Maa Angku Asmardi Arbi Bandaro Pahlawan sarato Rang lapau nan Basamo,
Awak di Lapau ko salamo ko iyo mambaruik paruik awak surang-saurang atau
basamo sajo tanpa tadanga dek urang di Lua Lapau. Kini dengan adonyo angku
sarato baduo batigo di Musyawarah GM (Gebu Minang) oraganisasi gadang tu,
sakik paruik jo sakik kapalo kito lah dilapehkan jo "Getah" (Gerakan
Muntah-muntah) Kito nan Basamo. Tarimo kasih ka Angku-angku nan ikuik sato
maapehkan "Muntah" Kito nan Basamo. Baun jo bunyinyo lah kito lapehkan ka
Lua Lapau sampai ka baliau-baliau nan mudah-mudahan dapek manggunokan
hiduang jo talingo nan elok dan basadio mangguluang langan baju mareka
untuak mampaeloki nan kurang rancak. Mudah-mudahan ado hasianyo nanti. Samo
samo manyimak kito. Samo-samo pulo kito maingek-ingekkan dan
maangek-angekkannyo supayo jan sampai jadi angek-angek labu pulo beko.
Kito nan Basamo di Lapau, salamo ko kito maota di dalam lingkuangan Lapau
sajo. Awak-awak sajo nan mandanga, indak lapeh ka Lua Lapau ka Rang
Kampuang jo Rang Rantau nan Banyak. Mungkin kini lah tibo masonyo bagi
kito, kok ado ota nan batareh, baransua-ansua kito lapehkan ka Lua Lapau
malalui media nan dapek kito capai. Rancak kito maengong ka suok ka kida,
kok ado Media di Kampuang atau di Lua nan dapek manampuang nan lah kito
indang-indang di Lapau supayo lapeh ka Masyarakat nan Banyak. Sahinggo
sakik kapalo kito atau sakik paruik kito di Lapau ko mancaliak dan mandanga
nan ganjia-ganjia dapek kito bagi-bagi ka Masyarakat nan Labiah Laweh dari
dindiang Lapau ko. Mudah-mudahan ado caronyo ka arah itu. Kok ado nan
punyo relasi baiak ka Media, rancak dibisiakkan ka Rang Lapau.
Mudahan ota kito nan tareh-tareh dapek tadanga dek Rang Banyak. Dengan
baitu, raso Cinto Kampuang Halaman Kito nan Basamo dapek dipupuak diseba
lawehkan demi untuak mambari inspirasi ka langkah-langkah suok di maso datang.
Salam,
--MakNgah
44805
From: "Asmardi Arbi" <[EMAIL PROTECTED]>
Date: Wed Dec 21, 2005 9:02pm
Subject: Re: [EMAIL PROTECTED] Tukang Pangua di MIA?; MIAaaaaa ... yo goa?
[EMAIL PROTECTED]
Assalamu'alaikum wr.wb.
Ambo kabatulan lai sato Mubes Gebu Minang di Sawah Lunto tu, mak Ngah,
sabagai utusan BK3AM jo BAKOR PESSEL. Lai basobok jo Dt.HM Mara Banso. Kami
alah sapakek laporan langkok ka Lapau akan disampaikan dek Datuak dek karano
baliau lai mambaok kamera dan ikuik panuah kasado acara nan disusun.
"Muntah-muntah" peserta mubes alah disampaikan, mulai dari urang sumando
MJK nan mabukak mubes sampai ka urang sumando M.Din Syamsudin Ketua Umum
Muhammadiah nan manutuik acara.nan dihadiri paRantau Minang mulai dari
Propinsi NAD sampai ka propinsi Papua jo urang Ranah nan dihadiri oleh
Gubernur,Bupati Wali Kota jo tokoh-tokoh adat sarato mantan pejuang Veteran.
" Muntah-2" indak tabatas soal pangua, tapi sagalo PEKAT (panyakik
masyarakat), KKN, Penegakan Hukum dsb pokoknyo sagalo nan acok awak
bicarokan dipalantako, tamasuak pelurusan Sejarah Minangkabau..
Mubes Gebu Minang, mambahas a.l. PertangunganJawab Pengurus Lamo, Amandemen
AD/ART, Program Kerja 2006-2011, Rekomendasi Ke PEMDA Sumbar jo Pamilihan
Ketua GM 2006-2011. Disatiok bidang pambahasan lai banyak nan "muntah"
basamo tu.
Nan paliang manggadangkan hati urang parantau Minang , bapak Gubernur akan
mangaluakan SK dibentuknyo satu BIRO Rantau di Pemda Sumbar nan manjadi
penampung dan penghubung antaro Rantau jo Ranah. Bapak Gub manangkok bana
baa gadang nyo potensi Rantau ko kalau basinergi jo Ranah untuak pambangunan
disagalo bidang.. Sabagian Peserta diundang ka pembukaan LOKA KARYA
PEMBANGUNAN SUMBAR 2006-2010 dimana rekomendasi Mubes GM ditampung.
Sabagai Ketua Umum GM nan baru terpilih secara demokratis adalah Mayjen TNI
Asril Tanjung nan sadang manjabat sebagai KAS KOSTRAD dan DIRUT MANDALA
AIRLINES. Mudah-mudahan baliau sukses manyusun pengurus baru
GM nan didasari penuh pengabdian, jangan sampai baliau nan dibesarkan GM
tapi sabaliaknyo kahadiran baliau nan membesarkan GM jo urang Minagkabau
nyo.
Nampaknyo kito bisa ba arok banyak jo bapak GUB nan baruko. Banyak gagasan
cemerlang nan disampaikannyo di LOKA KARYA nan diselenggarakan di Istana
Bung Hatta dimuko Jam Gadang nan alah nampak ketek itu.
Mudah-mudahan baliau berhasil manggiriang unsur-unsur Muspida jo potensi
masyarakat lainnyo untuak merealisasikan ide-ide konkrit nan
direncanakannyo.
Nan juo mancangangkan peserta iyolah semangat urang Sumando M.Din Syamsuddin
untuak mambangkik Batang Tarandam Minang malalui pendidikan. Baliau pengagum
barek Buya Hamka punyo rencana ka mambukak Pesantren moderen di Maninjau
dikampuang induak barehnyo. Sambutannyo manggugah raso malu urang barasa
Minangkabau nan terkenal jo sumber ulama dan pendidikan agamo Islam dijaman
saisuak..
Sahinggo iko dulu carito bajalannyo Mubes GM dari ambo , semoga manjawek
saketek keinginan tahu para dunsanak nan dirantau nan indak ikuik. Insya
Allah nanti dilangkoki dek Dt HM Mara Bangso.
Wassalam,
Asmardi Arbi.
----- Original Message -----
From: "Sjamsir Sjarif" <[EMAIL PROTECTED]>
To: "Lapau" <[EMAIL PROTECTED]>
Sent: Friday, December 16, 2005 6:33 PM
Subject: [EMAIL PROTECTED] Tukang Pangua di MIA?; MIAaaaaa ... yo goa?
> Iyo bana, LAPEHkan bana lah muntah-muntah Kito nan Basamo tu diadokan
> baliau-baliau nan banyak dalam patamuan Gebu di Sawah Lunto hari Minggu
tu.
> Kito nan Basamo di Lapau dari Jauah jo Dakek sato mauruik-uruik pungguang
> angku dari bulakang. Bayangkan se lah 1300 urang kito Rang Lapau sakali
> muntah jo angku. Jan ditahan-tahan, Lapehkan muntah tu kareh-kareh ....
> Uwakh, Uwakh, Uwakh ... ! ... :)
>
> Kabano mareka ka makan bajamba bagai. Mudah-mudahan pancaran api nan kalua
> di mato awak wakatu muntah tu saroman kilek tembak patuih, dapek tabaun
dan
> dicaliak dek nan pantiang-pantiang untuak diGebuan basamo...
>
> Bak kecek Rang Kampuang Awak di Sungai Pua, "MIAaaaaa ... yo goa?" [Aa
> karajo no du aa?]
>
> Salam,
> --MakNgah
>
> >44720
> >From: "darul" <[EMAIL PROTECTED]>
> >Date: Fri Dec 16, 2005 0:54am
> >Subject: Re: [EMAIL PROTECTED] [SMA 1 Bkt Jaya] Tukang Pangua di MIA ?
[EMAIL PROTECTED]
> >
> >Assalaamu'alaikum W W.
> >
> >Tarimo kasih sanak. Dek sanak dakek kasitu, makono kami minta tolong.
Tapi
> >kalau awak alah bausaho jo kamampuan awak, itu alah salasai kewajiban
awak
> >sacaro syar'i kan. Kalau indak talok kabaa juo. Tapi walau demikian,
> >sapatuikno awak taruih bateriak, walau indak didanga, taruihkan sajo. Kan
> >baitu ndak?
> >
> >Teriakan berkelanjutan bagai malah, kok lai ado juo perubahanno. Kalau
> >paralu awak SMS RI 1 dan Menhub, kalau SMS umum tu lai diparatian. Kalau
> >alah mentok tabiang ngarai kabaa lai. Itu baru buliah pasrah, terakhir
> >mungkin jo do'a.
> >
> >Apo iko tamasuak pesimis ndak yo?
> >
> >Wassalaamu'alaikum W W.
> >Darul Makmur
> ><<http://parapatiah.blogspot.com>http://parapatiah.blogspot.com>http://
parapatiah.blogspot.com
> >----- Original Message -----
> >From: Rinaldo J. Aziz
> >To: [EMAIL PROTECTED]
> >Cc: [EMAIL PROTECTED]
> >Sent: Friday, December 16, 2005 3:21 PM
> >Subject: Re: [SMA 1 Bkt Jaya] Tukang Pangua di MIA ?
> >
> >
> >Dear Darul,dkk
> >
> >Saya tidak kaget mendengar cerita 'tukang pangua' ini.Sejak beberapa
tahun
> >yg lalu saya sudah mengutarakan kepada banyak pihak tentang keberatan
saya
> >pribadi apabila sekarang ini pemda akan membuat program 'kunjungan wisata
> >ke Sumbar' tanpa persiapan yang memadai.Masalahnya, saya ini
> >siapa?..Walaupun demikian saya akan tetap terus berusaha sesuai kapasitas
> >saya.....
> ..................
> >Insya Allah, hari Minggu yad ini saya akan bertemu dengan Direksi Angkasa
> >Pura dan Direksi GA di Dps, saya akan 'muntahkan' semua ini kepada beliau
> >bahkan saya akan copykan surat sanak untuk menjadi masukkan beliau2 dalam
> >memperbaiki image AP II dan Sumbar pada umumnya...,kampung halaman kita
> >tercinta.
> >Insyaallah.
> >Wass
> >
> >Rinaldo
--Sjamsir Sjarif
X___________________________________________Sjamsir Sjarif
Indonesian Translator, Interpreter, and Cultural Consultant
335 Gault St. #1, Santa Cruz, CA 95062, USA
Email: [EMAIL PROTECTED] Tel. (831)-426-1333 Fax (831)426-8907
http://www.usindo.net/hambo
Member of:
ATA, American Translators Association http://www.atanet.org/
NCTA, Northern California Translators Association http://www.ncta.org/
IPA, Indonesian Professional Association http://www.ipanet.org/
=======================================================
No virus found in this outgoing message.
Checked by AVG Anti-Virus.
Version: 7.1.371 / Virus Database: 267.14.6/213 - Release Date: 12/23/2005
--------------------------------------------------------------
Website: http://www.rantaunet.org
=========================================================
Berhenti, berhenti sementara dan konfigurasi keanggotaan anda, silahkan ke:
http://rantaunet.org/palanta-setting
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
