Maa Angku Rainal Rais,
Sanang ambo bakatahuan jo angku malalui email Urang Minang Panggaleh ko.
Ruponyo angku sakampung jo Angku Mulyadi Dt. Marah Bangso, Rang Sulik Aia
nan bakadudukan dakek Kedukan Bukik di Rantau Sriwiwijaya. Ado kawan-kawan
ambo dari Sulik Aia sisuak nan lah lamo bana indak basuo sajak tahun 1955.
Kapatang ko ambo lai dapek bahubuangan talipon jo saurang kawan lamo di
Tanjuang Balik nan lah pansiun di Jakarta, Angku Rusli Dt. Tumanggung.
Sanang kami maota walaupun lah bapisah sajak maalami "bandera rabah" hampia
50 tahun; gumbiranyo hati bukan main. Ambo lai pulo bakathuan jo Rangkayo
Erni bakeh konjen Indonesia di San Francisco. Kok lai bakatahuan jo baliau
suami istri tatumpang salam ambo.
Di Lapau (Rantaunet) kami lah pasiah maotakan rancak-manihnyo Kampuang Awak
indak lupo elok-buruaknyo dalam ota bungorampai nan multitopik. Lapau
tampek kami maota lah kami bukak sajak akhia tahun 1992 dari babarapo
urang, kini lah manjala anggotanyo hampia tangah duo ribu tadaftar. Sabagai
mailing list Minangkabau nan tatuo mamporohmusikan maota jo Caro Awak,
Lapau kami lai marupokan tampek maota sambia badiang angek-angek jo asok
dapua. Turih manurih ko indak lupo manjadi ota kami sambia makan katan (lai
bakarambia, walaupun kadang-kadang lupo karambiano :) jo goreng pisang.
Mudah-mudahan apo sajo usaho Rang Kampuang dapek bakambang, tamasuak
turih-manurih ko. Kok ado wakatu singgahlah ka Lapau. Pokokno bak pantun
Rang Saruaso:
Padang Gantiang Tajuang Barulak,
Katigo jo Saruaso,
Bakato Aia dalam Luhak,
Kok indak ka mambali mancaliak-caliak sajo.
Kok ka mancaliak Ota Lapau, Tuncik sajo
http://groups.yahoo.com/group/RantauNet/messages/
Kok Sulik Aia, Bukik Kanduang, Pasiliahan, Tanjuang Balik, Paninjauan,
Sibarambang, dll sampai ka Lumindai and beyond alah ambo tampuah dan
hayati, kanangan nan indak panah ambo lupokan saumuah hayat. Kok jadi
turih-manurih ko bakambang, jan sampai lo kalua pantuang Rang Kampuang kito
nan ditunjuakan urang ka ambo sisuak di Kaltialo:
Ka Ilia ka Pakan Satu,
Ka Mudiak ka Katialo.
Lah dapek nan nomor satu,
lah tingga sajo nan nomor duo.
Kok tajadi baitu tantu "rabah bandera' beko. Istilah "Bandera Rabah" ko
adolah istilah asli Tanjuang Balik-Sulik Aia di maso ijok dalam tahun 1958.
Salam,
-- MakNgah
At 05:37 PM 6/8/2006 -0700, dutamardin umar wrote:
alaikumsalam uda Rainal Rais.
Kito alah bakatahuan, waktu samo2 di Kadin Jakarta Pusat dulu.
Kini ambo tingga di Virginia/USA sajak 15 tahun nan lalu.
Kami di US telah dan sadang bausaho mempromosikan kampuang
awak di ranah rantau Amerika ko. Bulan april lalu Tabuik Piaman
kami hoyak di Washington, DC. Kiniko sadang kami persiapkan
pameran foto wisata Sumbar bakarajosamo jo
<http://www.west-sumatra.com>www.west-sumatra.com
Uda Rainal jo para pengusaha Minang lainnyo mungkin bisa sato
sakaki memsponsori pameran fotoko. Siap??
Wassalam
Dutamardin Umar/57th
(dulu di Kadin ambo sapo "Umar")
Rainal Rais <[EMAIL PROTECTED]> wrote:
Asswww,salam kenal dari ambo utk pak Sjamsir Sjarif.Ambo Rainal Rais
berasal dari Sulit Air dan kini tingaa di Jakarta.Paralu bona daerah kita
dipromosikan kalua sabab dipeta indak ado tasure.Wass Rainal
Rais,Jl.Pejaten Barat 2 no.29 Jakarta Selatan 12510 tilp 0217197001/2
Sjamsir Sjarif <[EMAIL PROTECTED]> wrote:
Daerah nan maa nan ditanyokan. Mungkin labiah dari ciek Tanjuang Balik ko.
Nan jaleh ambo katahui dan alah dijalan kakii adolah Nagari Tanjuang
Balik, Kecamatan Sapuluah Koto Diateh (antah kok lah barubah pulo namo
kacamatan tu kini), Kabupaten Solok. Kalau dari Singkarak, ado jalan naiak
bukik ka arah utara mamalui Aripan, Paninjauan taruih kateh babelok ka
utara ka Tanjuang Balik, taruih juo sampai ka Sulik Aia. Jalan tu biasa
juo taruh ka Sumawang, baliak ka Umbilin di Tapi Danau Singkarak.
Kalau ingin manciliangnyo dari Langik tabang-tabang jo Google Earth.
Malayok kabawah manapi Danau Singkarak arahkan panah ka koordinat Tanjuang
Balik tu lataknyo: 0 39 23.55 S (Selatan) 100 39 23.47 E (Timur). Kok
ciinan sadiokanlah wakatu untuk malala ka sinan manikmati Ranah Sapuluah
Koto Di Ateh nan Indah.
Salam,
--MakNgah
--Sjamsir Sjarif
X___________________________________________Sjamsir Sjarif
Indonesian Translator, Interpreter, and Cultural Consultant
335 Gault St. #1, Santa Cruz, CA 95062, USA
Email: [EMAIL PROTECTED] Tel. (831)-426-1333 Fax (831)426-8907
http://www.usindo.net/hambo
Member of:
ATA, American Translators Association http://www.atanet.org/
NCTA, Northern California Translators Association http://www.ncta.org/
IPA, Indonesian Professional Association http://www.ipanet.org/
=======================================================
[EMAIL PROTECTED] Mohon bantuan
Assalamualaikum wr.w.b
Dusannak nan tacinto di kampuang halaman, perkenankan ambo minta bantuan.
Ambo
ingin tau lebih jelas letak daerah tanjuang balik ?
Atas bantuan dusanak kasadonyo ambo ucapkan banyak terima kasih.
Wassalam
Nurhasni (Yokohama-japan)
No virus found in this outgoing message.
Checked by AVG Anti-Virus.
Version: 7.1.394 / Virus Database: 268.8.3/359 - Release Date: 6/8/2006
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
