Assalamualaikum w.w. Saketek lai tambahan catatan parjalanan kami ka Bulan Sarik.
Sasudah simpang ka Batua, ado basua rumah sikola ciek, di ateh bukik. Disinan jalan basimpang duo, ka kida ka Bulan Sarik, ka suok ka Jambak Ulu. Mano nan jauh, ambo raso ampia samo sajo. Kaduonyo adolah satu desa atau satu jorong sajo. Baitu kecek urang di sinan. Agak labiah kateh, adolah tampek-tampek nan diabuik dalam tambo, mis. Sawah satampang baniah, batu pambagian luak, galundi nan baselo, (nan kasadonyo ko dklaim pulo dek urang Pariangan). Tampeknyo lah samak, dan jalannyo adolah malalui jorong Batua. Mungkin paralu guide kalau awak ka-kasinan. Di Bulan sarik, kami basobok oplet dari pasa Batusangka. Kabatulan hari Kamis, hari pakan di Batusangka. Ruponyo oto ko satu-satunyo nan mambaok urang ka pasa nan sampai ka desa ko. Barangkek jam ampek subuah, pulangnyo kiro-kiro jama 10-11. Dan indak babaliak ka pasa lai do. Di Jambak Ulu ado tugu peringatan tantara republik (harimau kuranji), nan dibunuah bulando dalam musajik sekitar tahun 48-49. Ado urang mambaok jawi. Kami tanyoan, lai ado juo pacu jawi di sikok Mak? Katonyo indak ado kini lai, sabab panduduak alah sabana langang, labiah banyak anak kamanakan nan pai marantau. Hasia ladang sagalo murah... Salam -adyan On Mon, 23 Jan 2006 08:54:42 +0700, Madahar (madahar) <[EMAIL PROTECTED]> wrote: > > Jadi kalo bak nantun nagari nan paliang jauh adolah Jambu/Jambak Ulu mak > sadangkan mamak mangecekan nan paliang jauah itu Bulan Sarik manuruik > peta mak. > -----Original Message----- -- Using Opera's revolutionary e-mail client: http://www.opera.com/m2/ -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
