Ondeh Biaiyy, itu isi caritonyo mah yo. Posting asli indak ambo baco karano
panjang amek, antah aa lah isinyo terapi aia tu. Tapi sasudah ditafsirkan
jo katarangan manganai soal menahan "panggilan tanah air" iyo agak takekeh
lo galak ambo. Baa ka indak. Dalam katarangan bundo ko ado bunga rampainyo
misanyo istilah nasi uduk. Ruponyo bukan urang islam sajo nan bauduak doh,
nasinyo pun ado lo bauduak. Sudah tu arek lo hubuangan Udhuak ko jo
panggilan tanah air tu, saroman indak tatahan lapeh uduak.
Aia aqua kuniang tu, ruponyo samo istilahnyo jo istilah anak-anak di Ampek
Angkek, "Aia Te-eh".. :)
Carito asli manganai pangalaman ambo jo panggilan tanah air ko:
Summer tahun 1987 ambo baraja Bahaso Spanyol sacaro intensif 3 minggu di
Guernavaca, Mexico. InsyaAllah lai takamehi caro-caro mangecek jo
grammarnyo untuak present tense. Tapi alun lasuah bana lai. Sudah tu ambo
batamasya salamo tigo minggu. Iyo lai lasuah Caro Sipanyol ko.
Dalam pajalanan ambo dari Mexico City ka Oaxaca, 8 sampai 10 jam pajalanan,
ambo maambiak autobus. Karano ambo hati-hati jo panggilan tanah air ko,
sabalun barangkek sanang lah hati mancaliak Oto tu lai batondeh di bagian
bulakang kok tibo panggilan tu beko. Tapi kecewa! Sudah barangkek, kamar
ketek tu bakunci karano rusak.
Sasudah duo jam bajalan, disangko oto ko lai ka baranti. Panggilan lah
tibo, tapi oto indak baranti-ranti juo. Lah mambana ka panggilan tu
kiro-kiro satangah jam, tapi paluah nan kalua manahan indak talok lai. Tapi
baa mangatokannyo ka Supir? Awak lupo mananyokan ka guru di sikola kurusuih
tadi kato-kato nan paralu ko.
Jadi, maojok-ojok lah badan ko ka supir. Kecek ambo: "Senior! Emergiencia,
por favor!" sambia manunjuak-nunjuak ka Barang Pusako Ayah nan indak lupo
ambo bawo-bawo kama-kama tu. Panumpang lain galak-galak nabi, supirnyo
tacangak, maangguak-angguak, sambia manunjuak ka muko, nan ambo tafsirkan
tunggu sabanta sinan awak baranti beko. Sudah tu inyo stop, tapi indak di
stasiun oto doh, indak ado tondeh doh, di jalan sajo. Ambo tanyo: "Adonde?"
(dima [tampeknyo]?). Inyo tunjuak sajo ka arah lua. Ambo turun, ragu-ragu
mancangak-cangak kama lah ka dipatiak go eeh? Pusako tu lah dipaciak-paciak
kalua pintu keteknyo. Sudah tu ambo kacureh tagak sajo lakeh-lakeh, lapeh
angah...
Tapi apo nan kajadian? Ruponyo bukan ambo surang sajo doh nan dapek
panggilan tanah air tu. Panumpang lain bakapuruan lo kalua mairiangi ambo.
Nan laki-laki mangkacurehi roda oto sambia tagak basamo-samo. Nan padusi
maronggoh agak tajarak saketek ... :)
Bayangkan sajo lah tu kalau panggilan tu lah tibo ...
Salam,
--MakNgah
From: "Hayatun Nismah Rumzy" <[EMAIL PROTECTED]>
Date: Mon Feb 6, 2006 2:59 pm
Subject: RE: [EMAIL PROTECTED] Terapi Air, Alaamaak&. [EMAIL PROTECTED]
Assalamu Alaikum W. W.
Lama kita tak mendengar cerita dari add Darwin Bahar dan Kur dan rupanya
sekarang telah berwiraswasta dan kapan-kapan orang RN kan boleh datang
sambil mencicipi nasi uduk. Semoga warung tendanya maju dan kita ketanah
suci lagi. Jadi kalau ke Pekanbaru ada nanda Elthaf kalau ke Depok ada
Darwin dan Kur.
Teringat soal menahan "panggilan tanah air" ini bukan main susah - dan
keinginan makan, minum, sdb.nya dapat ditahan tapi yang satu ini tidak bisa.
Bisa juga pakai pampers tapi bundo dengar dari para karyawan yang terlibat
kemacetan suka menyediakan botol agua yang kosong.
Ngomong2 bundo pernah ikut mobil keponakan dan bundo kehausan.
Diperlihatkannya 2 botol aqua satu yang bersih satu lagi yang agak
kekuning2an. Rupanya cucu2 bundo itu menjadikan botol aqua yang satu lagi
itu untuk buang air kecil. Akhirnya bundo tak ada nafsu lagi minum.
Sekianlah daripada RN langang
Wassalam
Hayatun Nismah Rumzy
-----Original Message-----
From: [EMAIL PROTECTED]
[mailto:[EMAIL PROTECTED] On Behalf Of Darwin Bahar
Sent: 06 Februari 2006 3:28
To: [EMAIL PROTECTED]
Subject: [EMAIL PROTECTED] Terapi Air, Alaamaak&.
No virus found in this outgoing message.
Checked by AVG Anti-Virus.
Version: 7.1.375 / Virus Database: 267.15.2/251 - Release Date: 2/4/2006
--------------------------------------------------------------
Website: http://www.rantaunet.org
=========================================================
Berhenti, berhenti sementara dan konfigurasi keanggotaan anda, silahkan ke:
http://rantaunet.org/palanta-setting
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
