Gambaran carito barageh:
Saaroman tingkek-tingkek "manjaja" sawah dari "marabahan", "mambaliak",
"mambancau", "manyikek", jo "malindih", sampai "batanam", proses
abuak-ka-abuak ko mantun lo.
Sabalun "barageh", "basega" abuak tu ciek lu jo "jongkeh". Sudah tu
diragehno di "tukang rageh", kok basunguik jo bagarambeh, di"iyeh"no
saketek di tukang rageh tun. Duduak kurisi lipek di bawah kayu rindang atau
atau tampek nan kataduahan dakek paga atau suduik bulakang pasa, saroman di
Pasa Baso, Pasa Lasi, Kotobaru Salo, Pakan Akaik Banuampu, Pakan Sinyayan,
atau di tapi-tapi Pasa Kabau dakek Rumah Potong.
Pisau cukuano balipek merek Solingen, "mangiliaan" pisauno, jo "cawek"
kulik nan basangkuikan ka batang kayu dakek tu. "Camin"no camin ketek
"bakarah", bagantuangan di batang kayu tun. Kalau lah sudah "barageh" jo
"baiyeh" tu, mangko di"gunda"no kapalo tun di tukang rageh untuak manggunda
kuduangan-kuduangan abuak nan tingga-tingga di kapalo. Kadang-kadang
"gunda" abuak ko dipakaino lo untuak panggnda sipatu gai. Oh iyo, gigi
bagai sisuak kan bagunda lo jo "gunda gigi" atau bagosok jo "daun banto".
Kini kabano lah basikek gai lo gigi tun. Kalau MakNgah pulang kampuang, iyo
lai taruih mancari banto untuak panggosok gigi tu.. :)
Baliak ka carito rageh. Kain panyaok baju katu barageh cako jan kanai abuak
baju tun, dipakaino kain basahan tukang rageh tun. Kalau lah sudah,
dikindak-kindakanno kain tu, balapoh-lapoh agak duo tigo kali kuliliang
untuak mangindakan abuak nan lakek-lakek. Sudah tu, dipompaanno aia kabuik
dari boto, turun naiak pompano, balasuih-lasuih bunyi aia kabuik
panyamporoik pambasahai abuak nan ka disegano baliak. Sudah tu disegano
abuak langganan tu. Sudah barageh tu bakaruak saku baagiahan saripatino ka
tukang rageh tu. Nan manunggu giliran ka barageh, mancangkuang duduak
sambia maota-ota mandanga guritiak guntingno manyapik-nyapik...
Aaa lai takana atau tabayang du carito MakNgah tun? Lain jo dunia Rang Kini
yo? Kok diagak-agaki carito iduik masyaraakaik kito dari MakNgah ko iyo
banyak mek lapih-lapih no yo?
Salam,
--MakNgah
From: "A Bandaro" <[EMAIL PROTECTED]>
Date: Fri Feb 17, 2006 10:13 pm
Subject: Re: [EMAIL PROTECTED] [KuraiNet] KAMUIH : A s.d Abuak [EMAIL PROTECTED]
Lai juokoh dipakai kinigo ??
" barageh" = cukur rambut
mak ban
~~~~~~~~~~
> -----Original Message-----
> From: Sjamsir Sjarif
>
> Aaa iyo lo duh.
>
> Mancaliak "abuak" tu takana lo "jongkeh". Katu ambo pulang Kampuang,
> anak-anak tagalak-galak mandangaan anmbo ka manjongkeh abuak. Indak
tantu
> dikami aratino kini lai Nyiak kecek mareka. Kecek adiaka-adiak ambo,
Uda,
> urang kini indak bajongkek abuak no lai doh, tapi basikek. Iyo kecek
nana
> mudo-mudo. Kami lah basikek rambuik kami kini. Kecek ambo, tagalak,
> sabalun
> "basikek" misti "bajaja" dulu.
No virus found in this outgoing message.
Checked by AVG Anti-Virus.
Version: 7.1.375 / Virus Database: 267.15.10/263 - Release Date: 2/16/2006
--------------------------------------------------------------
Website: http://www.rantaunet.org
=========================================================
Berhenti, berhenti sementara dan konfigurasi keanggotaan anda, silahkan ke:
http://rantaunet.org/palanta-setting
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
