Laailaahaillallaah. Mak Asmardi, mohon maaf yang sebesar-besarnya, baru hari ini baca postingan mak Asmardi. Tidak tahu kenapa terletak dibagian akhir. Hari ini sengaja ingin mendelete postingan seabrek banyaknya itu, terlihat postingan mak Asmardi ini. Kaget, setahu saya sudah lama judul ini saya kirimkan, namun baru saya dapat baca sekarang. Maaf sekali lagi mak Asmardi.
Mak Asmardi, rencana kepulangan ambo sabananyo pertengahan bulan February 2006 iko, sakaligus ingin basuo ju Ajo Dutamardin, alah batanyo tiket sagalo, ka naiak kapa tabang apo. Apak paja alah kareh manyuruah ambo capek pulang dek urusan tugas belajar ambo alah abih sajak akhir Desember 2005 kapatang, samantaro masalah kuliyah ambo sadang di pembimbing. lamo manunggu keputusan bilo ambo sidang magisternya, dek banyak nan kadiparikso dari skripsi ambo, babahaso Arab, tantu ciek kasalahan titik atau huruf, itu nan harus diperbaiki, indak samo jo skripsi jo bahaso Indonesia, gampang mengeditnyo.Biso habih wakatu 6 malah ado nan sampai sataun bagai setelah skripsi selesai bari disidangkan(munaqasyahkan). Tapi insyaAllah alah jaleh tahun iko juo,kamungkinan sidang Mei-July 2006 mudah-mudahan labiah capek dari itu, dek taun iko memang maso dikuliahpun habis, baa banapun harus disidangkan juo dek kuliyah. Skripsi tu labiah dari 1200 halaman, tantu dosen pengujipun panek mamariksonyo. Namun dek tugas maso baraja alah abih harus diurus untuk perpanjangan sataun lai, dan juo dek amak ambo sakik di P. Siantar mambuek ambo harus pulang juo bulan February iko(rencana semula). Tapi ambo pikia baliak, ibo mancaliak apak paja, banyak bana habih pitihnyo ka ambo untuak pulang duo kali sataun tu. February pulang dan Mei harus pulang juo dek akan munaqasyah. Indak sampai hati ambo doh, meski apak paja katiko tu kareh manyuruah ambo pulang dan maurus surang surek ka Depag tu. Dek hati ambo kareh indak ingin manyusahkan liau, ambo cubo cari jalan kalua, telpon urang di Depag agar teman disinan nan mauruihnyo, bara biaya untuak itu akan dikirimkan dari Kairo, dari pado pulang pai duo kali sataun baralah banyak pitih ka habih, minimal US$ 3000, untuak ambo dan nan ketek sajo. Alhamdulillah dapek jawaban kapatang , bisa diuruskan, dan sado surek alah kami kirimkan melalui salah surang diplomat DEPLU, kabatulan atasan apak paja di kantua. Mengenai amak ambo di Siantar lai tanang hati ambo alah cegak dan alah biso bajalan kambali.Alhamdulillah. Alhamdulillah ambo alah mambali lumayan banyak AlQuran ketek nan batafsir tu. Wukatu pulang taun 2003 ambo juo banyak mambawo AlQuran ketek tu, tapi itu punyo mahasiswa, untuak di jua. Ambo caliak cetakan nan ado di Indonesia balain jo cetakan dari mesir( Libanon), jauah bagus dan kuek cetakan Libanon tu, mako ambo bawo, kebetulan timbangan lai banyak balabiah dek naiak SQ. Sekarang nan ambo bawo sangajo untuak dihadiahkan kaurang-urang , bukan untuak diperjual belikan( sampai kini ambo alun jaleh lai, kasialah rezeki AlQuran ketek nan batafsir, bamu'jam( bakamus mancari awal ayat bagai, sampai batajuid bagai). Indak samato Ayat AlQuran sajo, dan tulisan lafaz jalalah Allahnyo bawarno, biar gampang mambedokannyo. Kalau ambo langsuang ka Padang atau ka Medan, bararti razaki urang disinan. Kalau di Jakarta bararti razaki urang di Jakarta. Dan sia-sia sajo, ambo surang alun jaleh, nan penting ambo bawo untuak hadiah sajo, mudah-mudahan lai dibaco-baco. Dan Insya Allah akan ambo asiangkan ciek buat mak Asmardi, dek memang niaik ambopun ado untuak itu.AlQuran ketektu rancak bana, biso dibawo kama pai, biso dibaco di bis, bisa mancari ayat dengan capek, apolai kalau tau bahaso Arab biso tau sebab turun ayat dan penafsirannyo bagai. Kamungkinan pulang bulan juni salasai ambo sidang dan anak-anak ambo salasai ujian kanaikan kelas juo, kamungkinan besar niat ambo dan ketek sajo nan pulang, mungkin bilo bulan Juni bisa jadi ambo dan anak-anak sadonyo atau apak paja ikuik juo kalau lai bisa cutinyo, pulang sakaluarga dalam rangka liburan sajo. Namun, bilo ado barita nan kurang elok satantangan panyakik amak ambo bilo kumat baliak, baa banapun ambo harus pulang juo sabalun munaqasyah, tapaso duo kali PP Indo-Kairo dalam sataun ko. Kabaa lai, pitih biso dicari, namun urang tuo kanduang kama kadicari lai? Oh yah, makasih ateh alamaiknyo Mak Asmardi. Bara hari nan lampau ado ambo chatting tanyoan ka da Miko maminta alaimaik amak, dek ambo ingin manyilau amak Asmardi dan keluarga di Jakarta ambo kecean. Tapi apo jawab da Miko katiko tu. " Indak buliah doh..".(hehehe..sorry da Miko, kalau ka mamberangi ambo, silahkan permisi dulu ka amak Asmardi). Tapi mungkin da Miko bacanda ka ambo katikotu.(Please..don't........me). Ado bara urang nan di RN ko ka ambo tamui, insyaAllah, apolai kalau pulang basamo apak paja, tantu tanang dan lamak pulang basamo, makan nasi kapau di pasa ateh basamo, dan dek ado nan manggendong nan ketek, kalau liau indak bisa pulang...ai Mak....panek bana manggendong nan ketek, meski alah bisa bajalan sadonyo, tapi repot bawo kian kamari ampat urang anak. Ka baa lai anak banyak, dan suko bajalan kasodonyo, pantang amaknyo pai bajalan minta ikuik pulo kasodonyo. InsyaAllah Mak Asmardi. Apo lai nan ka ambo bao dari Kairo, nan amak butuhkan? Asa jan Piramid se yo Mak, indak talok ambo maangkek Piramid sagadang tu. Dan kapulangan ambo, kini alun jaleh, kalau lai bisa salasai sidang di kuliyah Mei-Juni , tagantuang barito dari Indonesia juo, mudah-mudahan ibu ambo lai sihaik-sihaik sajo, kalau liau sakik salalu jadi pikiran ambo juo. Wassalam. Kamanakanda Rahima.(36thn) --- Asmardi Arbi <[EMAIL PROTECTED]> wrote: > Wa'alaikumussalaam wr wb. > > Kmnkd Rahima, dek tasabuik pulo namo mak Asmardi, > iyo ingin pulo mandapek Al > Qur'an saku kecil tu. Dulu waktu jalan2 sekitar > tahun 1986 ka > Sarayevo,Bosnia nan masih bagian dari Yugoslavia > kami mambali ciek Qur'an > saku,tapi kini indak basuo lai antah dima > tacicie,dek karano acok bana > pindah-pindah tugas. Rumah mak Asmardi lai indak > jauah dari Bukit Pamulang > __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
