Wassalamualaikum w.w. Dunsanak Sutan Sinaro Nan ambo usulkan adolah Kompilasi (=Himpunan) Hukum ABS SBK, jadi memang bukan mambuek hukum. Artinyo, dikumpuakan, diringkaskan, ditata, kalau paralub diagiah panjalasan, sagalo hukum nan takaik jo ABS SBK tu sahinggo mudah dipalajari jo dilaksanakan. Silakan dunsanak marumuskan pasal-pasalnyo sacaro padek, nanti kito bahas dan kito putuihkan basamo. Wassalam, Soetan Madjolelo (69th)
Sutan Sinaro <[EMAIL PROTECTED]> wrote: Assalamu'alaikum.w.w. Pak Saaf nan ambo hormati jo urang palanta kasadonyo nan ambo cintoi.. Nan partamo adolah pakaro tabaliak ndak tabaliak urusan ko, menanggapi kecek pak Saaf "Saroman jo ibarat, kito bantuak dulu pamarentahan, baru dipikiakan mambuek undang-undangnyo. Kan tabaliak ?" Justru kito dan baitu juo urang-urang gaek kito dulu, "bukan" lai mambuek undang-undang dek karano undang-undang tu lah ado, tingga maambiak. Bak kecek ambo kapatang antaro patron jo kain baju. Aratinyo kito tingga mangguntiang se lai. Sabab kalau kito buek pulo hukum samantaro kito mangaku "beriman" kito akan kanai dek karano lah maambiak hak Allah dalam pembuatan undang-undang. "Inil hukmu illa lillah" (QS), aratinyo sado hukum hanyo hak Allah sajo. Jadi nan kadilakukan hanyolah "mangguntiang" kain manuruik patron, nan patron ko Allah swt. nan punyo. Itu sabab nyo karajo kito kini ko adolah mangukuhkan "lembaga" tu untuak pemberlakuan hukum ko. Supayo jan paniang nan mudo-mudo dinyo atau urang Minang saluruhnyo, nan ma sabananyo nan ka dipatuhi. Nan kaduo pak Saaf manyabuik, nan buliah kito karajokan hanyo tabateh di pakaro perdata sajo. Nah, disikolah sabananyo latak masalahnyo. Kalau lah hanyo tabateh di parako perdata sajo, aratinyo kito alun mangarati atau indak mangarati bana baa "ruh" dari ABS SBK ko, atau kito pura-pura ndak tau, atau indak mau tau, atau kito maleh "berjuang", sabab dalam hukum adat sendiri nan ambo pernah baco dari "Fasalafah adat Alam Minangkabau" oleh Prof. M. Nasroen, ado urusan pidana ko walaupun indak salangkok hukum Islam. Kalau bagian iko kito tinggakan aratinyo bana mukasuik ABS SBK tu indak tacapai dek kito doh, dan nagari ko akan tatap sarupo "pariuk cindua" jadinyo. Kalau kito gantuangkan ka KUHAP di urusan ko, hukum hudud dan ta'zir indak langkok di sinan doh. Maaf kalau ambo salah, ambo maliek indak ado ketegasan dalam KUHAP baa soal "zina" atau "liwath (sodomy)" doh, dan banyak nan lain, nan sabananyo bana tasuruah dalam ABS SBK. Jadi indak namuah kito biakan sajo soal ko doh. Itu mangkonyo kecek ambo, baa mangko kito indak bisa sarupo urang Aceh nan mampu mengukuhkan hukum "hudud" dalam nagari nyo (contoh hukum cambuk) walaupun mereka sarupo jo awak dalam keberadaan nyo dalam negera Indonesia ko. Disiko sabananyo latak "perjuangan" tu pak Saaf, untuak managakkan "lembaga" ko dan mandapek kewenangan dalam Negara Indonesia sarupo urang Aceh. Baitu. Untuak samantaro itu dulu pak Saaf. Wassalam St. Sinaro Saafroedin BAHAR wrote: Assalamualaikum w.w. Dunsanak Sutan Sinaro, kalau kito bicaro soal limbago, amuah indak amuah kito akan bicaro soal otonomi daerah, nan kini diatur dek Undang-undang Nomor 32 Tahun 2004. Pado dasarnyo tasarah ka Nagari untuk maatur limbago apo nan kadibantuak, sapanjang indak batantangan jo hukum negara Republik Indonesia. Nan bisa diatur dek paraturan adat pado dasarnyo adalah pakaro perdata, sabab pakaro pidana tamasuak dalam wewenang Negara, diatur dalam KUHP dan hukum acaranyo KUHAP. Dulu ambo sato managakkan LKAAM dalam tahun 1966 dan manjadi sekretaris salama anam tahun. LKAAM indak paranah dirancanakan untuk mampunyai wewenang eksekutif dalam adat, karano mukasuik pambantuakannyo pado awalnyo adolah sabagai samacam konfederasi para pemangku adat untuak mandorong mambangun nagari. Apolagi kan adat salingka nagari. Indak ado otoritas adat di ateh nagari, bahkan karajaan Pagaruyuang juo indak mamarentah nagari. Sayangnyo sampai kini alun ado buku sejarah :LKAAM nan alah baumua 40 tahun itu. Syukurnyo kini ado mahasiswi di Padang, Yesmawati namonyo, nan sadang manulih skripsi soal sejarah LKAAM iko. Nanti kito bacolah apo nan dapek diungkap dek ananda kito itu. Untuak saluruah Minang ambo anjurkan bueklah dahulu Kompilasi Hukum ABS SBK sabagai rujukan bagi bafungsinya limbago-limbago nan dunsanak anjurkan tu. Kalau limbago dulu dibantuak baru 'software'nyo disusun apo indak kalang kabuik beko nan ka duduak di dalam limbago tu ? Saroman jo ibarat, kito bantuak dulu pamarentahan, baru dipikiakan mambuek undang-undangnyo. Kan tabaliak ? Wassalam, Soetan Madjolelo (69th) --------------------------------- Blab-away for as little as 1¢/min. Make PC-to-Phone Calls using Yahoo! Messenger with Voice. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= --------------------------------- How low will we go? Check out Yahoo! Messenger’s low PC-to-Phone call rates. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
