Wai .....yoik jo. Salain musim duyan, manggih,duku jo buah lain, ado pulo musim ujan jo kamarau. Karano alam kito lah rusak batambah pulo dengan musim asok jo banjir.
Tapi akhir-akhir ko nan cukuik mampangaruhi urang dari Sabang sampai Merauke adolah musim PILKADA. Untuak PILKADA di kota kami bulan Juni nanti, para balon jo tim suksesnyo lah basitungkin, sibuk kian kamari manamui berbagai kelompok untuak memperoleh dukuangan, datang bagai sinterklas menabur bantuan. Ado pulo nan rajin maundang urang ka rumahnyo. Sudah dapek makan kanyang, ka pulang mambao pulo. Tampak ampia tiok ari siang-malam rumahnyo macam urang baralek sajo,karano undangan makan siang jo sore hari pun ado pulo Sahinggo pertemuan bulanan kampuang kamipun didatangi pulo dek balon WALKOT ko. Sasudah adonyo pendekatan dari Tim Sukes dan saketek bayangan angko-angko untuak maisi puro musalla kami. Bagi kami sebagai tuan rumah, urang datang basilaturrahmi kan harus kito tarimo, apo lai ado pulo manjinjiang saketek kan buliah sajo. Karano alun ado doa manulak rasaki, kecek urang tuo kito. Soal sia nan ka dicucuak beko kan masih tapulang ka hati nurani masiang-masiang. Kalau bisa kasadonyo BALON tu datang ka tampek awak. Nan kito tunggu kan nan lain. Saluang jo rabab se lah nan manyampaikan, kecek kawan ambo. Karano dominasi etnis Minang di kota ko ( labiah 60% penduduak), kini kito opok-opokan ( disanjung)dek para balon. Bagaimana peran urang Minang dalam pembangunan dan pengembangan kota ko. Kalau hari biaso banyak nan sinis ka peri laku urang kito nan manggaleh, karano ado nan dianggap mengotori kota sahinggo banyak nan dikaja upeh/sat pol PP. Selain menyampaikan VISI/MISI nan lah standar. Kecek BALON ko seakan inyo lah manjadi pakar Minang pulo, type pimpinan nan diparalukan kini adolah nan mamanuhi unsur 4 P yaitu : 1. PASURAU, kuek agamonyo 2. PAIMBAU, memperhatikan dan peduli jo masyarakat sekitar 3. PAGURAU, menangani sesuatu dengan baik tidak kaku 4. PALAPAU, berkomunikasi dengan baik Ambo ampia batanyo kok ado pemimpin nan PAIGAU baanyo, tapi ndak jadi. Beko kok barubah pulo aia mukonyo -----Original Message----- From: [EMAIL PROTECTED] [mailto:[EMAIL PROTECTED] On Behalf Of Syafrinal Syarien Sent: Tuesday, April 11, 2006 9:44 AM To: [email protected] Subject: Re: [EMAIL PROTECTED] Saat musim dinngin mulai meminggir, musim panas mulai menyapa Kalau di kampuang ambo di Piaman laweh, iyo indak ado musim paneh jo dingin tu doh. Nan ado musim durian jo rambutan. Ado pulo musim manyiang, manyabik, jo manuai. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
