Assalamu'alaikum w.w.
Mungkin kasado alah-e lah cigin ba hari Minggu ko yo. Tapaso awak se lah nan ma-akuak2 dipalanta. Sore kapatang ambo maliek tayangan tipi nan mambaritokan "launching" buku si Hari Poter ko. Maliek haragonyo nan diateh saratuih ribu mungkin banyak dunsanak ambo nan dikampuang indak sanggup mambalinyo, samo jo majalah Playboy dihebohkan tu. Karano untuk buku kuliah anak se awak acok nan poto copy sajo. Tapi masih banyak rang palanta nan mampu mambalinyo, kalau amuah. Tanyato edisi "hard cover" nan aragonyo ampia 200 rb lah "sold out" kecek penerbitnyo nan dari kalangan non-muslim. Nan tingga hanyo nan kuliknyo karton biaso Kalau maliek tayangan jo judulnyo nan bahubungan jo Tukang Sihir mungkin buku ko indak pas juo jo jiwa Muslim nan anti syirik. Kalau ado anak kito nan mintak dibalikan buku ko, cubolah bapikia dulu dan agiah pangartian ka anak bahaso buku ko kurang pas jo awak. Jadi kito indak taruih ma ikuti sajo kama trend bacaan anak tu. Dulu katiko anak ambo masih SD, kami balangganan majalah " Anak Saleh" bahkan ado Festifal Anak Saleh bagai, baa kolah kini statusnyo. Sakitu dulu komentar ambo tantang Hari-Poter nan lah mendunia ko, walau tanyato ado nan indak pas jo agamo kito. Bagi ambo iko hanyo sabagai filter sajo dalam menerimo informasi. Alun sampai maharamkan tipi lai do. Sabab ado juo rang awak nan dalam pangajiannyo lah sampai maharamkan untuak manonton tipi. Sahinggo indak buliah ado tipi dirumahnyo.- Wassalam TR (50+) -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
