Kpd. Z Bandaro Labiah
"panyiar" Bagurau diudaro
Tiok Jumaiak 21:00 - 23:00 FM 93.75 bogor
Parmissiii "Ruok" ko ambo postiangkan ka Rantaunet.
( ambo sadang "nas" di banuanet, dek karano kompor
ambo "baemo")
wass
mak Ban
~~~~~~~~~
-----Original Message-----
From: Bandaro Labiah
Sent: 10 Maret 2006 7:53
To: [EMAIL PROTECTED]
Subject: RE: [banuanet] Partamuan jo Walikota <<Kontek Sukri??>> >>>
Kanyang Jo Ruok
Assalamu'alaikum w.w.
Kapatang ko ambo pulang ka kampuang pai mambali, Talempong, Gandang,
Lambuak (Galembong) jo Bajuno, Saluang, Sarunai, Bansi, pakaian Datuak
sapatagak, pakai anak daro jo mande. untuak kadipagunokan maarak Randai
ka pamedanan, nan alah batagakkan di Bogor.
Dek acok (biasono taruh dilapau kalau malam hari), mako sadang bamanuang
kutiko lah di jawa, takana di ambo ciek gurindam samaso duduak basamo
di palanta, gurindam ko ambo tulihkan baliak
Bari mauh pulo kalau agak panjang
KANYANG JO RUOK
*YMB
Assalamu'alaykum sanak di Palanta
Jaweklah salam dari kampuang
Tapakai wakatu agak sabanta
malapeh rindu nan jo kampuang
Sajak saparo tahun mahilang
Nan surekko lah ditulih juo
dek manenggang hati Dagang
Ditundo dulu mangirimno
Sabab baa dek baitu
galak jo tangih kok batuka
bukan mambukak aib jo malu
tapi mancari kato nan bana
Buruak nak samo kito buang
elok nak dapek kito bao
disabuk saketek kisah Dagang
katiko pulang bahari rayo
Kanduang pulang barami-rami
mambaok oto ciek surang
lapang dado sanangno hati
tabayang di rantau Dagang lah sanang
Kami paleba sapanjang jalan
kami palaweh pintu kaporo
nak sampai bana oto ka halaman
bialah "bungo" nak talendo
&nb sp;
Sajak kami mandapek kaba
kanduang ka pulang jo oto surang
ayam jo itiak sato ka pasa
taluano sajo tingga di kandang
Dek ulah sanangno hati
barang nan indak kami adokan
batuka galang jo timah pati
untuang lai baju panjang langan
Sapakan lamono bahari rayo
kami hiduk bak Juragan
pai ka lapau mambali lado
jo oto juo kanduang antakan
Labiah bak raso Batagak Panghulu
siang jo malam baralek gadang
lupo jo susah maso lalu
takalo Dagang ka mahilang
Babagai-bagai macam acara
malam amal sambia bagurau
panjek pinang pangguang gembira
sampai basaluang dalam lapau
Dalam acara lelang kue
salo manyalo batanyo kaba
bak cando koncek dalam embe
malompek-lompek pitih kalua
Baitu juo acara saluang
bakandak lagu mintak dipantuni
pitih bak cando ayam ka jaguang
sabalun abih alun baranti
Tangangak urang di lapau
sakadai urang kanduang bayiakan
kok cando iko sadono urang di rantau
rayo lah baa tiok bulan
Dagang di puji di mulyakan
kecek didanga kasadono
kok ado dibalakang nan mancibiakan
itu tak lain dek iri sajo
Lah sapakan Dagang di rumah
mandeh baralek tiok ari
Tamporo rampak labuahlah lanyah
kami tarimo jo suko hati
Lah tibo masono ka babaliak
Cuti abih toko nan tingga
tasabuk dek Dagang randang itiak
taragak pulo jo palai bada
Indak diulang duo kali
mandeh carikan salero Dagang
ampiang badadiah jo tangguli
&n bsp; sampai jo tapai bapuluk lamang
Apo di tabek lah babangkik
di parak tunggua lah tingga
kok lai ka ubek ibaraik sakik
ka oleh-oleh tibo di jawa
Lah baliak Dagang ka rantau
babaliak langang taraso kampuang
tibo rusuah lah tabik galau
dicaliak padi lah abih di lumbuang
Lai bana Dagang baragiah
pambali maco Dagang sabuk
usah lai ka pambali siriah
ka garam sajo indak doh cukuk
Tapi dek Dagang lai manyabuk
takalo kabaliak malam sinayan
ka dituka Cek, Bank batutuk
dari jawa sajo nanti dikirimkan
Mandanga janji dari muluk
lupo jo hutang sabalik pinggang
isuak ko tibo urang manuntuk
dilipek duokan bayia hutang
Tapi apo ka disabuk
Di Dagang janji bukan doh hutang
&nb sp; Sajak Palembang ditutuk kabuk
Jo surek surek takuk malayang
Tarakhir kaba kami tarimo
kadai Dagang disita urang
untuak pambayia carteran oto
nan Dagang baok wakatu pulang
Kok bana itu nan tajadi
lah bakicuah kami kirono
labiah rancak pulang jo padati
cukuk jo rumpuk baya sewano
Kami sangko jambatan panyubarang
kayu barakuak nan kami titih
sampai hatino anak Dagang
kami baumbuak ba patangih
Sakitu sajo nan ambo sampaikan, bukan baniaik ka manyingguang, tapi
iyo ka jadi pamikiran jo diinok manuangkan di badan diri ambo surang
Wassalamu'alaykum w.w.
Bandaro Labiah
zukri saad <[EMAIL PROTECTED]> wrote:
Mak Ban, Bung Badrul dan netter banua salegaran.
>>> bakuduang <<<
Send instant messages to your online friends
http://uk.messenger.yahoo.com
*****************Mailing List BANUA ******************
Untuak subscribe, kirim email kosong ka:
[EMAIL PROTECTED]
Untuak unsubscribe, kirim email kosong ka:
[EMAIL PROTECTED]
YAHOO! GROUPS LINKS
Visit your group "banua" on the web.
To unsubscribe from this group, send an email to:
[EMAIL PROTECTED]
Your use of Yahoo! Groups is subject to the Yahoo! Terms of Service.
--------------------------------------------------------------
Website: http://www.rantaunet.org
=========================================================
Berhenti, berhenti sementara dan konfigurasi keanggotaan anda, silahkan ke:
http://rantaunet.org/palanta-setting
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
