assalamualaikum ww Dunsanak Dt Endang pak Syaf para dunsanak yang membidangi di GM dan para dunsanak kasadonyo Itu bana yang ambo bicarokan dengan dunsanak Dt Simulie nan kini Ketua LKAAM dan yang akan kami bicarokan dengan para mantan Ketua LKAAM nan alah disepakati bahwa pak Syaf yang akan memfasilitasi MASALAH SATU adalah kita indak bisa bicaro kaniak maniin tanpa ada dukungan basamo Dukungan basamo tu alah kito sepakati melalui suatu organisasi yang namonyo Lemabaga Kerapatan Adat Alam Minangkabau Kalau ado nan dilakukan Lembaga ko nan indak sesuai atau indak apo nan diarokan salamo ko Janlah awak berang berang nan mau membubarkan Lembaga tu Kok kurang kito tukuak kok senteng kito bilai Nan paralu dibenahi organiusasi LKAAM ini Apo saram pemikiran tentang pembenahan organisasi LKAAM ini . MASALAH DUO Bicaro tentang aa bana adat budaya Minangkabau tu urang akan kembali ke Ranah Jadi LKAAM di Ranah tu harus kuat.( pambia talipon sajo sampai talipon diputuih ) Itu yang kami bicarokan dengan juga dengan DPRD Sumbar dan pak Gubernur Karano ranah kito memang daerah miskin itu pulo nan kami harapkan agar DANA ABADI segera mantap Kami cuap cuap juga di TVRI Padang Dari bungonyo kita akan dapat bagian untuk pengembangan adat budaya Minbangkabau Tali batali MASALAH TIGO Yang indak kalah pentingnyo minat kaula mudanyo nan harus kita ambuak Kaderisasi untuk LKAAM yang akan datang alah harus dipikiakan dari kini Iko indak bisa secara mendadak Indak buliah dagang sapi Iko karajo barek Iko yang indak ambo caliek ado usaha yang serius menyapkan kader LKAAM masa depan Berkaitan dengan iko adalah masalah penelitian yang harus kito galakkan terutamo oleh generasi mudo kito Selain mengenai adat dan budaya sendiri adalah a nan salah salamo ko Kalau itu indak kita ketahuhui kita akan membuek kesalahan yang samo berulang ulang Tanpa ado penelitian dan kajian kita akan hanya ota dan rekaan sajo Penelitian generasi tuo sajo ambo khawatirkan kalau indak kito libatkan generasi mudo hasil pemnelitian itu tidak dibaco generasi mudo akan jadi pajangan sajo Iko juga memerlukan dana MASALAH AMPEK Baa caronyo melestarikan adat budaya tu ka generasi berikutnya ka anak kemenakan ka generasi mudo Terutama sekali kito nan di rantau Iko rasonyo sesuatu nan paling urgen dan paralu upaya segera Manuruik catatan kami dan pengakuan ninik mamak yang dirantau sendiri merekapun indak mangarati bana apo tu adat budaya Minangkabau Disiko kita akan kembali pada pentingnyo organisasi LKAAM Seharusnya LKAAM tidak hanyo mamikiakan Ranah tetapi juga ado manfaatnyo bagi yang katanya 2/3 urang Munang nan ado diRantau MASALAH LIMO Apo nan lah diputuskan 3 tahun yang lalu di Bandung mengenai dua hal paratamo modul atau cara cara mengajarkan adat budaya tu yang harus disusun secara baik sesuai dengan situasi dan kondisi kini Kaduo paralunyo sarana pendukungnya adalah buku buku dan lain lain Dalam kaitan ini adalah alah dibentuknya Klub Buku Adat Budaya Minangkabau yang sasasarannya adalah masuknya biku buku adat budaya kerumah keluarhga Minang Adanya perpustakaan mini dimana mana dipemukiman urang Minang dll Ini juga paralu dukungan bersama Waktu membentuknya sadonya angguak angguak balam Lah baiyo bana tatagun tagun yang muncul adalah salah manyakahkan KESIMPULAN Kok iolai sepakat kito salurkan melalui organisasi atau lembaga nan ado Kito perkuat lembaga tu Kito barikan masukan untuk kita bahas dan putuskan basama Akhirnya bagaimanapun juo toh harus ado putusan Masa kito biakan taganang indak ado keputusan atau harus bacakak untuk indak ado keputusan Kalau lai sepakat ambo berharap pada penguasa melis ko agar masalah ko disampaikan pada melis urang Minang lainnyo sehinggo kita mendapatkan masukan seluas mungkin Tarimo kasih banytak Ch N Latief Dt Bandaro 78
Manolah angku Datuak Bandaro ysh, ditibokan kato, sambah sarato salam mairingi. Mambaco nan tasirek, lai sasuai harapan ambo jo usaho angku datuak. Kiniko masalah pembinaan adat sasuai dirundiangkan dengan LKAAM. Sadangkan GM, ambo liek, pejabat nan membidanginyo alun langkok sarek saroto rukun adatnyo, jadi kalau duduak indak samo randah, tagak indak samo tenggi, alun dapek dibao sahilie samudiak. Selain itu ado pulo semacam forum niniak mamak se-Jabodetabek nan bulan lalu alah dirasmikan, dapek pulo angku baiyo batido disitu. Minggu lalu, dari Datuak Marah Bangso ambo maliek ado beberapa buku ketek nan alah angku tulis dan terbitkan, iko suatu amal nan baiek. Kironyo warisan nan tak ternilai untuak generasi mudo kito. Untuak itu ambo menyampaikan salam hormat. Manolah mamanda kami Pak Saaf ysh, Rumusan ABSSBK sabananyo alah tatulih dan terkompilasi di dalam tambo, dan talisan dalam pitatah patitih adat. Kalau lai namuah, sabananyo dapek kito seleksi dari 4 tambo nan alah diseleksi oleh Edwar Djamaris, lalu dikambangkan saketek. Mungkin ado perkembangan zaman dalam seabad terakhir iko nan paralu ditambahkan. Kalau coitu, buliah kito inventarisasi dulu permasalahan itu, lalu dibahas basamo. Contoh, masalah tanah ulayat memang alun ditulih di dalam tambo, walau sacaro lisan alah jaleh aturannyo, buliah kita tambahkan. Itu di dalam hukum adat disabuikkan: kato kudian kato bacari. Sasuai jo pituah, mairik parang jo berani mairik karojo jo usaho, tadi malam ambo baru manarimo draft 01 ketentuan-ketentuan adat di Nagari Sulit Air, cubo ambo lampirkan di siko. Runcano dalam 3 bulan ka muko akan kami diskusikan dan sosialisasikan di masyarakat laweh di ranah dan di rantau untuak dapek menyepakatinyo. Limbago nan akan managakkannyo adolah Kerapatan Adat Nagari (KAN), karono balaku di salingkaran nagari. Mudah-mudahan dengan keikhlasan dan usaho saroman itu dapek memulai gerakan baliak banagari, kumbali ka adaik, pulang ka surau. Satantang pun baitu, kiniko kami pun alah pulo mamulai peradilan perdamaian adat, nan alah hampia saabad hilang di bumi Minangkabau. Rupono alah baderet persoalan nan mintak penyelesaian sacaro adat. Kini kawan-kawan di ranah sadang mamilah mano pakaro nan ka didahulukan. Mudah-mudahan minggu depan peradilan perdamaian adat itu akan dimulai, untuak maso uji coba 3 bulan ke depan. Pemda Prov sasuai nan alah disampaikan dalam pidato di rumah Ibu Yamin bulan lalu menyambut antusias peradilan adat ko, dan menjadikan Sulit Air sebagai percontohan. Manolah Ajoduta ysh, Usaho pembinaan adat adolah usaho kito basamo. Sabananyo sekolah/universitas terbaik untuak mengembangkan pengetahuan adolah rumah. Iko untuak manjawek pulo pertanyaan salah saurang sanak nan manuntuik para mamak untuak mengajarkan anak-kamanakannyo masiang-masiang. Jadi sapendek pengetahuan ambo, nan maajakan adat-istiadat itu iyolah urang sumando, atau bapak dari paja. Dalam kondisi kemasyarakatan kiniko, pola bantuak itulah nan tajadi, apolai kiniko awak labiah banyak tingga di rantau. Contoh ka diri ambo, lahia dan gadang di rantau. Namun urang tuo (Buya) satiok tahun mambao ambo pulang ka kampuang. Wakatu ketek diajarkan hiduik babako babaki, tibo di rumah ibu, diajarkan hiduik baniniak bamamak. Walaupun Buya urang nan sekolah tinggi dan bapangkek tinggi, namun perilaku ilu sebagai sumando nan baik ditunjuakkan. Raso indak bakapatuik-an. Tapi disitulah ambo belajar mengenai budi orang Minang. Buya itu saudara sepupu dari Tek Nona alm. Katiko alah gadang dan dapek manaka, pelajaran adat ambo baco dari buku-buku. Kiniko taserak buku-buku mengenai adat-istiadat di toko-toko buku. Indak ado alasan indak ado bahan untuak itu. Apolai ado pulo kaset-kaset adat seperti ceramah Dt. Perpatih itu. Biaso kalau pulang ka kampuang, baborong kaset-kaset carito dan ceramah di Pasar Solok. Apolai banyak pemangku adat seperti Dt. Bandaro lai aktif pulo menerbitkan buku. Untuak nan pandai ber-internet, banyak pulo bahan di berbagai website. Hidup dikandung adat, mati dikandung tanah. Dalam perjalanan jabatan pemangku adat, perjalanan adat adolah jalan makrifat. Mungkin raso iko indak saluruahnyo sampai ka anak-kamanakan. Dan indak saluruah datuak pulo akan marasokan. Kalau jalan lah jauah, bukik lah tenggi, lurah lah dalam, mungkin akan marasokan. Colah, kudo boban palajang bukik, boban saguluang batu, basumpah pulo untuak bersikap adil kapado anak kamanakan. Sialah makhluk nan bodoh ka manangguangkan (33:72). Saitu nan dapek ambo sampaikan. Iko bukanlah kato bapintak kato babaleh, dek karono bisuak ambo akan melakukan perjalanan jauah. Talabiah takurang mintak maaf. Wassalam. -datuk endang chaidir latief wrote: assalamualaikum ww Maaf pa Syaf Iko bana nan ingin kito bicarokan dengan mantan ketua ketua LKAMM teramsungk angku. Iko masalah nan sasalu dibicarokan nan undak pernah ado jalan kaluanyo Bicaro terus Ambo kini sedang di Padang mambicarokan dengan Dt Simulie Ketua LKAAM Rasonyo itu paralunyo organisasi Bicaro perorangan baputa puta disinan kasinan juo Kitro nan mandisikan Lembaga Kerapatan Adat Alam Minangkabau Paralu kita luruihkan apo fungsi sabananyo dari organisasi ko Kito nanti nan akan dituntut Salagi masih iduik Organisdasi ninik mamak untuik marapekkan adat Rapek kan ado kesimpulan dan keputusan Lah sekian lamo aa kesimpulan dan keputusan Wakatu ambo ka LKAAM Dt Simulie sulit dihubungi Talipon di LKAAM putuih indak ado pitih mambbaie talipon Apo indak tragis Ambo io penganut AAGIM Mulai dengan yang ketek dari diri sendiri dan sekarang juo Karano itu tolonglah pak Syaf bilo kito batamu para mantan Ketua LKAM yang menurut janji kito pak Syaf yang akan mengatur waktunyo Pak Baharudin Dt Rangkayo Basa masih iduik dan ado di Jakarta Pak Dt Simulie setuju kalau paralu kito bantulah bara bana tiket kapa tabang kibni Tarimo kasih Ch N Latief Dt Bandaro 78 Saafroedin BAHAR wrote: Assalamualaikum w.w. Buliah ambo manyalo saketet\k ? Ambo satuju jo paringatan Ananda Ajo Dutamardin Umar di Amrik. Saluruah anak ambo nan lahia di Sumbar dan kini sabagian gadang di Rantau, indak ado nan baminat ka adat jo budaya Minang, walaupun ambo mandorong mereka untuak satidak-tidaknyo tahu. Mereka labiah maraso jadi urang Indonesia. Ado nan kurang sasaik sabalango nan nampak di ambo baa mako indak banyak minaik nan mudo ka adat jo budaya Minang, yaitu jauahnyo jarek antaro nan kito katokan jo kanyataan sahari-hari. Jo kato lain, apo nan kito katokan indak ado atau kurang ado dalam kanyaan hiduik. Kito manyamokan adat dan budaya Minang itu jo papatah patitih, dan papatah patitih itu kita samokan jo norma sakaligus kanyataan. Baa jalan kaluanyo ? Ambo alah mangusulkan ka Ananda Rahimah, Ananda Datuk Endang Pahlawan, dan Ananda Datuk Marah Bangso, agar supayo saluruah norma adat, budaya, dan ugamo nan kito inginkan maatur hiduik kito sabagai urang Minang, yaitu ABS SBK, dikumpuakan jadi satu dalam Kompilasi Hukum ABS SBK, dan kito kukuahkan dalam suatu Kongres Minangkabau. Sasudah dikukuhkan, mako salain balaku untuk kito -- paliang tidak dalam masalah keperdataan -- juo sakaligus bisa manjadi bahan ajaran untuak nan mudo-mudo. Kalau indak baitu, mako masalah gadang iko akan majadi wacana ka wacana sajo bakapanjangan. Sakianlah tanggapan ambo. Wassalam, Soean Madjolelo )69th) dutamardin umar wrote: Alaikumsalam, Yo bana tu Phi. Makonyo awak-awak nan mumpuni soal adat dan budaya Minang acok-acoklah malempar posting seperti nan dimukasuik. Kalau indak beko jan disalahkan kami nan gadang dirantau nan indak tau jo adaik, budayo jo limbago, akhirnyo mamposting nan kami ketahui sajo. Daripado langang palanta, lumayanlah jadinyo. wassalam/ajoduta/59- Ephi Lintau wrote: Assalamualaikum wr wb, Mamak, Datuak, Uda, uni, adiak dan member MILIS nan ndak ambo sabuikan namonyo. Sabalunyo ambo mohon maaf, kok apo nan ambo sampaikan ndak talatak pado tampeknyo, namun izinkanlah ambo sekedar manyampaikan apo nan taraso di hati saputar kondisi milis RN nan lah baumua 13 tahun. sebuah pertanyaan kecil nan ambo ajukan adolah Apokah milis RN samo jo milis Surau dgn Milis Gebu Minang atau milis minang lainnya ? Jawabnyo tantu TIDAK (iko menuruik pendapat ambo nan pemahaman ambo sendiri salamo anggota di RN). Begitu juga halnya milis Surau dan GM (ambo juo member disinan). Satahu ambo adolah milis RN konsen dalam membicarakan masalah adat dan budaya minang, sedangkan Surau lebih khusus membicarakan masalah agamo bagitu juga halnya dgn GEBU Minang yang khusus membicarakan masalah pemberdayaan ekonomi di minang. Nah, manurut pemikiran ambo yang dangkal ko, mako sepantasnyolah...awak memposting email ka milis RN sesuai jo visi dan misinyo yaitu masalah adat dan budaya (mohon koreksi jiko ambo salah), kok kito ingin membicarakan masalah agamo..rancaklah awak kasurau, baitu juo kalau ingin bicara ttg ekonomi minang, rancaklah ka milis GEBU MINANG. jadi apo nan awak bicarakan dimilis ndak tumpang tindih. ibarat..kalau basawah..jaleh pamatangnyo. JADI menurut ambo...marilah awak gunakan milis sesuai jo tujuan masing2 milis. Sekali lagi ambo mohon maaf..kok apo nan di sampaikan ko indak pado tampeknyo. ditunggu tanggapannya, krn akhir2 ini dimilis RN, porsi postingan sepuatr adat istiadat dan budaya minang sudah berkurang Banyak maaf... wassalamualikum wr wb Ephi Padang, 30 tahun. --------------------------------- Blab-away for as little as 1¢/min. Make PC-to-Phone Calls using Yahoo! Messenger with Voice.-------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= --------------------------------- Yahoo! Messenger with Voice. Make PC-to-Phone Calls to the US (and 30+ countries) for 2¢/min or less. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
