Assalamualaikum w.w. Tarimo kasih Ananda Rahima. Nan biaso ambo dorong untuak dipagagehkan memang untuak nan alah jaleh-jaleh elok, sarupo mambuek buku Kompilasi Hukum ABS SBK iko. Sabananyo Kompilasi Hukum ABS SBK alah haruih dimulai panyusunannyo sajak 170 tahun nan lalu, langsuang sasudah Parang Padri, dan dikambangkan sacaro taruih manaruih. Jadi ado pagangan tatulih untuak sadonyo urang Minang, baa manyatukan norma adat jo norma ugamo, tarutama dalam bidang muamalah nan nampaknyo masih ado nan kusuik nan paralu ditarika supayo rapi. Hal itu paralu untuk kapastian hukum, supayo indak bakapanjangan urang awak basisalak sampai ka pangadilan. Malu awak. Masalah silang sangketo bakapanjangan di antaro urang awak iko - tarutama soal harato pusako -- alah ditaliti sabagai disertasi dek Dr Keebet von Benda-Beckmann dan alah ditabikkan dalam bahasa Indonesia jo judul : "Runtuhnya Tangga Manuju Mufakat". Ambo sarankan Ananda mambaconyo -- sanyampang alun -- sakadar untuak manambah motivasi manyalasaikan 'banang kusuik Minangkabau' iko. Paratikanlah nagari-nagari lain nan maju ado unsur nan samo, yaitu adonyo kapastian hukum sahinggo urang bisa marancanakan hiduiknyo masiang-masiang sacaro tanang. Nan nampak diambo, ado masalah-masalah gadang Minangkabau nan takatuang-katuang indak salasai hampia duo abad, sarupo nan diangkek dek Syexh Achmad Chatib al Minangkabauwi dan Buya Hamka, sarato jo nan kini Ananda angkek jo Datuk Endang. Sarupo nan ambo anjurkan, bahas masalah-masalah gadang ko tuntas-tuntas, sasudah tu ambiak kaputusan dalam Kongres Minangkabau, sasudah kito satujui, kito laksanakan tanpa ragu. Ciek lai: jan lupo, kito bagian dari Republik Indonesia. Hukum negara balaku juo kapado kito. Ambo tunggu Ananda di Jakarta. Wassalam, Soetan Madjolelo (69th)
Rahima <[EMAIL PROTECTED]> wrote: Pak Saaf, kecek urang Arab di siko. " Kahairul birru 'ajiluhu", SEbaik-baik perbuatan yang baik adalah dengan mempercepatkannya.Jadi tergesa-gesanya pak Saaf disiko indak baa juo doh. Sabab ado juo dalam hadist awak dilarang tergesa-gesa, tergesa-gesa tu dari syetan pulo keceknyo. Mungkin mukasuiknyo tergesa-gesa menjatuhkan vonis pada seseorang, tergesa-gesa mengambil sikap sabalun di timbang sana-sini dulu, tergesa-gesa mancurigai perbuatan elok urang dan tergesa-gesa lainnyo. Mungkin indak sampai sabulan lai, ambo alah di Indonesia pak Saaf, langsuang batilpon pak Saaf, tapi ado nan ka ambo mintak ka Mak Asmardi beko. Mak Asmardi, bisa awak samo-samo pai ka tampek ajo Buyuang ndak,..? hehehe, alun manga-manga alah manyusahkan mamak, ambo ko. Kalau lai ado wukatu mak Asmardi, kalau indak, indak baa juo, ambo pai se surang, tasasek di Jakarta tu, tasaseklah.(hehehehe) Wassalamu'alaikum. Rahima. --- Saafroedin BAHAR wrote: > Assalamualaikum w.w. > > Dek ambo urang pagageh, ciek tanyo ambo : a juo > lai nan kito tunggu ? Karajo baiak kan rancak > disugirokan. Kok ditunggu lamo kok masuak angion > beko. Ambo taruihkan parmintaan ko ka Ananda > Rahimah, Ananda Datuk Endang, jo Ananda Dt Marah > Bangso. > > Wassalam, > Soetan Madjolelo (69th) > > Sutan Sinaro wrote: > Wa'alaikum salam.w.w. > > ... Suaai tu pak Saaf dan Sdr. Datuak Endang... > Dek ABS SBK, adaik ba sandi ka sarak ... > santano urang mambuek baju ... > mako hukum sarak adolah patron dan hukum adaik > adolah kain bajunyo... > kain baju ka diguntiang sasuai jo patronnyo... > Sarak mangato adaik mamakai... > baitu.. > > Wassalam > > St. Sinaro > > __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= --------------------------------- Yahoo! Messenger with Voice. Make PC-to-Phone Calls to the US (and 30+ countries) for 2ยข/min or less. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
