Assalamu'alaikum warahmatullahi wabarakaatuh.
Ma sagalo adidunsanak jo anak kamanakan di salapan pinjuru angin, Saharian tadi, mulai pukua 7.30, Miko, Ephi Lintau dan ambo, lah bakumpua di lobi Hotel Pangerans Beach, dan pukua 7.50 kami lah di ruang tunggu pak gubernur. Mungkin dek alah ado tamu nan daulu pado kami, tapaso kami manantian sampai lk pukua 8.30 baru diimbau masuak ka ruang karajo baliau. Pak gubernur cukuik antusias manyambuik nan dikamukokan pak Dutamardin sahinggo kami baru salasai di sinan pukua 10.00. Kodak kami basamo jo gubernur salasai pertemuan lai ado di ambo dan lah ambo paketek [29 kb]. Sagalo adidunsanak jo anak kamanakan nan cakingin, bisiakan ka ambo, ambo kirim ka japri surang-surang. Pukua 1.00 kami ka surek kaba Singgalang dan pukua 2.00 ka Padang Ekspres. Sayang pemimpin redaksi sadang ka Banduang dalam acara Hari Pers Nasional, dan kami ditarimo dek Redaktur Pelaksana di Singgalang dan dek Direktur Utama jo seluruh tim anggota redaksi di Padang Ekspres. Antusiasme juo nampak di kaduo harian ko. Pukua 3.00 kami maadokan pertemuan jo 12 LSM di kantua kosorsium mereka di Jalan Paus IV dan di siko nampak bana sambutan bersemangat dari para pengurus LSM ko nan masih mudo-mudo panuah idealisme. Babarapo komitmen ka arah realisasi konsep nan dikamukokan Pak Dutamardin sempat diduduakan dan diharapkan dapek direalisasikan dalam waktu dakek. Kami bubar di hotel baliak sakitar satangah anam, salam bapisah, dek malam ko pak Duta jo kaluarga maadokan acara jo adidunsanak baliau nan ado di Padang dan bisuak pagi baliau check out untuak manuju Maninjau dan Bukittinggi. Salam, mak Sati (68->69) Tabiang -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
