Maa Angku Chairul Djamal Radjo Sampono,
Kaba Baiak nan Baimbauan lah sampai tadanga nyariang jauah ka Subarang
Lauitan Basa, sampai ka Riak nan Badabua, Santa Kuruih di Pantai
Kalipornia, Amerika Sarikat. Tarimo kasih banyak lah malayangkan surek nan
sapucuak ka Lapau Kito nan Basamo. Sananglah rasonyo dalam hati, lah sajuak
kironyo di kiro-kiro, dalam manarimo kaba jo barito ko.
Karano badan jauah di Rantau Urang, iyo jo Doa juo kami ucapkan,
mudah-mudahan apo nan taniak dalam hati nan tagarak di kiro-kiro, dapek
diamakan manuruik pado tampeknyo, basamo kaluarga nan adang-adok sarato
sanak famili nan jalang-manjalang untuak maelokan arak di hari paneh.
Kapado Kaluarga Baru kami mangucapkan Salamat Manampuah Kahidupan Rumah
Tangga diiriangi Doa mudah-mudahan dapek basiap rukun jo damai dalam
manjalajahi Lauitan Kahidupan Rumah Tanggo nan ombaknyo batinggi-barandahan
manuruik wakatu maso-samaso.
Salamat Berbahagia kapado Sanak Famili Kasadonyo.
Salam,-- MakNgah
X___________________________________________Sjamsir Sjarif
Indonesian Translator, Interpreter, and Cultural Consultant
335 Gault St. #1, Santa Cruz, CA 95062, USA
Email: [EMAIL PROTECTED] Tel. (831)-426-1333 Fax (831)426-8907
http://www.usindo.net/hambo
Member of:
ATA, American Translators Association http://www.atanet.org/
NCTA, Northern California Translators Association http://www.ncta.org/
IPA, Indonesian Professional Association http://www.ipanet.org/
=======================================================
From: "rul djamal" <[EMAIL PROTECTED]>
Date: Tue Feb 28, 2006 6:53 am
Subject: Re: [EMAIL PROTECTED] UNDANGAN [EMAIL PROTECTED]
kapado : Niniak Mamak, cadiak pandai dan dunsanak NAN BARADO DI GALANGGANG
NAN BAPANEH DAN PALANTA NAN BATADUAH RANTAUNET
Ambo datang ka dunsanak kasadonyo, sabagai pangganti sirieh nan sakapua,
rokok nan sabatang, kok kaba baik baimbauan, taniek dalam hati tagarak dalam
kiro-kiro, nak manikahkan anak ambo nan paling ketek, Insya Allah kandurinyo
akan diadokan pado :
HARI / TANGGAL : MINGGU, 12 Maret 2006
Pukua : 11.00 Wib s/d 15.00 Wib
Tampaik : Rumah kediaman Jl. RH Aria Surya Kencana Blok F 4 No. 5
Kencana Loka - Sektor XII-2 Bumi
Serpong Damai, Serpong - Tangerang
Namo calon anak daronyo : TRISNA SETIANASARI, ST, dulu sakolah di SMA DON
BOSCO Padang dan Alumni FMIPA UNAND Padang jurusan Kimia, calon marapulai :
ANDI SETIA KUSUMA, ST asa dari Kediri - Jatim, dek niniak mamak ambo
diangkek jadi kamanakan suku GUCI, dan Insya Allah diagiah gala kehormatan :
RAJO ALAM
Suatu kabahagiaan tasandiri bagi ambo sakaluarga kalau sanak dapek maurak
selo maringankan langkah datang katampaik kami mambarikan Doa restunyo,
Insya Allah Akan mendapekan berkah dari Allah SWT, anak daro jo marapulai
dapek mandirikan kaluarga yang sakinnah, mawaddah wa rahmah dan diberi
keturunan yang sholeh dan sholihah, amin ya rabbal 'alamin
Ateh namo silang nan bapangka :
Chairul djamal radjo sampono ( 56+10 )
No virus found in this outgoing message.
Checked by AVG Anti-Virus.
Version: 7.1.375 / Virus Database: 268.1.0/269 - Release Date: 2/24/2006
--------------------------------------------------------------
Website: http://www.rantaunet.org
=========================================================
Berhenti, berhenti sementara dan konfigurasi keanggotaan anda, silahkan ke:
http://rantaunet.org/palanta-setting
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
