Assalamu'alaikum WW Manauak diilia ilia Bakato dibawah bawah gunokan raso jo pareso lautan sati rantau batuah
Kalau pimatang alah dilaleh bagaranjua aia jo ikan ilia indak tau sia tuanno lai Jikok kaba dibaco jo caro kaba dan dikabakan dek tukang kaba kaduo bisa salah jo jangga carito maleba antah kama bisa batuka angguak jo ilalah Jikok diandaikan ka makanan bacampua cipuik jo rabuang ditambah lo jo tukang asuang bacampua pulo jo emosi iyo sabana bakalimincuangan jadino Jadi tolong cari inti jo sari janlah dituncik diciek kato atau kalimat dek bahasa adolah gambaran perasaan mungkin nan diraso penyampai lain nan ditarimo di nan lain balain pulo apo lai bahaso tatulih nan indak nampak body language-no dek itu paralu klarifikasi hindakan emosi Kato diateh adolah kato raso tolong jan dibaco luruih tabuang bisa malala aratino bisa malia tanggapan Wassalamu'alaikum WW D. St. Parapatiah ----- Original Message ----- From: "Sjamsir Sjarif" <[EMAIL PROTECTED]> | Maa Uztaz Sutan Sinaro sarato Rang Lapau nan Basamo, | | Agak tacaguik pulo ambo mandanga Kaji Uztaz nan katangah, | mangatangahi helah nan sadang mahoyak Lapau ko. | Agak batingkah Gandang jo Tarinyo, | saroman balain angguak jo ilalah. | Agak tasandek tadanganyo. | Lain aek lain tarajang. | | Kalau ambo talusua pangkakaji nan ka tangah | dalam rentetan postiang nan angek malalah | bukan doh maambek kaji agamo di tangah rumah | tapi lewa-malewakan gunjiang urang biliak sabalah. | | Bukankoh iko kaji nan salah, | balain jo Kaji Rasulullah? | | Rsonyo rancak kito hindakan fastabiqul gunjiang, | kito padekkan langkah ajaran "fastabiqul khairaat", | dalam Filsafah MakNgah "Elo-maelo ka nan Elok" ... | | Salam, | --MakNgah -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
