Sabalun tibo analisa nan mendalam sacaro teoritis, ambo cubo snek jo nan nampak dek ambo disakuliliang ambo. Jadi hanyo sakadar alam takambang jadi guru.
Apolai kaji ambo soal Sosialisme jo Demokratis ko, sabananyo untuak lapeh makan sajonyo. Ambo pun alun sempat mancigok thesis tu. Jadi sakali lai iko hanyo pangana rang awam dipalanta lapau sajo. Ambo satuju jo paham mamak kito tu, karano terminology Barat tu indak bisa bulek-bulek diformatkan ka kahidupan rang awak. Kecek urang kito : Kasadonyo handaknyo dari alehnyo, ka akehnyo. Indak bisa ditelan bulek-bulek,bisa sajo ado nan kurang pas jo awak Kito dianggap Demokratis karano sajak jaman Pagaruyuang saisuak Kekuasaan yang di Pertuan itu indak sabana mancakam kabawah (sentralistis), tapi cukuik banyak porsi otonominyo baitu juo adonyo pembagian kapling kekuasaan misanyo adonyo Tungku Tigo Sajarangan, rajo Adat -rajo Ibadat dll. Apolai peran Nagari dari dulu sampai kini, dengan Kerapatan Adat Nagari(KAN) cukuik manampakkan kesan Demokratis. Disiko nampak masing-masing suku; Duduak samo randah, tagak samo tinggi. Peran penghulu pucuk hanyo samacam koordinator sajo Sistim Kerajaan Minang babeda jo Majapahit Tapi sistim kekerabatan Minangkabau bisa juo mirip sosialis/kolektif. Awak nan sa-suku dikampuang sabana dianggap ciek, sa sakik - sa sanang ( samarata-samarasa tapi masih percaya pada yang kuasa). Bahkan kalau ka pai marantau pai malakok kan badan ka sanak famili ko adolah hal yang lumrah. Bahkan itu merupakan tanggung jawab sosial bagi nan lah agak berhasil dirantau, disamping kiriman ke kampung yang harus continue. Kelok paku,kacang balimbiang Pucuaknyo, lenggang-lenggangkan Anak dipangku, kamanakan dibimbiang Urang kampuang dipatenggangkan Adonyo istilah Harato Tuo yang merupakan pusako milik suku/bersama yang harus dipertahankan dan dimanfaatkan untuk kapantiangan basamo. Indak bisa seenaknyo di jua. Apolai untuk kepentingan pribadi si mamak atau diagiahkan ka anaknyo. Sakatu dulu sekedar panjawab tanyo. Salam.-- > -----Original Message----- > From: Firson Maryutenli > Sent: 05 Maret 2006 12:53 > To: [EMAIL PROTECTED] > Subject: [SMA 1 Bkt Jaya] Kolektivisme - Demokratis > > > Bukankah biasanya menurut terminology barat pasangan .> > > Demokratis = Individualisme > > Sosialis = Kolektivisme > > > Menurut saya ini gak nyambung dengan thesis bahwa Minangkabau itu > penganut kolektivisme tapi demokratis > > > -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
