Dt.Marah Bangso jo dunsanak RGM GM,
Assalamu'alaikum wr wb
Untuak maramikan RGM GM nansadang langangko, ambo iyo sato saketek manukuak jo
manambahi carito masuak ITB.
Pangalaman ambo pribadi tabaliak jo pangalaman anak Dt.Marah Bangso. Ambo
tahun 1962 lulus ujian masuak ITB tanpa mambayia alias perai sajo, hanyo
mambayia Rp.219,- untuak administrasi pendaftaran. Tampek ujian masuak ITB
dulu di SMA III jl.Kalimantan, Banduang.
Ambo mamiliah jurusan Elektro, satu ruangan kuliah diawal kuliah jo Guntur
Sukarno Putera nan jurusan Mesin. Masa perpeloncoan nan taraso cukuik barek
alah ambo lalui dan berhak mamakai jaket biru jo simbol ITB. Demikian pulo ambo
sakalian ikuik diplonco masuak HMI kapalang basah. Ambo tingga samantaro di jl
Geger Kalong Girang nan terkenal dek Pesantren Darrut Tauhid AA.Gym, bayangkan
tiok hari barangkek/ pulang kuliah pakai sepeda ka kakampus Ganesa tu. Tapi
ambo lai sanang sabab jadi kabanggaan kaluarga jo urang kampuang ambo di
Pasisie.
Sadang barek-bareknyo ikuik kuliah di ITB tu ambo tapanggia pulo masuak test
AMN (Akademi Militer Nasional). Hanya saminggu ikuik test, ambo dinyatokan
lulus dan diagiah waktu saminggu untuak persiapan sabalun dibarangkekkan
kakampus AMN di kaki bukik Tidar Magelang. Salamaik Tingga ITB. Banyak anggota
keluarga nan manyasakan ambo kalua dari ITB ,sabab urang lain susah masuaknyo.
Maklum sajolah wakatu itu biaya kuliah di ITB sangek barek, apolah dayo urang
gaek ambo hanyo guru SMP jo anak 11 urang pulo indak takao maongkosi. Sadang di
AMN sagalo perai malah negara maagiah uang saku pulo tiok bulan.
Jadi sajak jaman ambo tu alah banyak juo anak Pasisie nan masuak ITB. Pado
tahun 2003 nan lalu kami parantau Pasisie mambuek acara Safari Pendidikan
mandatangi saluruah sekolah satingkek SMA di Kab.Pasisie Selatan. Kabatulan
dirombongan Safari Pendidikan tu sabagian besar adolah lulusan ITB,sarupo
Ir.Udan PHD.kini dosen Unand, Ir.Lukman MM kini karyawan Siemens di Cilegon,
Ir.Adnan karyawan Pertamina di Cepu, Ir.Yul Amri Phd staf
Pemda Prop. Sumbar,mereka rato-rato adalah anak anaknyo guru, petani dan
nelayan nan miskin. Kami mamotivasi anak pelajar pasisie untuak maniru jajak
para seniornyo. Kami selenggrakan bimbingan belajar, lalu manghimpun dana
untuak beasiswa anak-anak miskin nan cerdas nan berhasil lulus masuak di
Universitas. Alhamdulillah hampia tiok tahun rato-rato lulus PMDK sekitar 15
pelajar, diantaronyo masuak ITB Sabananyo tiok tahun ITB manawarkan bea siswa
kasaluruah kabupaten di Indonesia,tapi iyo jarang dapek perhatian Pemda.
Sahinggo itu dulu,sekedar gayuang basambuik dari ambo manjawek imbauan Datuak
Marah Bangso untuak maramikan palanta RGM GM nan langang.
Wassalam,
A.A. BP (64+)
----- Original Message -----
From: Ir. H. Mulyadi
To: [EMAIL PROTECTED]
Sent: Friday, April 07, 2006 5:03 PM
Subject: [RGM_GM] Re: Informasi Ujian Masuk ITB
Assalamu'alaikum,wr,wb.
Members RGM GM nan ambo hormati,
Ambo caliak akhir2 ko agak kurang laju / flow postingan di milis kito
ko, apo dek alah mulai jenuh atau memang ado masalah di Yahoo,
sahinggo banyak postingan nan indak takirim. Memang di komputer ambo
atau kami nan di Pusri dalam duo hari ko internet agak taganggu
sahinggo susah untuak masuak ka Yahoo.
Babicaro masalah ITB, memang marupokan PT nan paliang diincar atau
digandrungi dek anak2 SMU nan akan tamek maupun nan alah tamek tahun
sabalunnyo.
Memang ado suatu kebanggaan tersendiri bilo kuliah disinan bagi anak2
remaja tu. Contohnyo anak ambo sandiri, duo tahun nan lalu inyo tamek
===========================================================================
Sanak nan samo mancinto ranah Minangkabau, nan samo marindukan Minangkabau
bangkik manjadi jaya baliak. Marilah awak susun tanago basamo, awak sinergikan
daya dan kemampuan nan awak miliki. Ado ciek nan paralu awak kana: urang awak
nan bisa, iyo samo bakarajo, tapi indak bisa bakarajo samo. Bisa ndak awak ubah
fenomena ko? Awak pasti bisa. Mari sinsiangkan langan baju.
Rang Dapua Milis Grup GM
===========================================================================
------------------------------------------------------------------------------
YAHOO! GROUPS LINKS
a.. Visit your group "RGM_GM" on the web.
b.. To unsubscribe from this group, send an email to:
[EMAIL PROTECTED]
c.. Your use of Yahoo! Groups is subject to the Yahoo! Terms of Service.
------------------------------------------------------------------------------
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
