Maa Angku Helsusandra Syam sarato Rang Lapau nan Basamo,
Sanang ambo mandanga barito nan satitiak ko dari Pangkalan Kotobaru
(Pangkalan Koto Baru), dari sumber urang nan lahia di sinan bana.
Mudah-mudahan angku lai gadang di sinan juo, aratinyo indak maninggakan
kampuang dibawah umua 10 tahun, jadilai banyak nan takana dalam
ingatan. Kami di Lapau ingin bana mandapek tambahan carito nan labiah
detail manganai Pangkalan Kotobaru ko.
Manuruik pandangan ambo, Pangkalan Kotobaru adolah tampek nan strategis
dalam sejarah Minangkabau, marupokan salah satu Palabuhan Internasional
Minangkabau maso dahulunyo. Tampek kalua masuak barang-barang hasil
Minangkabau maupun urang pai dan pulang marantau. Tampek parantian Padati
mambawo baang-barang ilia mudiak nan mahubuangkan Kandang Ampek jo
Pariaman. Sapanjang jalan antaro Kandang Ampek sampai ka Pangkalan Baru,
banyak tampek-tampek parantian padati nan punyo legenda-legenda
sandiri. Salah satu di Kampuang ambo di Ampek Angkek (sabalah timur
Bukittinggi) tampek parantian padati tu di Batang Aia Katiak. Dari
pangalaman maso ketek di maso Bulando sampai maso Japang, masih takana
tampak-tampak diambo padati baririk-ririk bakompoi puluhan sakali jalan
manuju Pangkalan jo muatan-muatan sarek. Masih tangiang-ngian di talaingo
bunyi gadogah padati jo kalentong gantonyo sapanjang jalan dari Parik
Putuih sampai-sampai ka Koto Ilalang sapanjang bateh Barat-Timur Ampek Angkek.
Kapatang ko (Februari 2004) dalam pajalanan ka Muaro Paiti Kapua Sambilan,
ambo takatuang di Lubuak Bangku anam jam karano urang mampaeloki jalan.
(Tujuan ambo ka Muaro Paitu tu karano ingin mancaliak nagari tampek ayah
ambo mambukak nan partamu kali jadi Guru Sikola Nagari Muaro Paiti tahun
1913.) Wakatu oto alah balapeh jalan lah tabukak sampai di Pangkalan alah
malam. Ambo ingin bamalam di Pangkalan, tapi sayangnyo indak ado penginapan
di sinan. Tapaso taruih ka Bangkinang.
Salah satu saran ambo ka Rang Pangkalan sarancaknyo mambangun Akomodasi
Penginapan Moderen di sinan. Urang-urang nan bagulimang jo perhotalan dan
panurihan jan malengahkan baa pantiangnyo Pangkalan Kotobaru ko sarato
nagari-nagari rancak satrategis turisme nan jauah dari Padang jo
Bukittinggi. Pamikiran turih manurih di sumatera Barat misti malapoehkan
mato jo pikiran jauah dari Kuburan Siti Nurbaya (Padang) jo "Lubang Japang"
(Bukittinggi) sajo. Banyak titiak-titiak geografi pantiang nan paralu
dipalajari di Kampuang kito.
Angku Helsusandra Syam,
Tolong lah bacarito agak detail manganai Pangkalan Kotobaru dan
Nagari-nagari Sekitarnyo, buliah Rang Lapau manyimak basamo-samo sambia
minun kawa, katan jo goreng pisang. Eloknyo Lapau kito sambia maota ka
Lauik jo ka Rantau, sacaro indak sadar lai tando nan indak tatulih tapi
kito patuahi basamo, "No Smoking", "Dilarang Merokok".
Samantaro tu, caliaklah baa urang manurih nagari awak. Ado tasabuik
Pangkalan Koto Baru di sinan. Silakan tuncik:
http://www.diplomatchallenge.com/2004.html
Caliaklah gallerynyo.
Salam,
--MakNgah
X___________________________________________Sjamsir Sjarif
Indonesian Translator, Interpreter, and Cultural Consultant
335 Gault St. #1, Santa Cruz, CA 95062, USA
Email: [EMAIL PROTECTED] Tel. (831)-426-1333 Fax (831)426-8907
http://www.usindo.net/hambo
Member of:
ATA, American Translators Association http://www.atanet.org/
NCTA, Northern California Translators Association http://www.ncta.org/
IPA, Indonesian Professional Association http://www.ipanet.org/
=======================================================
Thu Jun 22, 2006 2:08 am
Helsusandra Syam <[EMAIL PROTECTED]>
Ciek lai....
Di kampuang tampek laia ambo, di Pangkalan Koto Baru (Kab. 50 Kota)
panggilan ka urang nan tuo adolah "datuak" juo. Kiro2 samo jo inyiak atau uwo
caro rang bukiktinggi mamanggia ka urang nan tuo atau kakek inyo...
Tapi untuak panggilan ka panghulu iyo "datuak" juo...
Iyolah lain lubuak lain bilalang, lain pulo caro manyabuik.
Ciek lai, kalau di pangkalan kalau mamanggia kakak kalaki (uda),
dipanggia jo "ombak". Kalau dipasingkek, acok disabuik "'mbak" sajo...
Mangkonyo ado istilah, kalau di padang ombak cuma sampai tapi pantai,
tapi kalau di Pangkalan tu ombak bisa mamanjek ka ateh rumah,
bisa sampai ka pucuak karambia.... he.he..he...
Nan jaleh, sacaro adat dan budaya dsbnyo Pangkalan ko agak unik
dibandiangkan jo daerah/wilayah Sumbar nan lainnya.
Sebagai informasi, wilayah Pangkalan (Kec. Pangkalan Kt. Baru,
Kab. 50 Kota) ko adolah wilayah terakhir sumbar menuju Provinsi Riau.
Adatnyo campuran unik Minang jo saketek melayu....
Mungkin ikolah tampeknyo nenek moyang kito nan dulu pai ka arah
luhak 50 kota nan taruih bajalan ka ateh/timur.... taruih ka pangkalan,
taruih ka arah Kapur IX, kampar/bangkinang atau masuak taruih ka wilayah
riau kiniko... makonya secara adat/kebudayaan banyak persamaan urang pangkalan
jo urang kampar, bangkinang, dan babarapo wilayah di bagian riau....
Sacaro bahasa juo agak babeda jo logat minang kabanyakan...
Sakian sajo dari ambo, lah banyak lupo jo carito2 lamo, dek lamo ndak
di kampuang dan ndak kawon tuka carito....
Wassalam,
Helsusandra Syam gala Pangulu Kayo
Di Jakarta
32 tahun kurang 2 bulan
No virus found in this outgoing message.
Checked by AVG Anti-Virus.
Version: 7.1.394 / Virus Database: 268.9.2/373 - Release Date: 6/22/2006
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
