Eeh Rangkayo Eva di Nagari Juruman, lai mancogok, indak kadinginan di sinan?
Iyo hampia samo jo Binggo jo di Rantau MakNgah bagai. Bahkan di Kapa-kapa
Pasiar (cruises nan MakNgahi kuti duo kali kuliliang Indonesia dan
Southeast Asia sambia mambari kuliah di Kapa) Binggo ko pun sangat
disukoi. Kalau Binggo iyo dibali karateh nomor-nomornyo dulu. Sudah tu
dikocok batu nomor-nomornyo. Kalau tiok nomor nan tasabauik lah mamanuhi
sarat isian, mangko si pamanang mangecekkan "Binggo!"
Katu ketek-ketek sisuak MakNgah sanang bana duduak-duduak di tampek Urang
Main Kim tu di Pasa Malam Bakiktenggi. Indak sato main doh, jadi indak tahu
baa pambayarannyo; cuma sanang jo lagu-lagu dendang pantunnyo nan barisi
kode angko-angko nan ka disabuikkan. Misanyo barih partamu sajo dari pantun
tu dinyanyikan urang panyimak angko lah tahu bara momor nan ka kalua.sudah
tu si Pamanang indak manyabuikkan"Binggo!" doh, cuma tadanganyo "Ho!"
Sia tahu, mungkin pulo Pak Tan Malaka (Kampuang baliau kan di Ikan Banyak
dakek Baruah Gunuang) nan mamuloinyo mambawo KIM ka Kampuang sisuak. Pak
Tan Malaka kan bakanti jo Pak Pak Ho Chi Minh di Kominterm Asia dahulunyo
wakatu incognito-incognito maso Bulando. Jadi, kalau nomor-nomor Kim tu
lah tasisi manang, mangko si Pamanang maimbaukan "Ho!" Nah wakatu Orde Baru
kabanyo main kim ko dilarang, mungkin pulo saruan manang "Ho!" dalam main
kim ko dianggap pulo kode subversif pulo dek pamarentah, dengan
alasan-alasan main Kim tu bajudi ... :)
Pernah pulo di California, pun Binggo ko dilarang dimainkan dek Pamarentah
dengan alasan nan samo dianggap bajudi. Tapi, sia nan main
manyuruak-nyuruak? Urang-urang gaek nan influential taruih batamu main
Binggo tu di ... Gareja!
Wakatu paraturan tu l;ah dicabuik, mareka tu kalua closet mangecekkan
galak-galak: Kami taruih Main Binggo tiok minggu di Gareja, kecek mareka
galak-galak dengan bangga.
Uniknyo dan lamaknyo irama dendangnyo Pantun-pantun Kim na di Uang Awak ko
tadiri dari Limo-limo Barih sauntai, indak saroman Pantun Biaso doh nan
ampek-ampek barih tu doh. Apo garangan namo kategori pantun-pantun Malayu
nan Limo-limo Barih tu? Salah satu Contoh Pantun Kim nan MakNgah aindak
lupo sampai kini adolah:
Uwau-uwau Tarompa Kabau,
Gadogah bunyi Padati,
Mandaki Kelok Maninjua.
Elok-Elok Tuan mananti,
Ampek-Puluah Ampek maimbau ....
Mulo-mulo Lapau ko batambah rami sisuak, kami acok malagu Kim ko jo
pantun-pantin Kim babega sambuang-manyambuang sakuliliang Dunia. Nan
santiang dan nyariang duel suaronyo jo MakNgah adolah Kicauan Murai Kukuban
dari Maninjau, Rita Desfitri, nan wakatu itu jauah di Selatan di Tasmania.
Katu pulang patang ko (duo tahun nan lalu), MakNgah lai pulo sampai Ka
Kukuban manjalang Muraio jo Ayah Bundonyo,dapek pulu maniakmati makan
rinuak di Sarang Murai Kukuban, di Tapi Riak Danau Maninjau ...
44883
From: eva nukman <[EMAIL PROTECTED]>
Date: Mon Dec 26, 2005 3:27pm
Subject: Re: [EMAIL PROTECTED] Ado nan ka main KIM di Tahun Baru ??? [EMAIL
PROTECTED]
assalaamu'alaykum wr. wb.
batanyo ambo ciek
apokoh garan main KIM ko?
kalau bisa diadaptasi jadi bingo, apo berarti pemain mambaia (mambali dulu
karatehnyo) dulu untuak sato?
va
On 12/26/05, Rasyid, Taufiq (taufiqr) <[EMAIL PROTECTED]> wrote:
>
> Soal tarjumah ko.
> Ditampek kami KIM ko acok diadaptasi kadalam BINGO nan sacaro periodik
> biaso di adokan di Rumbai, Minas, Duri,Dumai. Dengan mendatangkan
> artisnyo dari Maninjau (Machudum Group ??) itu dulu sabalun judi
> dilarang. Kok sadang naiak angko tu awak bisa manjujuang VCD, TV, Kulkas
> atau Sepeda Motor pulang
No virus found in this outgoing message.
Checked by AVG Anti-Virus.
Version: 7.1.371 / Virus Database: 267.14.7/214 - Release Date: 12/23/2005
--------------------------------------------------------------
Website: http://www.rantaunet.org
=========================================================
Berhenti, berhenti sementara dan konfigurasi keanggotaan anda, silahkan ke:
http://rantaunet.org/palanta-setting
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
