Assalaamu'alaikum wa rahmatullaahi wa barakaatuh Yo Mak Ngah,,
Tarimo kasih ateh do'ano mak Ngah,, Namono Baihaquey Gabreil, 21th, semester 6. Ado duo kemungkinan penyebab sakikno, capek fisik dan capek phisico. Kabatulan akhir-akhirko anakko iyo bana sibuk, disampiang kuliah dan asisten dosen, maurus organisasi kemahasiswaan, sahinggo iyo bana sering pai kadaerah, kadang sabulan sampai 3 kali, dek inyo dipicayo kawan-kawanno sebagai sekjen IMEPI (Ikatan Mahasiswa Ekonomi Pembangunan Indonesia). Inyo sanang bana baorganisasi, nan lain sato lo (salah satu ketua) di Rohis dan pendiri Ikatan Mahasiswa Minang Trisakti.. Anak mbo dirawat di Harapan Bunda mak Ngah, indak di Harapan Kita doh. Nan mak Ngah catikokan dibawah, nampakno adolah RS Harapan Kita. Mudahan do'a mak Ngah, do'a sanak lain saroman do'a kami juo dikabulkan dek Allah swt. Wa'alaikumussalam wa rahmatullaahi wa barakaatuh DM St. Parapatiah _____ From: Sjamsir Sjarif [mailto:[EMAIL PROTECTED] Sent: Monday, June 05, 2006 4:40 AM To: Lapau Cc: Darul Makmur Subject: Anak Angku Darul di Rumah Sakik; tadinyo Demam Berdarah Berjangkit di Bukittinggi Assalaamu'alaikum wa rahmatullaahi wa barakaatuh, Angku Darul, Dari Jauah ambo doakan mudah-mudahan andanda Angku Darul, (sia namonyo, bara umanyo) lakeh sehat ari panyakik nan sadang diidokkanno tu. Mancaliak CAT scan jo MRI tu, ambo takana jo latiahan dotor-dotor jo teknisian dari Rumah Sakik Harapan Bunda tu tigo minggu samo-samo jo ambo wakatu mambali masinMRI tu dari Varian (parusaan nanmambuek masin tu di Palo Alto, Califiornia). Wakatu ambo brau pulang dari Makah tahun 2000, panuah damam batuak-batuak dari Jedah sampai ka San Jose California. Bisuakno dapek tugeh mangecek panjang salamo tingo minggu. Insya Allah damam djo batuak-batuak tu hilang samo sakali. Rombogan wakatu itu ado 15 urang dari RS Harapan Ibu di Jakarta dan RS di Surabaya. Tigo masin nan dibali wakatu itu ($1,000,000 ciek haragonyo) tamasuak ongkos training mereka di dalam paket. Ambo sabagai pantarjumah dalam kuliah mareka. Kabatulan ambo masih ado gambar parpisahan kami tapi lupo namo-namo nan maa dari Harapan Bunda dan nan maa dari Surabaya. Dotor-dotor nan dekek jo ambo bakodak dibarih muko Nana Supriana, Suginem Mudjantoro (rasono padusi mungkin dari Surabaya), Muhammad Isa, dan Cholid Badri. Mungkin Dr. Kolid Badri nan dituokan diantaro mareka wakatu tu. Kok basuo jo urang-urang tu salam ambo ingekkan ambo wakatu trainaing tu, ambo sandiri banyak baraja manganai MRI mantarjumahkan langsuang wakatu kuliah dan praktek masinnyo. Di sinan rasonyo ado lo Dr. Aulia Sani bagian panyakik jantuang. Inyo dari Payokumbuah, ambo tingga di tumah eteknyo di Pyk wakatu 1950an wakatu Ol (Aulia) masih ketek-ketek. Inyo panah ka California 10 tahun nan lalu laai basuo jo ambo. Kini ambo sadang mantarjumahkan urang Indonesia ka baoperasi brain tumor di salah satu Rumah Sakik (Wentworth Douglas di Dover, New Hampshire) East Coast. ambo taruih dipanggia untuak tarjumah jo talipon. Mudah-mudahan Angku Darul sakaluarga dapek basaba dalam mamaliharo anak nan sadang sakik ko. Mudah-mudahan inyo lakeh sehat, pulih kembali kecek rang kini. Amin. Iriangan doa dari Jauah, --MakNgah -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
