Assalaamu 'alaikum. Bapak Asmardi & dunsanak sadonyo,
Tarimokasih diateh ucapan salamaiknyo.. bukannyo apo, ambo dulu baraja di sekolah asrama di kualo lumpua jadi la bargaul jo anak- anak padusi dari sagalo palusuak malaysia, jadi bahaso la bacampua- campua.. Kalau bahaso negeri sembilan di siko jaleh minangnyo karano agak jaleh dialeknyo, tapi yang dari kelantan di pantai timur malaysia bahasonyo banyak juo pasamaan jo bahaso awak - contohnya perkataan 'ambo', 'pitih', dsb.. (walaupun hujuangnyo memang balain iaitu yang ujuangnyo 'an' jadi 'e' contoh 'kelantan' jadi 'kelate'). [Mungkin dulu-dulu banyak jo urang minang marantau ka situ dan bahasonyo bacampua baua.. Selain dari itu, urang kelantan ko babakaik baniago cando urang minang juo..] Jadi bahaso ambo lah jadi rujak! bagaimana setakat ini.. boleh pakai ke bahasa minang saya ini? walau macamanapun, saya coba lagi.. :-) Uda Mustafa awak bukannyo urang Minang tapi dari Inggirih.. tapi katonyo inyo labiah Asia dari ambo karano hidupnyo labiah banyak di rantau (tamasuak di Indonesia - inyo suko bana jo Indonesia tarutamonyo Sumatra) daripado di nagarinyo sandiri. Inyo pulo dari angkatan 'lamo' (umuanyo 60th) jadi inyo yang basamangaik untuak kambali ka waktu dulu bilo hiduik labiah simple dan sehat. Ambo salalu juo tatanyo, baa urang dulu hiduik sedangkan kini kalau ndak ado telefon tangan/bimbit (handphone) pun ndak bisa hiduik. Itulah mimpi kami kalau lai bisa kambali ka Bukiktinggi nanti dan mambuek perusahaan yang asli-asli di situ.. Dunio lah tabaliak kini, yang murah dulu lah jadi maha, jadi apo-apo kemahiran tangan yang urang dulu ado dan nampak ndak dihargoi lagi, kini ko itulah yang urang cari dan sanggup mambaie tinggi untuaknyo.. Di Selangor dan tampaik lain juo, memang ramai urang Minang, tapi ambo ko, dari dulu karajo di kantor pagi sampai patang, jadi ndak kenal jo urang kecuali sadaro maro sendiri yang mandeh awak perkenalkan. Kini ko bilo lah hiduik baniago dan ado mambuko lapau labiah kurang tigo tahun, barulah kana (? kenal) jo urang saketek- saketek. Adolah bacarito-carito jo tuan punyo gerai nasi padang .. Kalau taragak jo sate padang tapaso pai ka Kampuang Baru di Kualo Lumpua (labiah kurang satngah jam pajalanan). Panjang pulo caritonyo.. Insha Allah ambo sambuang carito lain nanti dalam lembaran yang balainan supaya jaleh judul dan pakaronyo.. Wassalaam, mardia (43th) --- In [EMAIL PROTECTED], "Asmardi Arbi" <[EMAIL PROTECTED]> wrote: > > Wa'alaimussalam wr.wb. > > Sanak Mardia jo Mustaffa, di Sungai Buluah, > > Salamaik datang di Palanta Minang Rantau net. acok-acok lah muncul, sambia > balatiah bahaso Minangkabau jo mandalami adat jo budaya Minang dipalantako. > Dulu Rahima ndak bisa babahaso Minang nan elok dipalanta RN , tapi kini alah > fasiah bana Minangnyo. > > Kami sanang bana mandanga carito baa kamajuan urang Malaysia nan dulu baraja > kaawak, tapi kini ala tabaliak, awak nan harus baraja ka Malaysia. Apo di > Selangor banyak urang Minangkabaunyo? > Apo uda Mustaffa awak lai urang Minang pulo? > > Salam kami ka urang gaek Mardia nan jadi guru maaja urang Malaysia tu. > > Wassalam, > > Asmardi A. BP (64+) > -------------------------------------------------------------- Website: http://www.rantaunet.org ========================================================= Berhenti, berhenti sementara dan konfigurasi keanggotaan anda, silahkan ke: http://rantaunet.org/palanta-setting -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
