--- Asmardi Arbi <[EMAIL PROTECTED]> wrote:
> Assalamu'alaikum wr.wb > > Buliah ambo sato saketek pakaro bau angok ko. > > > Bau angok ko iyo sabana mangganggu khusyuknyo shalat > berjama'ah, misalnyo > wakatu shalat Jum'at atau shalat Tarawih. Apolagi > bagi ambo nan agak alergi > jo bau nan indak biaso tamasuak bau asok rokok, > mulo-mulo sasak angok ambo > lalu tabatuak-batuak. Kalau sadang khutbah lai bisa > awak manutuik muluik jo > sapu > tangan, tapi baa kalau sadang shalat kan indak > buliah manutuik muluik bisa > bata shalat awak, kan iyo baitu Ima? > Asmardi Arbi (64+) Hmm,..kalau acok (tiok sabanta)manutuik muluik didalam shalat iyo, tantu mangganggu kekhusukan shalat mak. Samo awak tu Mak, samo-samo alergi jo bau-bauan ko. Antahlah, mungkin dek hiduang talampau tajam antenenyo kali. Katiko masih di Diniyyah dulu, ado perlombaan kebersihan tampek kasua/kamar, kebersihan diri, kerapian dan keindahan. Alhamdulilah ambo taruih tiok taun mandapek juara I. Pertama, masalah kuku, ambo selalu memotong kuku, sabalun nyo panjang. Kaduo, ruas-ruas kaki, talingo, salalu babarasian, acok luluran sajak masih mudo bana, sampai kini, namonyo mandi/barandam aia angek jo bunga/garam acok ambo lakukan. Meskipun wajah indak cantik bagai, nan penting badan barasiah, sampai-sampai ibu ambo dan apak paja dirumah salalu mangecek ka ambo : " badan ima wangi, pakai minyak wangi dan sabun apo?" Ambo kecekan kapado amak ambo. "Mak, mak caliakkan dikamar mandi sabun nan ima pakai, samo jo sabun nan amak pakai. Dan amak caliak di lemari, juo di tampek kaca, indak ado minyak wangi bagai doh, paliang nan ado hand body, itupun sataun sakali pakai( atau kalau lagi ingat sajo), paliang nan ado dipakai taruih cream baby johnson, untuak wajah, jadi wangi tu datang dari dalam tubuh, indak jo minyak wangi doh, sebab badan barasiah". Katigo: Pakaian. Ado urang nan mamakai baju antah bara kali dipakai itu kaitu juo, alah kanai karingek, digosok kamudian pakai itu juo. (ambo punyo adiak kelas di kairo dulunyo, sakik mato mancaliaknyo jorok bana, urangnyo sangaik rancaknyo, tapi kebersihan badan indak diperhatikannyo doh) . Kalau ambo iyo indak, baju kalau alah kanai karingat pasti dicuci langsuang, ganti jo baju nan baru. Baa banapun barasiahnyo badan awak, kalau baju tu kotor dan babaun juo apo gunonyo lai. Jaan kan baju,aleh kasua sajo acok baganti, minimal saminggu sakali, indak pernah sampai duo minggu sakali. Nan ka ampek adab makan: Sarancaknyo, kalau awak makan, tolong banalah, jan sampai sadang ado urang makan didepan awak, awak alah salasai makan, awak mancungkia gigi didepannyo. Taruih tarang, ambo bisa mual paruik mancaliaknyo. Atau salasai makan, awak minum, taruih awak bakumur-kumur jo aia minuman tu didepan urang ramai. Iyo, lapeh selera makan dibueknyo, indak talok makan nasi lai doh. Tapi subhanallah, wamasyaAllah, sadang makan, anak buang aia besar, kamudian awak barasian bahkan dipegang bagai buang aia besar tu, dek awak mencebokkan(istinjakkannyo), indak lo hilang samangaik, atau salero makan seorang ibu,khususnya ambo, tapi kalau alah ado urang nan mancungkia giginyo, atau bakumur2 jo aia minum didepan ambo, taruih tarang, hilang salero makan dibueknyo, ambo pernah marasoan iko, katiko samo-samo tingga sarumah jo adiak-adiak kelas dari Diniyyah juo jo teman-teman katiko ado pangajian, untuanglah ado teman ambo urang Madura nan panjijik saroman ambo juo, tapi liau ko barani mangecek langsung kaurangnyo, kalau ambo iyo alun barani sampai kini doh. Jaan kan masalah kebersihan, adab-adab makan, bersin nan harus tutuik muluik, supayo aia bersin indak kanai kaurang lain, bukankah Rasulullah dalam hadistnyo nan shahih mangcekan "apabilo bersin salah surang kamu, hendaklah inyo manutuik muluiknyo jo tangannyo atau sapu tangan", masalah teman-teman ambo disampiang ambo bagunjing se, ambo sulik untuak maingekkannyo sacaro langsuang, biasonyo kalau inyo maajak ambo mancaritoan teman nan lain didepan ambo, ambo suko puro-puro indak mandanga, atau pai sajo, masih alun barani lai mangatoan: "Waang salah, indak buliah bagunjiang doh...etc..", alun pernah ambo lakukan itu lai, sabananyo harus awak kecekan ka inyo sacaro langsuang, tapi baalah, lagi-lagi takuik inyo ko tasingguang. Balain jo ambo ceramah didepan umum(acok ambo ceramah di masjid ibu2tu), rato-rato ceramah ambo mengenai masalah-masalah panyakik hati ko, tapi kaedahnyo /ceramahnyo sacaro umum, indak pribadi. Balain jo diskusi dimilist mungkin ambo tamasuak nan barani mangecekan kasalahan urang lain, tapi jo argument tantunyo. Diskusi it's diskusi, ceramah it's ceramah, namun sampai tingkek sacaro langsuang ambo alun bisa lai, mungkin nan kadatang bisa stek-stek jo caro nan santun dan taktik bak kecek mak lembang Alam. Tapi sampai kini alun bacubo lai doh. Wassalamu'alaikum. Rahima.(37 thn) __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
