Assalamualaikum wr wb Dh, urang palanta rantaunet
Sato lo ambo seketek Untuk harato pusako urang Minang ko ya sabana unik, di dalam adaik wak ado nan disabuik harato pusako tinggi jo harato pusako randah. Kalo manuruik wak, harato pusako randah tu yo bana-bana harus dibagi manuriuk patuik nyo agamo wak, yaitu agamo Islam, nan lah banyak ditarangkan oleh sanak sekalian. Dan iko ampia sadonyo satuju. Kini nan acok manjadi masalah bagi wak sekalian adolah, ba a wak mampalakukan pembagian rato pusako tinggi. Nan satau ambo, rato pusako tinggi pangalolaannyo jatuah kapihak padusi dan ndak buliah di jua kacuali ada sabab musababnyo nan alah ditarangkan sabalunnyo. Kalo ambo mancaliak, rato pusako tinggi ko diposisikan sabagai harato wakaf dari urang-urang nan terdahulu, nan ma inyo bapasan, untuak pangalolaannyo jatuah ka tangan pihak padusi. Syarak agamo pun ndak mangatur jaleh bahasonyo rato wakaf ko harus di bagi-bagikan manuruik faraidh, justru rato wakaf ko harus bisa ba manfaaik banyak bagi urang. Jadi jan posisikan rato pusako tinggi ko sabagai rato nan bisa diwariskan, tapi posisikan rato pusako tinggi ko sabagai rato wakaf nan ndak bisa di bagi-bagi, dan dipagunoan untuak ka maslahatan urang banyak. Sampai di siko wak mancaliak sabananyo ndak ado partantangan antaro syariat Islam jo adaik Minangkabau. Wallahualam bi shawab. Afan (24+, Jakarta) -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
