Kemd Katik Sati, Assalamu'alaikum wr.wb. Kalau di spektrum kan sederhana 'caro awak' nan disabuik nakan Katik Sati tu, lataknyo paliang kida dan nan tajadi kiniko lataknyo paliang suok. Nan paliang rancak lataknyo arti sederhana ko iyo nan ditangah spektrum. Kito fokuskan ka pamimpin nan diateh. Itu artinyo jan dulu hiduik bamewah-mewah, jan gaji ala cukuik tinggi minta naiak lai, jan studi bandiang nan sabananyo "junket" pai bajalan-jalan basanang-sanang samantaro rakyat banyak,PNS nan dibawah tamasuak ketua RT nan ndak bagaji tu susah hiduiknyo.
Ambo punyo pangalaman di Konsulat Jenderal RI Davao, Filipina Selatan. Ado 3 Konjen disinan, yaitu Indonesia, Japang jo Malaysia. Kami acok saliang bakunjuang kantua, ambo maraso malu jo kawan dari Japang jo Malaysia tu, sabab kantua ambo labiah gadang, laweh dan mewah bilo dibandiang jo kantua mereka, baitupulo fasilitas jo kendaraan. Padohal Japang jo Malaysia nagarinyo labiah kayo, nan awak miskin, banyak hutang pulo ka Japang tu. Kalau diliek kadalam nagari baitu pulo. Kantua-kantua pamerintah awak labiah mewah bilo dibandiangkan jo kantua-kantua pamerentah dilua nagari misalnyo nan jaleh bana diambo di Iran jo Filipina. Alun lai kalau diliek caro manyusun anggaran, di mark up sampai 3 kali lipek. Jadi hal-hal sarupo itu nan rancak disederhanakan, sahinggo spektrum nan lataknyo paliang kida jo paliang suok tu bisa bageser katangah. Kito manusia diciptakan sabagai mahluk pertengahan, artinyo usahokan salalu mamakai filosofi "make everybody happy". atau 'kalau susah iyo samo-samo susah'. Wassalam, A.A. BP (64+) ----- Original Message ----- From: "ET Hadi Saputra" <[EMAIL PROTECTED]> To: <[email protected]> Sent: Sunday, May 14, 2006 1:23 PM Subject: Re: [EMAIL PROTECTED] OOT: Tribute to Ahmadinejad > Assalaamu'alaikum wr wb > Iyo Mak,iyo sabana nan Mamak sabuik an itu nan tajadi di awak ko. Padahal > kalau ka dikaji sabananyo kan kesederhanaan pemimpin itu tantu indak akan > samo jo 'sederhana' caro awak. Indak kamungkin Presiden bajalan kaki ka > istana, indak ka mungkin dipadiakan bapaneh-bahujan-hujan. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
