Assalamu'alaikum,wr,wb.
Adinda Rahima di Cayro Mesir, Apak2, Mamak2, Cadiak pandai, Alim Ulamo, Bundo/Rangkayo, Kamanakan dan adiak2, ketek indak basabuik namo, gadang indak baimbau gala dan members RGM GM nan ambo hormati, sato lo ambo sakaki dalam diskusi "Pembagian Tugeh dan Misi Milis Minang" di Jalum ko nan banyak menimbulkan polemik. Sabalun iko, ambo alah manarimo melalui Japri dari adinda Rahima ko, sayang sewaktu ambo reply (ambo jawek), dek karano email address ambo nan di Pusri ngadat sahinggo tulisan dan saran ambo nan panjang leba tu alun takirim ka adinda Rahima. Pandapek dan saran ambo hampia samo jo Mak Lembang Alam. Subananyo hal nyo sederhana sajo, si pemrakarsa topik ko bukan ingin terjadi sekularisme di milis2 urang Minang nan banyak namonyo tu. Ado Surau, RN, RGM GM, Urang Awak, dan milis2 ketek lainnyo nan basifek kanagarian seperti Sulitanet dan Kinari, nan basifek Kabupaten yaitu Solok dan Solok Selatan (maaf contoh ko ambo sampaikan nan ambo tahu sajo, mungkin banyak nan lain). Dengan maraknyo urang awak berinternet ria ditahun-tahun terakhir ko bahkan mambuek website sendiri2, tando apo itu?, berarti kebutuhan akan komunikasi dan informasi nan instan (salah satunyo internet, selain TV jo Radio) manjadi suatu kebutuhan nan kaduo satalah makan, pakaian dan dangau. Apo sababnyo ambo katokan instan? karano komunikasi nan kito sampaikan ko, dalam bilangan detik alah sampai ka nan kito tuju atau members suatu milis. Kumbali ka topik masalah, nan dimaksuik pemrakarsa ide pembagian (bukan pemisahan nan konotasinyo sekular) tugeh dan misi milis Minang ko yaitu Mamak/Ajo Duta dan disambuik baiak dek Mak Sutan Parapatiah adolah seperti apo nan diuraikan dek Apak ambo Majoelelo dibawah dengan persentase2 nyo. Ambo setuju itu. Aratinyo apo? kito bukan mengkotak-kotakkan members, cuma kito hanyo memberikan penekanan2 topik di masiang2 milis. Jadi, bisa sajo kito adolah members dari katigo atau labiah milis urang awak tadi (contohnyo diri ambo sendiri), tingga kito sajo nan maatur diri kito, milis nan maa nan kito spesial kan ka kito selami atau dalami. Sesuai bidang atau kompetensi nan ado pado diri kito, itulah nan kito tekuni. Disitulah kito berkiprah dan kito tuangkan pengabdian kito untuak Minangkabau ko, jadi jaan maraso kito alah terkotak-kotak. Bia kan sajo ibaraik ayie mangalia. Di milis nan lain status kito bialah manjadi anggota pasif (istilah Mak Lembang Alam), bilo ado topik nan cocok untuak kito komentari atau kalau kito alah dihimbau urang mako hukumnyo adolah wajib kito manjawek, kan iyo co itu dak nan diaja kan dek agama kito tu ???? Indak bosan2nyo ambo maingekkan, bahaso diskusi, dialog atau perbincangan di milis atau internet akan selalu tajadi friksi atau polemik, rentan manjadi polemik bilo kito indak menyelami kaidah2 berkomunikasi di internet atau dunia maya ko secaro bana. Kito harus selalu maikuti tata tertib nan sudah disepakati dan kito pulo harus mambaco dan ma-inok2'i baulang-ulang postingan nan kito tarimo dan postingan nan akan kito kirim. Agar jaan tajadi mis-understanding atau mis-komunikasi. Iko nan ambo liek, kito talalu capek emosional dan reaktif. Alun tahu apo nan dimukasuik si pengirim, kito alah manggalobang (= berang, tarabo, bangih, baganyie/marajuak dll). Iko sakali lai ambo ingekkan, karano diskusi di dunia maya (= bayang-bayang, dek karano lawan bicaro kito indak nyato) indak maikuik-sertakan komponen2 lain dalam sebuah komunikasi yaitu : mimik, intonasi, gerak tubuh dan hal2 lain seperti suasana, waktu dan raso pareso (sifek nan diingini dari seorang orang Minang), mako sering tajadi nan ambo sabuikkan tadi. Marilah kito balapang dado sajo, kito bangun Minangkabau dengan apo nan ado pado kito. Kito seorang teknokrat, iyo dengan keahlian dan pemikiran kito, kalau kito birokrat, iyo dengan fasilitas kito, kalau kito pengusaha/saudagar, iyo dengan pitih kito, kito ulamo atau ustadz, iyo lah dengan ceramah atau pencerahan2 ugamo dan kalau kito Pemangku Adat, iyo dengan pengajaran dan pituah2 nyo. Sakian nan dapek ambo sampaikan, semoga bisa ditarimo dek semua pihak. Kok bana itu datangnyo dari Allah, kok salah itu datangnyo dari ambo. Oleh sebab itu ambo mintak maaf kok ado nan talantuang dek ka naiak dan talendo dek katurun, ka Tuhan ambo mintak ampun. Wassalam, HM Dt.MB (<49 th) Rang dapua RGM GM From: Rahima <[EMAIL PROTECTED]> Date: Sat Feb 25, 2006 4:11 am Subject: Pembagian Tugas dan Misi Milis Minang(terimakasih, ini nan ambo setujui) Tarimokasih Apak Saf. Tepat sekali. Nah...semacam ini tantu nanda sepaham. Dan dari dulu rasonyo nanda sepaham dengan hal semacam ini, bacando suatu milist nan bacarito tentang Alquran dan IPTEK sajo, apo sajo nan basangkutan jo AlQuran dan ilmu pengetahuan dibicarokan disinan, dan indak menutup kemungkinan pembicaraan agama nan lain dibuka, tapi persenannyo nan labiah gadang kamasalah AlQuran dan IPTEK. Selama ini nan salalu menjadi permasalahan di RN, indak baitu doh.Indak paralu ambo perpajang di milist Gebu Minang ko, dek urang disiko tantu banyak indak tahu manahu permasalahan nan tajadi disinan. Ambo sampai pernah batanyo ka admin RN juo mak lembang Alam, serta da Mulyadi juo nan lainnyo. Sabananyo milist RN tu milik siapo. Jawab kasadonyo hampia samo, milik awak sadonyo. Atau milik bersama. Sampai-sampai juo ambo maulang-ulang, mancari-cari apo sabananyo visi, misi dan baa samulonyo sampai berdiri milist RN tu, sia mulonyo nan memprakarsai berdirinyo RN tu. Ambo baca ulang dan dalami betul. Mukasuik sabananyo adolah untuak silaturrahmi dan kerinduan urang nan ado dirantau bia samo mangecek sasamo awak, palapeh rindu jo kampuang, dan azasnyo adalah Islam. Ambo bapipia elok juo, sambia palapeh rindu jo kampuang sekaligus menyelami agamo, caritonyopun jadi indak gunjiang, malah bamanfaat, dapek ilmu, bak kecek urang sakali bajalan duo tigo pulau talampaui. Sampai tajadi diskusi panjang dan ambo maraso postingan agamo ambo sasuai jo missi Minangkabau ABS-SBK.( Alah panjang diskusi masalah dulu tu). Nan ambo indak satuju tu, iyo jan pulo dilarang urang mempostingkan masalah agama di RN tu, atau bahasa haluihnyo postingan agama atau baraja agamo pailah ka surau. Itu namonyo awak menyalahi perintah Allah Ta'ala, sebagaimana urang agamo nan ado di RN tupun indak pulo pernah melarang-larang atau berangnyo urang bacarito masalah Minang, canda palapeh latiah, postingan lainnyo, asa tu lai bamanfaat, apo salahnyo. Buliah dilihat ketika di Gebu Minang, da Mulyadi maajak ambo untuak mencckan postingan ke Gebu Minang, ambo katoan, ambo ingin di Gebu Minang sebagai anggota pasif sajo. Dek ambo tahu pembicaraan disinan apo nan sadang hangat-hangatnyo, ambo indak namuah manggaduah doh, balain dengan di RN alah 4 tahun labiah ambo disinan pembicaraan hampai sagalo arah. Dan ambo sampai akhianyo faham RN itu titik beratnyo ka ma. Umum dan agama. Minang, politik, canda, dan agama ado disinan, hampia sadonyo ado. Balain jo Gebu Minang, pembicaraannyo tafokus. Indak namuah ambo manggaduah nan fokus-fokus tuh. Mungkin dek anggotanyo juo saketek, dan tujuan semulanyo juo jaleh bana. Sekalilagi tarimokasih pak Saf, ambo satuju jo postingan pak Saf. Wassalam'alikum. Rahima(36thn) --- In [EMAIL PROTECTED], Saafroedin BAHAR <[EMAIL PROTECTED]> wrote: > > Waalaikumslam w.w. > > Kalau buliah ambo sato sakaki. Raso ambo nan dimukasuik dek Ananda St > Parapatiah bukan pamisahan sacaro konseptual dari tigo milis Minang iko, > tapi sakadar pambagian karajo sajo jo titiak barek paratian dalam mambahas > masalah. Sababnyo sederhana sajo, yaitu karano indak mungkin kito mampu > mambahas sagalo masalah dalam kadalaman nan samo. Di satu milis kito > mungkin labiah banyak mandanga dari manyumbang, di milis lain dek karano > pandidikan atau pangalaman kito masiang-masiang, kito bisa manyumbang > sacaro aktif indak sakadar mandanga. > > Apolagi samboyan kito kasadonyo kan ABS SBK, jadi di kalangan uang awak > sabananyo indak ado tampek untuak nan dinamokan sekularisme doh. > > Kalau buliah digambarkan kiro-kiro saparati ko: > > Namo Milis Materi Ugamo Materi Non Ugamo > Surau 80 % 20 % > Rantau Net 50 % 50 % > Gebu Minang 20 % 80 % > > Talabiah takurang ambo mohon maaf. -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
