Maa Rang Lapau nan Basamo,
Ambo porowaikkan email dari Bundo Nismah ka Lapau sakadar untuak dimaklumi.
Nis, mudah-mudahan usahonyo sukses. amnbo panah pulo bakorespondensi email
jao anak Pak Sjaf tu tahun nan lalu. Sabalun ambo tambah macam-macam
pangalaman maso revolusi tu, rancak juo dihubuangi Angku Maarif dari Sumpur
Kudus nan ambo raso baliau lai pulo bakatahuan jo tetangga Nis tu. Ambo lai
pulo ba-sms jo baliau sabalun hp ambo hilang. Ambo sandiri basuo jo Pak
Sjaf cuma tahun 1958 di Guntuang. Sasudah dari sinan ambo pai manjalang Nis
jo Rumzi di Kampuang. Takana jaleh di ambo maso itu awak basuo dan
samo-samo makan di rumah amak Rumzi wakatu itu, samopai kito bapisah dalam
sejarah, batamu baliak di Nis jo Rumzi di Rumbai tahun 1962.
Kalau ingin mandapek carito Peristiwa Situjuah tahun 1949 rancak dihubuangi
juo kawan ambo Drs. Sjamsir Djuahary, pansiunan Kep SMA Batusangka nan NIs
tahu barangkali karano tahun 1955-58 kito samo samo di Bukittinggi, baliau
Guru SGB, ambo Guru ST dan Nis Guru SMP-2. Pak Sjamsir Djauhari bukan sajo
dari Situjuah Banda Dalam, tapi manulih thesisnyo di IKIP dengan Peristiwa
Situjuah tu. Baliau kini di Batusangka, istrinyo Bu Ummul Chair bidan
Senior di Batusangka.
Kalau di Jakarta, barangkali indak banyak Nis tahu, kok dapek dicari Angku
Buchari Tamam (dari Banuampu, nan kiro-kiro 10 tahun tuo dari ambo, mungkin
banyak gudang carito nan daopek digali wakatu revolusi tu). Awak sandiri
wakatu 1948-49 tu masih teenage matah sadangkan angkatan kakak kito saroman
Angku Buchari tu lah masuak adolescence dan lah akktif dalam
gerakan-gerakan pemuda perjuangan. Ambo kenal jo Angku Buchari dalam tahun
1958. Kok basuo jo baliau salam ambo, kanakan peristiwa ijok di Tantaman
(Palembayan) sasudah kito baru datang jo jeep dari Talu samo-samo amancari
Pak Natsir Augustus 1958. Dalam katuonnyo kini baliau lupo jo ambo, tapoi
kalau lah tacukia pangana lamo, kadang-kadang tabukak sumbeknyo, bisa
mancoroh cario sisuak kalau ado sel-sel chip nan masih alun rusak.
Salam,
--MakNgah
==================
Dear Sjamsir dan Zaimir,
Nampaknyo ambo akan istirahat dulu dari RN. Tapi ambo ado karajo
akhir-akhir ko. Ambo batetangga samo anak dari pak Sjafrudin Prawiranegara
(alm.). Setelah memperhatikan generasi muda sekarang banyak yang tidak
mengenal apakah itu PDRI (Pemerintahan Darurat Republik Indonesia) dan
bagaimana peranannya dalam pembentukan Negara Kesatuan Republik Indonesia.
Jadi ada sekelompok orang-orang yang ingin meluruskan sejarah (Nismah
termasuk di organizing committee dari kepanitian grup ini) yaitu dengan
mengadakan pameran foto dan seminar sehari. Ada beberapa saksi sejarah yang
masih hidup diantaranya pak Soedarpo Sastrosatomo, dan pak Rosihan Anwar
dan ada beberapa sejarahwan yang mengarang buku tt PDRI itu.Pembicara a.l.
Bp. Juwono Sudarsono, Bp. Ali Alatas, dan akan dihadiri oleh kel. Para
pembuat sejarah dan generasi muda.
Sjamsir dan Zaimir adalah salah satu saksi sejarah dan juga ahli sejarah
yang ambo ketahui. Ingin bana ambo mengetahui tt apo nan nagku Sjamsir dan
Zaimir akan ungkapkan tt PDRI itu.
Ciek lai ambo paralu foto-foto untuak dipameran foto tu. Kok lai tahu
dimano dapek dicari tolonglah ambo.
Labiah dahulu ambo mangucapkan tarimo kasih ka angku baduo.
Target kok dapek anak-anak sikola dan generasi mendatang tahu tanggal 22
Desember 1948 tu di Bukittinggi ado diproklamirkan PDRI sebagai
penyelamatan oleh Sjafruddin Prawiranegara.
Tarimo kasih
Salam dari Rumzy
Hayatun Nismah Rumzy
No virus found in this outgoing message.
Checked by AVG Anti-Virus.
Version: 7.1.392 / Virus Database: 268.6.1/344 - Release Date: 5/19/2006
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
