Assalaamu'alaikum wa rahmatullaahi wa barakaatuh Mungkin dek badakekan kampuang, dan mungkin juo saat itu musimno kali, ampia samo waktuno ambo juo mangalami pinyakik nan dibao dek nyamuk. Nan siklus hiduik virusno tamaasuak didalam darah nyamukko. Sawaktu awak digigik dek nyamuk nan sadang dalam sikl;us virus malariako mako tasaranglah awak.
Ambo raso sakitar tahun itu pulo ambo kanai pinyakik nan diubek jo pil kina saat itu tu. Iyo bana manggigia badan walau ditangah paneh langkang. Lalaok barayan-rayan awak dekno. Ambo takana saat mengigiatu, tampak dipapan dindiang rumah ambo ado uarang nan maegang-egangkan abuak urang padusi. Diegang-egangkanno taruih walau padusi tu alah marauang-raung, sahinggo ambo mangecekan ka urang tu injan diegangkan taruih bantuak itu. Katoko baulang-ulang taruih, sahinggo urang mangecekan ambo barayan-rayan saat manggigia tu. Lain carito nan ampia samolo jo mak Lembang, di tahun 1988 ambo pernah batugas lk 6 bulan di Port Site, Ammamapare (pelabuhan lauik Freeport), dakek Lapangan Terbang Timika. Dek ilimu urangko (PT. Freeport) iyo alah jauah tinggi dari urang kampuang awak diawal tahun 60-an. Alah jadi prosedur tetap dan harus disatujui dan ditando tangani sat ka barangkek kiun, harus mamakan pil anti malaria satiok hari. Pil anti malaria tu alah tasadio di ruang makan, sahinggo agak jarang lupo mamakanno. Alhamdulillah iyo lai mangkuih prosedur tu. Kabatulan ambo manulih emailko, di RS Harapan Bunda Ps Rebo, sadang manunggui anak kaduo nan dirawat dek sakik awalno Thypoid, dan kini manjala ka utak bagai, sasudah CT Scan harus lo di MRI. Mohon doa sanak sakalian mudahan pinyakik anak mbo ko capek ilangno. Iyo banyak pinyakik nan ado kini. Kabatulan anakko masuak RS babarengan jo Almh Ellisia, anak mak Ban di Bogor. Sahinggo sampai saat iko indak sempat untuak datang ka Bogor. Wa'alaikumussalam wa rahmatullaahi wa barakaatuh DM St. Parapatiah -----Original Message----- From: Muhammad Dafiq Saib Sent: Friday, June 02, 2006 1:56 PM Assalaamu'alaikum wa rahmatullaahi wa barakaatuhu Ambo kanai sakik malaria di bulan puaso taun 1964, katiko baumua 13 tahun. Malaria tropica. Indak sadar salamo salapan hari, tapi kecek urang gaek ambo nan marawaik ambo jo sangat hati-hati katiko itu, mancaracau taruih. Paneh tinggi. Macam-macam nan ambo sabuik, kecek ibu ambo. Ado diantarono nan ibaraik maagiah tando saolah-olah ambo alah ka mati. Mangecek-an alah ka pulang ka mudiak (pandam pakuburan kami talatak sabalah ka mudiak dari rumah rang gaek ambo). Sainggo ado kawan-kawan ambo mangecek-an, lah ka mati no gakno du, atau kalaupun panjang umuano si Daf tu mungkin ka gilo no nampakno. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
