Iko tanyo luruih MakNgah go, mambana go kok tadanga ganjia, indak batea-tea bagai doh karano indak tah ka sia ka batanyo batanyo MakNgah ka nan ahlinyo.
Sabanta ko, Awak sumbayang luhua. Di rakaat nan katigo, taraso kantuik ka kalua, dek ari agak dingin ka bauluak, di tahan-tahan juo saketek, lai indak lapeh doh, sampai rakaat nan kaampek. Sudah attahiyatu, baco assalamualaikaum duo kali, maengong suok maengong kida. Sudah tu malasuih kantuik lapeh kalua. Baa tu hukumnyo? Lai asah sumbayang awak tu? Kalau manuruik Mak Ngah lai asah, karano sudah mambaco assalamualaikum suok kida tu sumbayang lah salasai kan? Soalnyo batambah sero lo saketek lai. Apokoh awak buliah mandoa sasudah lapeh uluak tu? Manuruik MakNgah buliah, karano indak ado doh rukun badoa misti bauluak dulu. Baualuak kan rukun untuak sumbayang bukan untuak bvadoa doh. Tapi apokoh mandoa sasudah sumbayang tu marupokan bagian dari sumbayang tu sandiri? sahinggo doa sasudah lapeh uluak tu manyababkan bata pulo sumbayang? Indak baa doh kok Rangkayo Rahima gai manjawab karano soal kantuik-mangantuik ko bukan soal laki-laki sajo doh, tapi soal kaduonyo laki-laki jo padusi kan? Mangko baitu, katu ketek-ketek MakNgah sangko Urang Padusi indak pandai kantuik doh. Tapi baru lah gadang baru tahu. Mungkin karano anak laki-laki suko parang kantuik badaram daram. Anak Padusi malunyo, mungkin malasuih sajo ... Salam, --MakNgah -- No virus found in this outgoing message. Checked by AVG Anti-Virus. Version: 7.1.375 / Virus Database: 267.15.11/264 - Release Date: 2/17/2006 -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
