Assalamulaikum WW Dek iko marupokan rantok rang rantau, bari maaf ambo indak bakuduang, bia urang di palanta rantaunet dapek pulo mambacono.
Iyo jikok dirantang panjang iyo ibo atiko mah sanak Malin Basa. Katiko ambo masih manggaleh babelok kaliliang Ina, iyo iri hati mancaliak. Dulu banyak urang (kanti mbo) nan mangaji di Ancol (AIP), eh kini mereka alah jadi urang mamacik di MISC (Malaysian International Shipping Corporation). Jadilah MISC manguasoi lauik kini. Di Dumai saingan mereka dalam chemical carrier cuma Stolt Nielsen, perusahaan urang kampuang mak Ngah (Houston) nan kapano di cat saroman pulo. Jikok ditanyoan punyo Indonesia, indak ado K40 doh, paliang K6 (6000 DWT). Kalau di Malaysia, urang nan sikola dilua iyo bana diharagoi dan dibari posisi kalau alah pulang. Kalau dinagari mbo ko, urang sikola kalua nagari tu dianggap urang buangan, sahinggo sasudah manggondol ijazah nan dipajuangkanno jo paluah dan sakik kapalo, satibo disiko, di Indonesia, indak diagiah kurisi lai alias DIKELELERKAN. Dikampuang mbo nan ilmu itu iyo indak diaharagoi doh. Apo lai kini, nan paliang diharagoi adolah "HEPENG" indak paralu apo halal atau haram. Ambo takana dimusajik sajo nan diharagoi adolah nan sumbanganno gadang (sa bodoh halal atau haram). Nan diateh baru ikan basi. Jiko pipik basi, nan flag carrier, saroman juo. Disinan untuang gadang, disika butuang taruih, disubsidi taruih. Ado nan jadi olokan saat bacengkrama di geladak dulu (mbo pernah jadi satu-satuno urang Ina onboard), di Malaysia urang sibuk manggali tanah untuak mananam sawit, di Indonesia urang sibuk manggali Pancasila (nan mahasiakan birokrat koruptor). Wassalamualaikum WW Darul M -----Original Message----- From: jun aidi Sent: Sunday, June 25, 2006 10:48 AM Wa'alaikumsalam wr. wb. Kanda Taufiq nan dimuliakan Allah Bak kecek urang ayam batalua diateh padi mati kalaparan, itiak baranang diateh aia mati kahausan. Kalau dipikia dima salahno go, padang jauah dilayangkan pandang dakek ditukiak-an jiran awak ditanah semenanjuang nan duluno baraja ka awak kini alah jauah labiah maju dan pandai dari awak. Petronas nan indak ado apo2no dibandiangkan Pertamina alah manjadi perusahaan international nan sangat profitable dan mereka cuman kalah dari ExxonMobil. Ambo yakin salah satu faktor keberhasilan suatu bangso sangaik tagantuang dari pamimpinno, awak caliak nagari singo punyo Uncle Lee dan Semenanjung punyo Tun Dr. M, kaduo pamimpin ko punyo visi, mimpi dan barani maambiak resiko untuak mamajukan bangso-no supayo duduak sejajar dengan bangso2 di dunia. Awak caliak juo Philiphina dan Myanmar di tahun 50-60 an mereka adolah bangsa nan maju di Asteng tapi setelah Myanmar diparintah rejim militer dan Philipina diperintah oleh Marcos semuano jadi barantakan. Baitu juo nagari nan dikatokan jamrud khatulistiwa sajak diparintah eyang kakung sagalo sendi2 kemasyarakatan awak hancua barantakan, buliah dikatokan mental2 korup berkembang dengan suburno, sahinggo prinsip meritokrasi indak berkembang. Lembaga2 tinggi negara barado dibawah karampang sang jendral besar, parlemen diisi oleh anggota AMPI (anak, mantu, putra dan istri). Demokrasi dan perbedaan pandapek diberangus dan banyak nan ilang malam. BUMN (badan usaha merugikan negara) manjadi sapi perahan, PLN, Telkom, KS nan mamonopoli listrik, talipon jo baja selalu marugi. KKN marajolela disaluruah lapisan masyarakat. Sayangno zaman reformasi nan katono adolah koreksi thd orde sabalunno alun manunjuk-an hasia nan diarok-an, karano mereka2 nan bercokol di lembaga pamerintahan masih kader2 orde korup tsb. Awak caliak juo pola rekruitmen mereka baiak parlemen ataupun eksekutif, bara banyak dana nan mereka kalua-kan untuak manduduk-i posisi tsb mungkin tajua sawah jo ladang dan tagadai barang bini-no dan setelah duduak mereka tantu bausaha mambaliak modal dan prinsip urang manggalen jaan kan ka marugi, pulang pokok-sen mbek cah lu. Kapatang kutiko pulang ambo sempat manelepon salah surang ketua dewan nan terhormat di wil. Sumbar nan kawan ambo kutiko SMA, baliau mangecek-an baa kurenah rekan2 baliau nan terhormat di gedung rakyat, dimano pitih 25 ribu se bacirabuik mereka. Mereka mandesak katua dewan untuak malakukan kunker nan indak paralu untuak mandapek-an uang jalan, aa nan bisa dilakukan baliau dengan anggota partai baliau nan kurang dari 25% di parlemen sadangkan pareman2 badasi nan lain basatu padu untuak manggolkan niaiak mereka. Kanda antahlah kabaa lai indak bisa awak mangecek doh, saluang sen lah nan manyampai-an, kalau di sumbek-an bana ka pangka turiak no kabanaran indak mangkuih lai doh. Mungkin iko nan disampaikan Allah di surek Al-Baqarah dan surek Al-Anfal. Hati, penglihatan dan pendengaran mereka alah ditutuik Allah dan bagi mereka azab nan padiah dan kudiaan dikatokan dalam surek Al-Anfal mereka alah saroman jo binatang dan labih randah dari itu dimano mereka punyo mato indak digunokan untuak maliak ayat Allah, mereka punyo talingo indak digunokan untuak mandanga ayat2 Allah dan mereka punyo hati tapi indak digunokan untuak memahami ayat2 Allah. Mungkin pulo urek malu mereka alah putuih nan bak sabda Rasullulah bhw agamo talatak diateh raso malu dan kalau raso malu tu alah ilang pabuekleh sakandak hati kalian. Kanda indak sanggup lagi ambo manulih, ramuak rasono hatiko di dalam, bacucuran aia mato mancaliak bumi pertiwi diperkosa oleh urang2 nan indak bertangguang jawab. Ka Allah ambo mintak ampun, ka sagalo dunsanak ambo mintak maaf kok tasingguang puncak kadano, kok talantuang ka naiak tasingguang ka turun. Insya Allah mukasuik ambo tulus untuak maliek ranah bundo tampaik tumpah darah ambo bisa duduak sajajar jo bangso2 lain di muko dunia. Anau kaciak gadang palapah Tolonglah ruduak runduak-an Awak kaciak mudo matah kok salah tolong tunjuak-an Wassalam Junaidi (85) -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
