Kalau Salak, Durian, dan RAmbutan, iyo dipakai istilah awak juo. Caliak lah
gambar-gambar buah-buahan Bali di http://facethewall.com/[EMAIL PROTECTED]
Rancak lo homepage tu.
Di rantau ambo iyo lai salak tu tapi baru nan basuo nan dalam kaleng. Nan
frozen, barangkali alun dicari (karano biasonyo asyiak mancari patai jo
durian sajo) mungkin ado juo.
Untuang lapeh tu buah-buahan di Japang. Kok ka Rantau Makngah mambawo
buah-buahan jo dagiang iyo idakanlah karano kok basuo ka dibuangnyo ka
karanjang sampah. Ambo mancaliak sandiri anak urang mambawo randang buatan
amaknyo dari Jakarta, dibawo untuak ambo karano anak ko ka manapek ka
tampek ambo sabalun masuak sikola. Tapi dihadokan mato kapalo sandiri,
kopornyo dibukak cukai, tampak randang ko, dibuang langsuang ka tong
sampah. Kalau buah-buahan, dari negara bagian ka negara bagian sajo ado
check pointnyo. Kalua masuak ka California sangat setereng bana
pamaresoanyo ka nagara bagian tetangganyo.
Indak jaleh di ambo asa kato Salak tu. Sabagai buah, namo Latinnyo disabuik
Salacca zalacca, atau Salacca edulis. Baa pulo mangko anjiang manyalak,
kurang jalehlo. Kok iyo saroman ula mungkin takajuik anjiang tu takajauik
mancaliak salak, mangko manyalak-nyalaknyo. Jadi mancaliak anjiang
mamakiak-makiak katakauaikan mancaliak ula tu, induak samangnyo manamokan
anjiangnyo manyalak, bukan mamakiak atau manggonggong doh.
"Salak-Salak-Salak" pakiaknyo. Saroman garah urang disuruah mangucap go eh,
"kucap-kucap-kucap" keceknyo. Aa kan ado-ado se tu nan kajawabnyo kalau
amuah batea-tea jo MakNgah... :)
Sudah tu agak heran pulo awak, baa anak-anak batangka bakatoan pulo
paja-paja ko basisalak se karanjonyo? Adokoh barangkali hubuang
parumpamoannyo jo anjiang nan manyalak-nyalak ko? Ataukah mungkin
sejarahnyo muloi dari anak-anak ko basisalak mamparabuikan salak?
Salam,
--MakNgah
From: "zul amry piliang" <[EMAIL PROTECTED]>
Date: Sat Feb 18, 2006 2:25 am
Subject: Re: [EMAIL PROTECTED] [BT] Durian, Manggis, Duku===> Salak [EMAIL
PROTECTED]
Mak Ngah ! kalau salak lai ado pulo dinagari Mak Ngah , kalau ambo
liek di kamuih bahaso Inggirihnyo arati salak adolah "palm fruit" .
Ambo pernah punyo pangalaman kurang enak dengan buah salak wakatu
pai kanagari Japang tempohari , wakatu dipareso dek bea cukai ,
karano ambo mambao sakantong buah salak dari bali , mako ditahannyo
dek patugas karantina bandara karano ado buah aneh bantuak granat ,
ambo kecekkan sajo kalau buah tu adolah hanyo ado di bali dan ambo
karang sajo bahaso inggirihnyo dengan "fruit like skin of snake ,
akhirnyo ambo lai dilapehkan sajo dek patugas tu . Di indonesia
salak lah banyak macamnyo sasuai jo daerah asalnyo sarupo salak
bali . salak sibolga , dan salak pondoh dari yokyakarta yang manih
tapi bijinyo gadang , beda dengan salak bali biji ketek tapi dagiang
buahnyo nan gadang . Apopulo sabeknyo mako namo salak lakek pulo
kapado anjiang dinagari awak ?
No virus found in this outgoing message.
Checked by AVG Anti-Virus.
Version: 7.1.375 / Virus Database: 267.15.10/263 - Release Date: 2/16/2006
--------------------------------------------------------------
Website: http://www.rantaunet.org
=========================================================
Berhenti, berhenti sementara dan konfigurasi keanggotaan anda, silahkan ke:
http://rantaunet.org/palanta-setting
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
