik
> pasti lai samo-samo imbau maimbau, barangkali indak ka salah doh
ambo
> batanyo ka Angku Dt. M! arah Bangso, kok lai tahu dimaa lah Angku
HM Dt.
> Tumanggung kini.
>
> Kok ado informasi, email, telepon, atau dimaa baliau kini, tolong
> informasikan ka ambo. Kok jampang lai basuo atau bakomunikasi
tolong
> sampaikan salam ambo ka baliau. Karano lah satangah abad pulo jarak
> wakatu,
> kok baliau lupo, tolong kanakan ambo tingga di rumah baliau (rumah
anak jo
> istri baliau) pado akhir Agustus awal September 1958. Wakatu tu
ambo
> dalam
> pajalanan panjang menjelajah daerah dari antaro Palembang jo Natal.
Di
> Tanjuang Baliak ambo masuak ka Sulik Aia dari L! intau dalam acara
pajalanan
> kuliliang Kab Solok.
>
> Sudah itu kami indak basuo lai....
>
> Kok ado barito, sanang bana ambo kalau dapek bakomunikasi baliak.
Tarimo
> kasih banyak. Iko sabingkah carito jalua paribadi sajo antaro kito.
>
> Salam,
>
> --Sjamsir Sjarif
X___________________________________________Sjamsir Sjarif
Indonesian Translator, Interpreter, and Cultural Consultant
335 Gault St. #1, Santa Cruz, CA 95062, USA
Email: [EMAIL PROTECTED] Tel. (831)-426-1333 Fax (831)426-8907
--------------------------------------------------------------
Website: http://www.rantaunet.org
=========================================================
Berhenti, berhenti sementara dan konfigurasi keanggotaan anda, silahkan ke:
http://rantaunet.org/palanta-setting
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
