Batua, wakatu itu banyak tanago guru-guru angkatan ambo nan didatangkan ka
Malaysia untuak maajai anak-anak mareka tulih baco. Samantaro tu anak-anak
mareka nan santiang-santiang nan tamat SMA dipiliah sabanyak mungkin,
ratusan satiok tahun, dikirim ka Universitas-universitas di lua nagari.
Mareka baraja sa rajin-rajinnyo. Mareka itu lah kini nan manjadi para
pemimpin baik di bidang pendidikan dan bidang-bidang lain hasil pendidikan
mereka nan takun.
Takana di ambo dahulu tahun 1967-70 di Chicago, kami agak galinggaman
mancaliak anak-anak mudo tamatan SMA Malaysia dikirim ka kampus-kampus di
Amerika. Bahkan di Northern Illinois Unversity dakek Chicago, jaleh bana
banyaknyo, dan kito namokan kampus tu lah jadi Kampung Melayu. Heran kami
(kawan-kawan urang Indonesia) baa mangko Malaysia mangirim anak-anak mudo,
beko tapangaruah jo nan sasek-sasek kalakuannyo? Tapi, mareka dengan
bimbingan nan baiak dari kampuang halaman mareka, anak-anak pilihan ko
baraja sa kareh-kareh dan sa rajin-rajinnyo.
Babeda jo pemerentah awak, wakatu tu di awak, urang nan dikirim sikolah
kalua adolah dipiliah dosen-dosen nan seharusnyo tanagonyo diparalauakan
untuak maaja di dalam nagari dengan gajinyo. Tapi mereka dikirim kalua
nagari dengan basiswa dan gaji sarato dinasnyo iduik di Indonesia, duo kali
manang, sacaro paribadi. Wakatu pulang pado umumnyo mareka mambawo oto.
Tapi sudah pulang, salain tambah pangkat dan gaji, dan oto paribadi made in
USA, banyak pulo nan manganggur karano kadudukan mareka atau meja mareka
alah dikaduduki oleh orang lain (main politik-politik-dalam dan irihatian
rabuik meja). Banyak ilimu nan dicari taserak kalua. Bukak sikola
partikulir. Dan juo, mareka nan lah dikirim tu karano lah baumua, wakatu
pulang, ado nan lah mandakeki maso pansiunnyo, bahkan ado saurang kawan
ambo, sabananyo lah siap untuak dijadikan mantari wakatu pulang, tapaso
mati, karano darah tinggi.
Kacuali sabagai contoh, ado surang tanago mudo nan dikirim akhia tahun 50an
samantaro awak parang-parang saudara PRRI. Urang mudo tu sangat cerdas,
baraja sungguah-sungguah. Wakatu kami sadang di rimbo, familinyo
mangecekkan, inyo lah dapek PhD dalam wakatu nan singkek. Anehnyo, wakatu
pulang inyo cuma mambawo buku-buku sajo sagudang, sahinggo indak tamuek
buku-buku tu di rumahnyo lai. Inyo pun indak mambawo oto doh saroman nan
banyak-banyak. Barito dari famili tu nan sampai ka ambo di rimbo gadang di
maso parang-parangan PRRI, tahun 1960, ambo tarimo kaba tu jo doa basyukur
ka pado Ilahi. Baliau adolah Pak Dr. Hasjim Djalal, kawan sakampuang ambo
wakatu ketek-ketek. Baliau manduduki posisi-posisi penting dan duta besar
keliling dunia. Kini, anak baliau Dr. Dinopati Djalal, masih mudo, masih
bujangan, sangat cerdas, lah mamaciak peranan dan tugeh-tugeh penting di
Deplu ...
Bayangkan kalau wakatu itu dikirim ratusan anak-anak mudo ka lua nagari
saroman nan dilakukan Malaysia wakatu itu, dan Japang babarapo kurun
sabalun itu ...
Takana dek ambo lagu kami wakatu ketek-ketek "Pemuda Bunga Bangsa, Pemudi
Sunting Negara ..." Barangkali kini lah wakatunyo untuak maretrospeksi
Kampuang Halaman kito, mampaarek cawek mampasegeh saghawa kito nan sadang
taghogoh, mambangkik batang tarandam, mamparhatikan pandidikan anak-anak
mudo kito sabagai asset harapan untuak maso datang ...
Salam,
--MakNgah
44811
From: Nofiardi <[EMAIL PROTECTED]>
Date: Thu Dec 22, 2005 1:00am
Subject: Re: [EMAIL PROTECTED] Malaysia Tawarkan Sekolah Murah [EMAIL PROTECTED]
Tahun 70an - 80an banyak mahasiswa Malaysia nan baminat/ kuliah di Unand,
IKIP & IAIN Padang.
Kalau kini yo lah tabaliak dunia.
No virus found in this outgoing message.
Checked by AVG Anti-Virus.
Version: 7.1.371 / Virus Database: 267.14.1/206 - Release Date: 12/16/2005
--------------------------------------------------------------
Website: http://www.rantaunet.org
=========================================================
Berhenti, berhenti sementara dan konfigurasi keanggotaan anda, silahkan ke:
http://rantaunet.org/palanta-setting
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
