Assalamu'alaikum wr.wb. Untuak maningkekan pertumbuhan ekonomi terutama pertanian harus dimulai dari tekad, visi dan misi yang sama untuk bersinergi. Urang di kampuang ndak kabisa mangolah sawah jo ladangnyo kalau ndak ado suntikan modal. Ndak mungkin urang di kampuang tu ka manggadaikan sawah jo ladang yang banyak punyo ulayaik/kaum/suku tu kalau hanyo untuak mandapek modal maolahnyo. Nan ado modal abih sawah jo ladang tagadai pulo. Untuak hal iko peran perantau yang alah sukses jadi pedagang/pengusaha diharokan bana. Pengumpulan modal urang di rantau bisa dalam bantuak zakat harta, arisan, dll, kalau nio yang agak keren bisa ka bantuak join ventura. Sasudah sawah jo ladang di tanami paralu dicari pulo solusi untuak maningkekan hargo jual dari hasil pertanian tu, kasanyo maagiah nilai tambah ka hasil pertanian tu, misal ubi kayu..diolah manjadi karipik balado, karipik ubi raso keju, karipik ubi raso jaguang, karipik ubi raso coklat, karipik ubi raso malinjo, dll....sasudah diagiah nilai tambah, tingga untuak mamasarkan pengolahan dari hasil pertanian tu, disiko diparalukan pulo enterpreneur yang bisa manciptakan pasar untuak hasil pertanian tu...sakironyo sajo tiok parantau tu rutin tiok minggu bisa memasarkan sakilo se karipik balado yang hargonyo Rp 20,000.-/kg...kalau ado perantau 4 juta urang artinyo saminggu 4 juta kilo yang tajua. Artinyo bara hektar ladang ubi yang kaditanami?? Ciek lai misalnyo karambia, buahnyo bisa jadi minyak kopra, tampuruangnyo bisa jadi briket tampuruang (hargo ekspor mancanegara briket tampuruang ko US$ 170 ~ US$ 200 per kg dengan kandungan fix carbon 60%), sementara pasar mancanegara mensyaratkan fixcarbon 82%, air karambia tu bisa jadi nata de coco, asok sabuiknyo bisa diolah jadi smoke liquid yang dibutuhkan pasar mancanegara untuak manambah rasa pada makanan, terutama waktu barbeque. Tingga kini sia yang ka mamulai diantaro dunsanak di palanta ko...Kalau kali-kali mungkin alah banyak, tapi baru sekedar wacana...jan sampai wacana ko tingga di wacana se atau NATO. Mungkin Kelompok Diskusi Bangun Minang nan diusulkan E.T. Hadi Saputra jadi pioneer...nyo???Baliak ka diri awak masiang-masiang.
wassalam Reza -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
