Ass ww Mak Darul,... Batua Mak, paralu capek diatasi, ... jan di tolerir,... sabab : 1. Mancaliak ka contoh nan sudah-2. Misal no bantuak kasus-2 penertiban di Ps Tanah Abang, Jkt,... mintak ampun rumit no karano persoalan ko di padiakan balaruik,... katiko persoalan ko manjadi akut,.....ditertibkan,.... implikasi no kamano-mano. Padohal kalau ditangani sajak dini tantu indak ka bantuak itu complicated masalah no. 2. Di Era informasi nan kato no alah canggih & global ko, ... persoalan-2 nan tasuruak dinagari ketek pun indak bisa lai di tutuik-2 i. Contoh no,...dalam hitungan datiak/menit, persoalan ko alah maruyak sampai ka Yokohama,.. bantuak komentar sanak Hasni (baco dibawah ko). Baa pulo ka maundang turis jo investor ka nagari awak kalau kalakuan awak dimuko pintu rumah sajo "randah" bantuak itu ??? Ciek lai,...mariangik jadi no, kalau di seminar atau di pertemuan ilmiah sosial-budaya dan sajenis no, awak mangecek juo soal filosofi "adaik basandi sarak, sarak basandi kitabullah", nan mandjadi identitas urang Minang,... tapi dilapangan jauah dari prilaku Islamic. Di cibiakan no awak di urang biko....!!!! *** Oiii ... sanak nan sadang bawenang alias punyo otoritas,... cubolah labiah serius, labiah tanggap pado biaso mauruih kampuang awak ko. Wass, Asadi Rasyid (75) ------------------------ Komentar dari Yokohama : Assalamualaikum Ambo cubo ikuik ciek bakomentar, memang suatu kondisi nan mambuek kita "malu" selaku urang minang apolagi baragamo. Bilo pulo kampuang kito akan maju kalau raso aman dan nyaman indak didapek. Urang awak sandiri pado meraso taganggu, apolagi urang asing nan ado atau kakampuang kito. Maaf, ambo saketek bacarito pangalaman ambo di nagari urang Japang, Oi sabana taraso alhamdulillah aman kito di mano sajo kito ado. Kalau kito baru datang disambuik baik (bisa dibayangkan bungkuknyo urang japang maagiah hormat ) semua dilakukan tanpa memandang urang dan itu budaya mereka. Dan katiko kito batanyo, insya Allah inyo akan tunjuakkan arah nan bana, dan tidak ado mamaso urang untuk naik angkutanyo, semua antri dgn baik dan urangpun jadi taratik. Sikap dan tingkah laku urang tun, meskipun inyo tidak baragamo Islam, ondeh, sabana santun dan hormat bana. Itu saketek pangalaman ambo kiniko di Japang. Sabananyo masih banyak lagi pangalaman nan baharago nan ambo dapekkan. Kalau ambo lihek, raso pareso dan santun iko, ado pada budayo dan ajaran agamo awak, tapi antahlah, masih ado segelintir urang nan indak mencerminkan itu semua. Sabana prihatin kito jadinyo. Maaf kalau ambo, mancaritokan kondisi nagari urang. Semata hanya ingin membuka mato hati semua pihak apalagi aparat nan punyo wewenang untuk mengatur dan menertibkan bandara kito tuch. Jaan sampai perkenalan baru datang kanagari kito, merusak citra apalagi pariwisata kita Minang kabau ranah nan tacinto. Sekian dari ambo, maaf kalau sekironyo ado nan indak berkenan. Wassalam Hasni, Yokohama
darul <[EMAIL PROTECTED]> wrote: Assalaamu'alaikum W W. Minta tolong awak ka kawan si Djon nan banamo Rinaldo untuak manyampaikan ka Dirut Angkasapura. Tolonglah Rinaldo, iyo bana malu awak jadi rang Minang kalau bantuak iko. Bandara ko Mambao namo Minang lo lai. Ondeh ............. (.....dikuduang) __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================