Assalamu'alaikum WW Mak Ngah, dek tanyo dialamaikan kaambo, mako sudah barang tantu alah wajib tipak diambo manjawabno. Tapi jawaban ambo singkek sajo yo mak Ngah.
Manganai Mak Labai tu, iyo indak tadanga dek ambo doh, dek umua baliau tantu jauah labiah tuo dari ambo. Dek ambo baru masuak SR sasudah parang alah salasai dan urang nan ijok alah pulang baliak. Kalau ndak salah alah dapek rehabilitasi pulo dari induak angkang nagari awak. Mungkin mak Labai nantun alah baganti gala pulo. Ditambah, dek tatanan kekakrabatan dan pergaulan dikampuang iyo bajarak sajangka, bajarak saeto, bajarak sadapo dst. Kalau mak ngah lai tau kampuang baliau, atau paliang indak dari sidang a baliau tu. Sabok kalau alah balain sidang (kesatuan urang nan mampunyoi masajik samo) mako jarang nan kenal, dek iteraksi sosial makin kurang. Paliang nan sawahno badakekan, atau awak punyo dunsanak nan badomisili, bakeluarga ka sidang nan lian tu. Kalau dikana, saat parang dulu tu, dek ambo iyo anak ketek saat itu. Kadang kami pai ka dakek tantara nan maobral peluruno, manembak jauah. Sering diariak dek tantara tu, eh pulanglah ang yuang, kecek mereka. Takana dulu, saat parang jarak jauah, dek rumah mbo dibawah tabiang. dan diateh tabiang tu tantara pusat menembak jarak jauah, dan sudah pasti peluruno gadang-gadang. Tadanga peluru tu malincin lari, tak ........iiiiiiiiiiiiit ........... bram, bunyino. Ledakan ditompak jauah tu tadanga lo baliak. Saat itu kami maandok didalam lubang, bakumpua rami-rami. Bilo mak Ngah sempat banostagia ka Canduang, singgah lah di rumah kami, rumah mbo kini (sasudah parang) balokasi di Labuhan Pantai, rumah patamu awak ka masuak Limo Suku. Wassalamu'alaikum WW D. St. Parapatiah ----- Original Message ----- From: "Sjamsir Sjarif" <[EMAIL PROTECTED]> | Angku Darul, | | Lai koh Angku Darul tahu jo Urang Canduang banamo Labai, namao lamo wakatu | MakNgah kenal tahun 1960. Rumah Rang Gaekno kiro-kiro dakek jo Angku Darul. | Sasudah maota-ota Kampuang Awak dari Kamang, ka Magek, ka Ampek Angkek,ka | Canduang, pangana MakNgah jauah lai ka maso sisuak katu pondok MakNgah di | Lakuak Pisang, sabalah akapuun Lurah Jabua, jauah diateh Labuah Pancang. | Salah satu dari dua Urang Canduang, jauah di bawah MakNgah umuanyo kami | imbaukan Labai. Mungkin itu namono bana sampai kini,atau mungkinlah manjadi | pangulu bagai indak tahu MakNgah. | | Urang no ketek-ketek, tapi cancia, banyak garah, jujur ka kawan, barani | ilia mudiak di rimbo gadang baa pun kalam hari masuak rimbo kalua kampuang. | Ano salah saurang pareman kurak kariak MakNgah nan sabanta ko | tabayang-bayang jo MakNgah nan alah indak basuo sajak tahun 1962. Tahun | 1960 kalau lah malam hari, kami nan punyo Canduang jo Ampek Angkek tu. | Kalau lah siang, kami balinduang di pondok, macam-macam Carito Kampuang nan | kami otakan, bapantun, balagu saluang. MakNgah pasiah Caro Canduang wakatu | itu karano banyak maota jo no. | | Mudah-mudahan ano lai sihat-sihat sajo. Karano ano jauah labiah mudo dari | MakNgah, kok basuo baliak, banyak carito Sajarah Lokal samaso itu nan dapek | kami adu punjaikan baliak. Kok masih ado no mungkin MakNgah nanti ingin | maajakno ka Lakua Pisang, Ziarah ka kuburan kawan-kawan kami nan baranam | sakali sakubua. MakNgah jo Labai sarato kawan-kawan Alumni Laluak Pisang | 1961, sabanano lah mambawo angok balabiah. Banyak Carito nan ka dibukak jo | Labai tun. Ado surang lai kawanno, labiah mudo bana darino, tapi MakNgah | lupo namono. Pangalaman-pangalaman sejarah di Ranah 1958-61 tun banyak nan | malakok di banak MakNgah. Nan baumua diateh MakNgah, saroman Mak Iya (Batu | Taba) lah dahulu, sadangkan Pak Sjamnir (Bonjo Alam) lah gaek pulo di | Banduang kini, nansapangkek lah banyak lo nan uzur kini, mangko MakNgh | ingin basuso jo nan labih mudo untuak mamfreshkan ingatan ka maso itu. | | Kok lai tahu, kok lai basuo Angku Darul, tolong sampaikan salam MakNgah ka | mareka. Pasti Rang Kampuang tahu jo Labai jo kantino ko. Tarimo kasih. | | Salam, | --MakNgah -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
