Mungkin iko untuak level Kanagarian yo. Bia ambo carito stek yo
Kebetulan untuak level Kanagarian ko di ambo ado juo namonyo IKPAC (
Ikatan Keluarga Panampuang Ampek Angkek Canduang). Walau dikampuang
antaro Ampek Angkek jo Canduang lah tapisah, kami dirantau alun bapisah
lai do.
Nan paralu dipatimbangkan bana untuak organisasi kampuang ko adolah misi
sosialnyo. Baa caro supayo semaksimal mungkin rang kampuang kito dapek
marasokan manfaatnyo dan berperan serta dalam organisasi kampuang tu.
Jadi para pengurus harus siap untuk korban waktu dan materi (kalau
perlu) dan seketek taba talingo.
Walau awak lah latiah mauruih rang kampuang, pasti ado juo suaro
sumbang. Pro-kontra pasti ado, apo lai cimeeh.
Jadi usahokan bana organisasi ko sabana dari kito untuak kito. Jan
sampai ado sponsor untuak kepentingan tertentu, apo lai masaalah
politik dan sekte tertentu dalam agamo. Bisa runyam beko jadinyo
Untuak kami nan sempat pacah, karano ado sebagian warga kami nan
menganut yang dinamokan ISLAM MURNI/ LDI, insyaallah akhir-akhir ko kami
lah basatu baliak. Pokoknyo kalau ba ibadat di tampek awak iyo jo caro
nan standar diawak sajo.
Untuak kami dilevel nagari di Pakanbaru ko lai agak tacelak karano kami
lah punyo gedung/mushalla sendiri. Dengan jumlah warga sekitar 500 kk
kini nan ado di Pakanbaru. Sabalunnyo sajak tahun 60an lah ado Mushalla
tampek batamu dakek Rumah Sakik Tantara di Pasa Bawah. Karano di Pasa
bawah, komunitas Rang Jagai ko sabana banyak. Sajak jaman smokel
saisuak, tukang cangkuak/ barang ex.import diturunkan diperjalanan pada
sampan yang dicangkok pada kapal yang sedang berlayar di Sungai Siak.
Sampai kini nan banyak manggaleh di Pasa Wisata Ps Bawah tamasuak barang
seken.
Cuma kini sairiang jo kamajuan zaman, mushalla lamo indak bisa direhab
lai karano keterbatasan lahannyo. Kini musalla nan lamo masih
dimanfaatkan masyarakat sekitar utk TPA dan sholat 5 waktu
Kami bangun pulo ciek lai di Jl. Nusajaya kawasan Arengka yang cukuik
representatip.Disitulah kami mangadokan wirid bulanan sarato berbagai
kegiatan kampuang lainnyo.
Di Pakanbaru. Jangankan level kanagarian, level kecamatan maupun
kabupaten alun banyak nan punyo bangunan sendiri. Bahkan IKMR nan level
Propinsi masih manumpang dibangunan milik ketuanyo
Tapi itulah, walau dari jumlah kami cukuik banyak di Pakanbaru ko.
Jumlah nan hadir tiok bulan, cuma sekitar 150-200 urang sajo. Walau
untuak itu pengurus lah menyiapkan angkot gratis pada beberapa pick-up
point tertentu.
Seksi-seksi yang berperan diorganisasi kampuang ko diantaronyo :
1. Seksi Sosial : koordinator untuak mambezuk warga nan sakik sarato
takziah kalau kamatian.
2. Seksi Dakwah ; koordinator acara-acara keagamaan, sajak dari mancari
ustad dll
3. Seksi Wanita ; mengurus wirid kaum ibu sarato arisan dll
4. Seksi Pemuda : mengurus anak-anak kito. Sahinggo mereka nan
sakampuang saling kenal diparantauan. Jan sampai tajadi nan indak2 dek
awak nan sakampuang
karano indak kenal salamo ko.
5. Seksi Ekonomi : diprioritaskan untuak memperbaiki perekonomian urang
kampuang nan agak lemah ekonominyo lewat bantuan modal langsung/bergulir
atau
lewat Koperasi .
6. Seksi Bantuan Hukum : Kok ado rang kampuang kito nan maraso
terzalimi dek babarapo hal, dek karano kalau inyo surang mungkin agak
payah berjuang.
Elok dibantu terutamo dek urang awak nan tau hukum
Selain itu tantu ado seksi pembangunan nan mamonitor kondisi musahalla,
apo nan diparalukannyo. Tapi nan paliang penting adolah seksi keuangan
nan tau dima pitih bisa dicari dan kama lah dipagunokan.
Sagitu lah dari ambo dulu, nan sajak tahun 80an lah sato mauruih rang
kampuang , lewat persatuan kampuang ko .
Wasslam.
-----Original Message-----
From: [EMAIL PROTECTED]
[mailto:[EMAIL PROTECTED] On Behalf Of Refnil dodi
Sent: Monday, January 30, 2006 10:40 AM
To: [email protected]
Subject: [EMAIL PROTECTED] Dari awak ka awak
D
Kalau ado dunsanak nan alah mabuek persatuanko untuk skala nan samo ambo
minta sumbang sarannyo.
Tarimo kasih
Wassalam
Refnil Dodi
--------------------------------------------------------------
Website: http://www.rantaunet.org
=========================================================
Berhenti, berhenti sementara dan konfigurasi keanggotaan anda, silahkan ke:
http://rantaunet.org/palanta-setting
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
