Bana tu Angku Taufik. Itu sababnyo urang awak nan arih sisuak mangecekkan
dimaa bumi dipijak di sinan langik dijunjuang. Dek RantauMakNgah laaknyo jo
Ranah awakagak tabaliak di dunia ko, banyak lo parangai masyarakat nan
tabalaik. Kalau di awak anak-anak malawan tatatertib masyarakat jo parang
kantuik, kalau urang bukik bulek ko anak-anaknyo parang sindawo di asrama.
Sindawo pantang bana di urang bukik bulek ko. Indak baa sin urang
mangecekkan urang sindawo tu saroman babi doh. Kalau di awak sudah makan
baralek di rumah gadang basanda ka tunggak tuo, sindawo kareh, baco
hamdallah kareh-kareh.
Ado nan maleh na MakNgah mancalaiak dan mandanga, malansiangan ingua di
tampek umum; indak sajo malnsianganingua doh tapi kereh-kareh sabana
baajan-ajan. Dek iduangnyo gadang-gadang labiah kareh bunyinyo jo tarempet
danguih babi.
Ciek lai, wakatu MakNgah pulang partamu kali 1985 sudah 20 tahun
maninggakan kampuang iyo takajuik jangga rasonyo mancaliak anak laki-laki
samo-samo anak laki laki bapaguik-paguk bapaciak tangan di jalan pulang
sikola. Baitu pulo padusi samo padusi. Indak baa sajo doh di mato
masyarakat awak. Tapi kalau laki-laki jo padusi bapaciak-paciak sajo di
jalan di kampuang awak mungkin bangkak-bangkak kapalo tu dek pareman atau
sato jo polisi-polisi bagai. Kalau urang bukik bulek ko tabalaik.
Ciek lai, MakNgah pun sangaik takajuik pulo mancaliak "kamoderenan" rumah
makan urang awak nan manaruah pancukia cik gigi di meja makan.
Bayangkanlah sudah makan urang mancukia gigi sambia maota, sadangkan
hidangan sameja masih batataran di sinan. Sadangkan maota sajo lah
basambua-sambuaran aia liua, apo lai ditambah pulo jo cik gigi bacukia...
Sudah tu siso-siso hidangan meja nan di tadah tu dibaliakkan pulo baliak ka
panci gadang untuak disanduak dihidangkan satadah-satadah ka meja tamu tamu
nan ka tibo. Indak salah doh kalau Urang Jawa (nan MakNgah kenal) indak
namuahnyo doh diajak ka Restoran Padang. "Buat apa ke Restoran Padang? Tak
mau makan sisa!" keceknyo jo nada suaro nan mambayangkan kajijikannyo.
Sadangkan awak lah payah malagak-lagakkan makanan restoran padang tu lamak.
Kok diinok diranuangkan kan iyo lo du kecek Urang Jawa tun yo ndak? Ka
dipangaganko sistem restoran awak? Baa ko komentar Urang Awak?
Salam,
--MakNgah
From: "Rasyid, Taufiq (taufiqr)" <[EMAIL PROTECTED]>
Date: Mon Apr 17, 2006 8:04 am
Subject: Re: [EMAIL PROTECTED] Baun Angok (adab makan, bersin ) + sindao sudah
makan [EMAIL PROTECTED]
Soal adab makan ko, takano pulo dek ambo caro urang dikampuang Mak
Ibuih.
Kabanyo urang ditampek MakNgah tu sangat indak suko mandanga urang
sindao ( mungkin dek kakanyangan) sasudah makan. Bahkan kabanyo labiah
elok awak takantuik dari pado sindao dakek urang bule tu.
Tolong MakNgah tarangkan apo sababnyo mereka indak suko mandanga bunyi
nan co gampo tu.
On Behalf Of Rahima
Sent: Sunday, April 16, 2006 11:58 PM
... awak mancungkia gigi ...
No virus found in this outgoing message.
Checked by AVG Anti-Virus.
Version: 7.1.385 / Virus Database: 268.4.1/313 - Release Date: 4/15/2006
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
