Assalamu'alaikum,wr,wb. Dunsanak sadonyo, ambo kapatang hari Minggu tgl 9 April 2006 diizinkan dek Allah SWT untuak dapek mahadiri Rakernas I IOM-ITB 2006 (Ikatan Orangtua Mahasiswa ITB) di Aula Timur ITB Banduang.
Pado Rakernas tersebut dihadiri oleh 16 Cabang daerah dari 19 Cabang nan terdaftar dan Cabang Fakultas/Departemen nan ado di ITB Banduang. Ambo hadir diundang panitia sebagai kapasitas ambo mewakili pengurus cabang Palembang nan alah non aktif satahun nan lalu. Kami barangkek baduo dari Palembang basamo seorang Staf Pimpinan di PT.Pusri nan anaknyo kuliah di ITB tapi barasa dari Komering. Sabtu siang kami alah sampai di Banduang, lalu ambo kontek urang tuo kito Mak Datuak Bandaro nan indak asiang lai di milis kito ko. Ruponyo dangau beliau tu dakek dari tampek kami manginap di Rumah Bandung Inn Jl.Surapati No.37 nan kepunyaan Bpk. Ir. M. Akmasj Rahman, M.Sc nan marupokan urang awak dan sekaligus Ketua Umum IOM-ITB 2004-2007. Kami nan dari daerah di kumpuakan di tampek kami manginap tadi tu mulai dari Sumut, Riau, Padang, Palembang, Lampuang, Jakarta, Cirebon, Tasikmalaya, Jogjakarta, Solo, Magelang, Malang, Semarang, Surabaya, Bali dan Sulsel. Nan cukuik membanggakan kito, dari sekian banyak Pengurus Pusat maupun Pengurus daerah IOM-ITB ko adolah dipegang dek urang awak, sahinggo kami sempat bagurau bahaso kepanjangan IOM - ITB ko adolah Ikatan Orang Minang ITB. Ketua Umumnyo urang awak, utusan dari Pakanbaru, Palembang, Jakarta dan babarapo pengurus IOM Fakultas/Departemen nan ado di Banduang pun adolah urang awak. Bahkan Panitia nan terdiri dari anak2 asuh IOM dan marupokan mahasiswa ITB pun ado nan dari urang awak. Jadi, itulah suatu kebanggan kito urang Minang nan suko bermasyarakat dan bersosialisasi jo nan lain. Kegiatan IOM ko amatlah mulia, iko dapek kito baco dari Visi dan Misinyo. Visi : "Menciptakan sinergi antara ITB dan orang tua mahasiswa untuk membantu mahasiswa dalam menyelesaikan pendidikannya serta membentuk anak bangsa yang cerdas, tangguh dan berakhlak mulia" Misi : "Membantu mahasiswa ITB mengatasi kendala dalam menyelesaikan studi serta membina kepedulian sosial dan budaya" Apokah tidak labiah baiak IOM ko khususnyo Cabang Padang/Sumbar bersinergi jo GEBU MINANG dalam mambantu anak2 / generasi mudo kito nan cerdas2 nan barasa dari Sumbar dan kuliah di ITB tapi dek kesulitan ekonomi urang tuonyo mako kuliahnyo terbengkalai atau taputuih bahkan kanai drop out. Iko sangajo ambo lempar ka dalam perbincangan kito di milis ko agar kito peduli kapado generasi mudo kito nan utaknyo lai namuah di adu tu tapi dek nasibnyo kurang baruntuang, dek ekonomi urang gaeknyo indak memada'i mako kito GM maambiak prakarsa mambantu anak2 kito tu. Apokah kito lai satuju jo usua ambo tu ......??? Dananyo bisa kito sisihkan dari dana Abadi. Dan ado ciek lai, kami di Palembang ado sabuah Yayasan nan banamo SRIWIJAYA FOUNDATION yaitu sabuah yayasan nan ditopang dek Pemprov Sumsel dan beberapo urang gadang Sumsel untuak mambantu anak2 cerdas di Sumsel disalurkan kuliah kalua nagari yaitu ka Malaysia. Salah satunyo anak ambo nan kaduo sudah dibantu dek yayasan ko kuliah di UUM Malaysia pado Desember 2005 nan lalu. Jadi, sakali lai, apokah tidak labiah baiak, yayasan nan sarupo kito buek di Sumbar, sahinggo anak2 cerdas kito tu dapek kuliah pulo dilua nagari dengan biaya ringan selain di ITB dan Perguruan Tinggi terkenal lainnyo. Pengalaman pribadi ambo ko ambo katangahkan agar kito dapek maambiak perbandingan atau kecek rang kini "Bench Marking" untuak kito contoh mano nan baiak2 nyo sajo. Kembali kapado carito ambo di Banduang tadi, ambo batarimo kasih sekali ka Mak Datuak Bandaro jo Istri beliau nan alah datang manjanguak ambo ka hotel kami, dan terus terang itu adolah pertemuan perdana ambo jo beliau dari salamo ko ambo kenal beliau di milis grup kito RGM GM salamo ko. Dan nan ambo salut kapado beliau ko dan ucapan tarimo kasiah ambo adolah beliau alah mambaok beberapo Buku Saku nan dibuek oleh Klub Buku Adat Budaya Minangkabau Gebu Minang Jawa Barat dan Buku Minangkabau yang gelisah karangan beliau basamo beberapo nan lain. Demikian sekilas info dari ambo. Wassalam, HM Dt.MB (49 th) Rang dapua RGM GM -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
