Assalaamu'alaikum wa rahmatullaahi wa barakaatuhu Alaaaa.... iyo nyiak
Kok dikaka si daun labu Jatuah badarai si bungo lado Kok dikana nan daulu Jatuah badarai si aia mato Masih manapek-i ambo sangkek mudo matah sabalun talayok ka rantau di patangahan tahun 60an, iduik rukun di tangah kampuang jo gotong royoang. Cukuik dibisiak-anno sin di kanti katiko duduak-duduak di Simpang Tigo, bisuak mairiak wak di Ateh Ambacang, mako bisuak, samo adang adok awak sajak nan mamak-mamak, sampai nan mudo-mudo matah angkek ambo katiko itu. Indak sampai pukuah sabaleh lah abih lampok gadang ampek ririk satinggi tagak diiriak basamo-samo sambia bagarah jo bagurau. Samo-samo minun kawa, makan katan jo sanok/kolak pisang, sudahtu makan basarigia-sarigia, sabana indak dapek nan kadisabuik. Sudahtu satolo maisok, sajak katiko itulah ambo pandai maisok rokok Kansas. Malam ari kadang-kadang satolo maunyian padi, bagurau jo bagarah juo baru. Nan jaek-jaek ado nan sambia baampok bagai ketek-ketek. Alah jaek-jaek juo awak katiko itu. Lalu saketek-demi-saketek batuka caro iduik urang, salamo angku gadang nomor duo mamarentah. "pembangunan semangkin meningkat" sangaik capek bana marubah pola iduik jo kabiasoan urang kampuang. Urang abih ba sisomba malawan dunia, mulai jo mambali radio transistor, tape recorder, tv taruih jo paragaik-paragaik dunia lain, pitih jadi bakuaso. Indak ado lai tolong anda dalam gotong royong. Sawah nan saisuak indak paralu pupuak kimia, karano cukuik jo pupuak kandang bacampua abu jarami jo abu dadak, manjadi-manjadi padi katiko itu dek dipaganti-gantian lo jo parak jaguang jo parak kapelo atau kacang tanah. Tapi sistim sarupo itu rusak kasadoanno. Indak basuo kini lai padi katiak taram, padi randah, padi randah tinggi, nan nasi no kamek. Nasi kini dilatak-an samalam sin alah batuka rasono. Memang iyo baitulah kaadaano nyiak. Ka baa jano awak. Wassalamu'alaikum Lembang Alam On Thu, 02 Feb 2006 11:41:21 -0800 Sjamsir Sjarif <[EMAIL PROTECTED]> wrote: > Bakumpua basamo-samo ko di Kampuang dapek galak-galak jo >kawan-kawan sakampuang di tampek rami mungkin dapek jadi >ubek masyarakat juo. Bayangkan sajolah dahulu wakatu >MakNgah ketek-ketek/mudo-mudo, tiok tahun wakatu >manyabik, kito sarayo maanyarayo. Wakatu mairiak, kito >mairiak basamo-samo. Galak-galak bagarah basamo-samo >sambia karajao kareh. Kadang-kadang nan sanang bana hati >ado kasampatan manyipakkan pairiakan ka urang nan >manunggu (kiper) untuak mairai jarami tu. Sabana lapeh >urak-urak sambia galak-galak. Sudah tu, makan gadang, >nasi angek jo kalio, makan katan jo sanok. > > Nah bakumpua-kumpua ko nan indak ado lai kini di >kampuang. Bahkan MakNgah mancaliak urang manyabik-mairiak >padi surang sajo, lakino, binino mairai surang pulo, >indak ado lai karaja basamo sarayo-manyarayo soman sisuak >tu. Sudah panek, indak ado garah-bagarah doh, sudah tu >minun kawa bamanuang-manuang sajo inyo baduo. Urang lalu >indak ado lo singgah lai ka pairiakan doh. > ======================================================================================== Ikuti Lomba Puisi Online Jawa Timur, dapatkan hadiah menarik setiap bulannya dan hadiah total senilai 60 juta rupiah hanya di http://www.plasa.com ======================================================================================== -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
